زيادة اسعار السيارات

**abogharib** · 22-12-2012 04:17 PM

المشاركة الأصلية كتبت بواسطة bakka2010

يعنى هى جت على العربيات يا باشا ؟ كل حاجه هاتزيد جدا . وعشان مرسى يحصل على القرض الربوى ال 4.8 مليار دولار من صندوق النقد فمن شروط الصندوق أنه يخفض عجز الميزانيه ال 11 % برفع الضرائب . عشان كده أخد قرار رفع الضرائب على السلع الأساسيه والرفاهيه . ولسه لحد الوقتى لم يتم تنفيذه . يوم مايتم تنفيذ قرار مرسى برفع الضرائب فكل سلعه أو خدمه من اللى بيشملها القرار هاتزود أسعار سلع وخدمات تانيه كتيييييير قائمه عليها .. لأن القرار بيشمل حاجات زى الكهرباء والغاز وتصاريح النقل الثقيل والمتوسط وتصاريح تشغيل المحال وحاجات كتير زى دى هاتغلى كل حاجه فى المجتمع . يعنى من الأخر مرسى هيغلى الأسعار والضرائب على الفقراء عشان يسدد بيها الفوائد الربويه بتاعه القرض ... هى دى الشريعه اللى بيقولوا عليها . وعلى فكره حكايه رفع الضرائب لتخفيض ال 11% عجز الميزانيه ده من شروط القرض وانا جايب الكلام ده من الفاينانشيال تايمز بنفسى والله .

**Ultramisho** · 23-12-2012 10:29 PM

بص ياباشا
الي يقرأ السياسة الحالية يفهم
مش بس العربيات هتغلى علشان فرق الدولار
لا انا اتوقع ان هيتقرر ضريبة مبيعات عالية على السيارات
لان اكيد الحكومة بتعتبر اصحاب العربيات اغنياء ويقدروا يدفعوا والي ماعوش مايلزموش

انا كنت من ناس كتير توقعت مع بداية الثورة تخفيض الجمارك ورخص العربيات
وانا دلوقتي باتوقع زيادتها تدريجيا بس سريعا برضه بدرجة كبيرة
وزيها زي الحياة عموما والي ماعوش ياكل ماتلزموش الحياة يظهر

ربنا يستر على البلد وعلينا

**szaalouk** · 27-12-2012 08:56 AM

ربنا يسترها علينا
الحياه اصبحت كل يوم اصعب من اللي قبله

**elgdawy2007** · 28-12-2012 10:04 PM

المشاركة الأصلية كتبت بواسطة احمد المشهور

انا سمعت انهارده ان سعر العربيات هيزيد هل ده خبر صحيح واذا كان ده صح هيزيد قد ايه وهل ده اللي كان الشعب بيطلبه ان الاسعار ترخص ده كله ماشي بالعكس بوتاجاز مفيش بنزين مفيش اسعار بتزيد عيش بالطوابير هو في ايه ارجو الرد ....

الاسعار فعلا زادت فى اكتوبر 2012 مبلغ 2000 جنيه لمعظم السيارات ولسه فيه زياده اخرى 1 يناير 2013 وبعدها بأربع ايام اخرى سيتم زياده اخرى يوم 5 يناير 2013 وذلك لسببين الاول ارتفاع سعر الدولار والثانى زياده الشريحه الجمركيه على اسعار السيارات وهذا بلغنى به مدير مبيعات معرض الطارق بكارفور اسكندريه يوم 28 ديسمبر 2012 تحياتى ممنوع الكتابة باللون الاحمر لانه مخصص للمداخلات الادارية
مشرف القسم ب5