سحب العربيه مكتوم الصبح!!

**Riolover** · 17-12-2012 02:33 PM

السلام عليكم
معايا كيا ريو 2002 اتوماتيك
عندى مشكله غريبه شويه

انا قريت ان العربيات الجديدة والانجشكن خاصاً متتسخنش قبل ما تمشى
يعنى انا يادوب بدور العربيه وبستنى معدل دقيقتين كده وبمشى ع مهلى اول 5 دقايق وبعد كده عادى

بس المشكله ان اول 5 دقايق دول بحس ان العربيه مكتومه ف سحبها
يعنى دواسه البنزين بلاقيها تقيله وكأن فيه حاجة كاتماها

وبعد ما امشى 5 دقايق او 10 دقايق
او مثلأً لو بطلت العربيه ودورت تانى ، الاقى السحب بأ ممتاز ورجع لطبيعته ودواسه البنزين بقت سلسه والعربيه مش مكتومه

فالعيب ده بيكون ف ايه بظبط؟
ولا ممكن العيب انى مش بسخن العربيه؟

يريت تدلونى
والف شكر ليكم

**Riolover** · 19-12-2012 12:14 PM

ها يا شباب مفيش رد؟
هل ممكن تكون المشكله ديه ف عدم تسخين العربيه؟

لان اللى انا فهمتو ان العربيه اما بتسخن بتسحب عادى ومش بتكون مكتومه
فممكن تكون المشكله ف كده؟

يريت حد يوضحلى

**abdoumahros** · 19-12-2012 12:35 PM

التسخين الصبح مهم سواء العربيه انجكشن او كربراتير واحسن اداء للمحرك عند درجه حراره 85-90 درجه مئويه واعتقد ان ده سبب مشكلتك علشان كده جرب تسخن العربيه الصبح وابدا اتحرك لما الحراره توصل 70 هاتلاقي العربيه ماشيه تمام

**Riolover** · 20-12-2012 07:34 PM

الف شكر يا باشا
بس انا عندى الحرارة عداد مؤشر مش ارقام
يعنى درجة الحراره 70 ديه يعتبر اول مؤشر ف الحرارة (اول شرطه يعنى؟)؟ ولا ايه؟؟

والف شكر

**i_Am_Legend** · 20-12-2012 08:04 PM

انا عندي في اللانشيا ..بتحرك لما المؤشر يوصل ل60..ببتدي اتحرك واحدة واحدة اول وتاني وبدون حرق..كاني بسخن وانا ماشي...وبعد المؤشر مايوصل 90...اوعب بقي وشك..مافيش عربية بتاكل ولا تشرب معاها....هههههههههههه

**Riolover** · 21-12-2012 01:47 PM

المشاركة الأصلية كتبت بواسطة i_am_legend

انا عندي في اللانشيا ..بتحرك لما المؤشر يوصل ل60..ببتدي اتحرك واحدة واحدة اول وتاني وبدون حرق..كاني بسخن وانا ماشي...وبعد المؤشر مايوصل 90...اوعب بقي وشك..مافيش عربية بتاكل ولا تشرب معاها....هههههههههههه

هههههههههههههه
طيب انا اعرف ازاى درجه الحراره 60 او 90
انا عندى ف العداد مؤشر مش ارقااام
يريت حد يفيدنى ف الموضوع ده

**abdoumahros** · 26-12-2012 11:42 AM

المشاركة الأصلية كتبت بواسطة riolover

الف شكر يا باشا
بس انا عندى الحرارة عداد مؤشر مش ارقام
يعنى درجة الحراره 70 ديه يعتبر اول مؤشر ف الحرارة (اول شرطه يعنى؟)؟ ولا ايه؟؟

والف شكر

بعد مابتمشي بالعربيه مده نقول مثلا نص ساعه بتلاحظ ان مؤشر الحراره بدا يزيد لحد مايثبت علي وضع معين يتحرك فوقه او تحته مسافه بسيطه اوي ( اثناء فصل وتشغيل مروحه التبريد ) وضع الثبات ده تقريبا 90 درجه وبدايه المؤشر عاده بتكون مقابله ل 50 درجه كده تبقا منتصف المسافه بينهم حوالي 70 درجه وعلي فكره 70 درجه موش قانون يعني لازم تلتزم بيه المقصود ماتتحركش الا لما مؤشر الحراره يبدا في الصعود وبعد كده اتحرك علي خفيف و10 دقايق اديها براحتك وانت هاتحس بالعربيه معاك وخللي بالك 10 برضه موش قانون حسب بروده الجو ارجو ان اكون افادتك