معايا لانوس 2007 ... المساحات بتاع الزجاج واحدة منهم اتكسرت من ناحية الريش..
فكنت عايز أعرف اجيب مساحات جديدة منين ... وهل فى نوع مساحات معينة للانوس ولا كله زى بعض .. وبكام ..
وممكن أركبها بنفسى ولا أغيرها عند مين....
وشكرااااا
عرض للطباعة
معايا لانوس 2007 ... المساحات بتاع الزجاج واحدة منهم اتكسرت من ناحية الريش..
فكنت عايز أعرف اجيب مساحات جديدة منين ... وهل فى نوع مساحات معينة للانوس ولا كله زى بعض .. وبكام ..
وممكن أركبها بنفسى ولا أغيرها عند مين....
وشكرااااا
فيه مساحات زجاج مش عارف اسمها تحديدا بس هي كلها كاوتش تقريبا ربر اسمها دي افضل انواع المساحات ومش شرط تكون زي الي موجوده عندك اهم شي قياسها زي الي عندك
طيب اجيبها منين ممكن واعرف مقاس اللى عندى ازاى ومين يركبها
من التوفقية الربر فى حدود 20-25 وتركيبها سهل جدا حضرتك تقوم بالواجب وقيس المساحة من الجلد وأعتقد مقاسها 18 والبياعين كمان عرفين
من اي حد بتاع اكسسوار وكماليات وتجيب مقاس 18 بوصة
شكرااا لكل الأعضاء ... يعنى استخلص من الكلام لعربيتى الدايو لانوس
المقاس 18
النوع ربر
السعر من 20 الى 25
طيب ممكن طريقة التركيب ....
فعلا موجوده كتير فى التوفيقيه وخد معاك المكسوره وهات مقاسها وهما نوع كله مطاط ونوع تانى زى الأصلى حديد وعليه من اسفل الكاوتشوك ... وحتلاقيهم عند كل واح ليه محل او فارش على الرصيف.
اى حد بتاع اكسسوار عربيات هتجيب مساحتين رابر تمنهم 20-25 جنيه .. وانت واقف هو هيركبهم
لسه جايب فى النوبيرا نوع اسمه ميكسو فرنساوى الجوز ب 35 مقاس 20 ممتازين و بتنظف الزجاج كويس اوى و من اول مسحه عشان احنا فى اسكندريه بنهتم بالمساحات جدا عشان الشتاء المستمممممممممممر
اولا ابعد عن الرابر لان معظمهم صينى ومضروب وبتبدامن 7 جنيه للواحده وحتى 50 جنيه للجوز النضيف لو تعرف بقى تجيب الرابر النضيف هاته لكن كنصيحه وجربت عشروميت الف نوع منه بلاش وخليك فى العادى
المقاس بيكون واحده كبيره وواحده صغيره نظرا لان احداهم بتغطى مساحه اكبر عالزجاج وعالبا بتكون امامك انت
موجود وعن تجربه نوع فرنساوى عند ابراهيم البنا ب حوالى 30 جنيه بيعيش وكويس وهو عارف مقاس اللانوس وتقريبا بيكون 18 وخلى بالك لو فتيت فى المقاس ممكن يخبطو فى بعض ويطيرو ويتكسرو
اتمنى اكون افدتك
طب ياباشا فين ابراهيم البنا ده واروح ازاى انا من حلوان....
اركب مترو الانفاق ماتروحش بعربيتك هاتتعب فى الركنه هناك
انزل محطة جمال عبد الناصر او احمد عرابى واطلع من المترو اتوجه لسنترال رمسيس امام البوابه بتاعة السنترال فيه شارع خلى البوابه بتاعة السنترال فى ظهرك ستجد امامك شارع فى وشك على طول بص عالطريق اقبل ماتعدى ولما تدخل فىى الشارع الى فى وشك هاتلاقيه عالشمال تقريبا المحل رقم 13 عالشمال ومشهور اوى هناك اسمه البنا وفى كمان الزقازيقى بعد البنا فى تقاطع هاتلاقيه تانى محل لما تدخل فى التقاطع شمال