الموضوع: تعديلين فى السيراتو لرفع الاداء 25 حصان

موضوع ان الريمابينج يزود 20حصان مره واحده ده انا مش مقتنع بيه لانه كده لازم هيغير الشبايه الاوريجينال بتاعت العربيه و هيحط واحده تانيه و موضوع ال5 حصان بتاع intake ده فى الظروف القياسيه وان الفلتر يكون محطوط فى مكان بياخد هوا بارد صرف و الوصله بتاعته تكون قصيره مش طويله

المشاركة الأصلية كتبت بواسطة Mshawky

لا حضرتك فى مواضيع كتير فى قسم التعديل تثبت الكلام ده مش كلامى

لدرجه ان ناس راحت تركيا وعملت كده فعلا والفرق كان من 16 -20 حصان

والفكره هما مش بيزويدو على العربيه لا هما بيرجعو العربيه للهورس الباور الاساسى والعزم الاساسى على مقياس الدينو بس مش اكتر

بص يا فندم حضرتك ممكن تزود 40 حصان مش 20 على العربيه بالريماب بس مش على الشيب الاصليه لازم طبعا يغير الشيب الاصليه بتاعه العربيه و فيه شيب تانيه رياضيه تقريبا و لكن الفكره ان هل البساتم بتاعتك هتستحمل ولا هتتكسر وهل طرمبه البنزين هتستحمل ولا هتضرب لان خلى بالك اى تعديل فى اداء السياره يصاحبه ارتفاع فى استهلاك البنزين و انا عن نفسى معايا بيجو 406 وسالت عند عادل وجدى وعند ناس تانيه على انى اغير شيب قالولى اولا الموتور مش هيستحمل الشيب الجديده وهيكسر البساتم وثانيا لو هعمل ecu remab على الشيب الاصليه هيزود 7 حصان بس وانا اصلا رافع العربيه على الداينو عند عادل وجدى وخلى بالك انا بتكلم على عربيه اوروبى و موتورها عفى جدا و غنيه عن التعريف ومع ذلك متستحملش ده
النقطه انى لما اعمل ريماب على الشيب الاصلى وازود 7 حصان بس و ب 1500 جنيه وممكن العربيه تتبهدل لا انا اولى بالفلوس دى

المشاركة الأصلية كتبت بواسطة Mshawky

بصراحه فى الكلام ده عندك حق هدفع بس فى 7 حصان 1500 جنيه كتير جدا
ده انا كنت مستغليها لو كمان كان هيزود ال20 ههههههههههه
بص هو ده الى بتكلم عليه تقريبا اسمه سامح مش علاء وجدى

https://www.facebook.com/groups/260116569763/

لا انا معرفش الجروب ده انا بتكلم على عادل وجدى بتاع tps garage اللى هو موزع k&n و صدقنى انا من وجهه نظرى شايفه حرام لما احط مبلغ زى ده فى الظروف اللى احنا فيها دى و بدون نتيجه ملموسه لا انا عن نفسى معملش كده الا لو ظروف قهريه انى اكون حاطط تربو ولازم اعمل ريماب وبعدين انا لما ببقى مسافر لما ببقى طاير و مستعجل و مش هاممنى رادارات ببقى ماشى 160 مع العلم انى مقفل قبل كده 230 وكده كده مفيش طريق يساعدك تجرى فملوش لازمه الهرى ده كله

صحيح سعر الintake system السيموتا 400 مش 650

المشاركة الأصلية كتبت بواسطة Mshawky

عند مين يافندم ؟ لانى بدور على السيستم ابو فلتر كربونى cbii

power zone هو موزع سيموتا فى مصر و موجود على الويب سايت بتاعهم وسعر السيستم عندهم من 350 لحد 650 واللى ب 650 ده سيستم اسمه دراجون و الكاربون ارخص منه و هو اصلا مش كاربون اصلى لان معدن الكاربون غالى جدا اصلا