السلام عليكم ورحمة الله وبركاته
انا معايا دلوقتى لانوس ونسبيا العربيه كويسه لكن بجد انا زهقت منها جدا
فكرت انى ابيعها واجيب فيكنرا 2002 أكتر من مره - لكن تراجعت عن الفكره اكتر من مره
دلوقتى انا نفسى فى عربيه ناعمه وسحبها كويس - ومش مهم اقصى سرعه فيها لأنى بطلت أجرى خالص والحمد لله
تقريبا كل اللى هيبقى متوفر معايا فى حدود 60.000 أو 65.000 بالكتييييييييييير وان كنت مش حابب انى ابقى على الحديده كده
المهم انا بفكر فى نيسان صنى وطبعا هاتبقى موديلات ما بين 2005 - 2008 مانيوال
أو اسبرانزا تيجو 1600 مانيوال - بصراحه العربيه عجبانى جدا - خصوصا ان طولى 190 سم وطبعا هاتبقى موديل فوق ال 2010
وبصراحه العربيه مناسبه جدا ليه من قدام وشغاله نسبيا من ورا
رجاء بقى حضرتكم تقولوا لى اختار أيه وايهما افضل
ولو فيه اى اقتراحات تانيه - يبقى يا ريت
احتياجاتى فى العربية
بشكل عام انا استهلاكى للعربيه بالظبط 12 كيلو فى اليوم فقط - بالاضافه للسفر الى الاسكندريه تقريبا من 3-5 مرات سنويا - والسفر الى مرسى مطروح مره سنويا وشكرا على كده - يعنى متوسط استهلاكى الشهرى ما بين 800-1000 كيلو شهريا ما عدا فى الصيف بتصل ال 2000 كيلو شهريا
احتياجاتى فى العربيه نفسها الاتى
1- عربيه هادئه نسبيا
2- سحب كويس
3- مانيوال
4- تكييف كويس جدااااااااا
5- قطع غيار متوفره
6- استهلاك بنزين كويس
7- اعادة البيع تكون سهله نسبيا
أشكركم مقدما واعتذر على الاطاله وفى انتظار الردود والاقتراحات