هل أشتري اللوجان الاّن أم هناك تخفيضات قريبا؟

**itsonlyme** · 21-07-2008 02:58 AM

في كلام أن اتفاقية الكوميسا سوف تطبق قريبا مما يعني تخفيض الجمارك على المنتجات الاّتية من بعض الدول الأفريقية و منها المغرب. ده معناه ان اللوجان سوف يتم استيرادها من المغرب وسوف ينخفض سعرها عن السعر الحالي.

ايه مدى صحة الكلام ده؟
هل التوكيل هو الذي سوف يستورد اللوجان من المغرب أم مستوردين اخرين؟
هل هناك حق حصري للتوكيل لبيع الرينو في مصر؟

سؤال أخير مهم تعتمد اجابته على اجابات السؤالين السابقين

اللوجان الموجوده في المغرب هي داتشيا مش رينو وده أكيد.
هل ده معناه أن اللوجان المستوردة من المغرب سوف تكون داتشيا؟

أنا شايف انه في احتمالت ثلاثة:

1) لو في حق حصري للتوكيل لبيع الرينو ومستورد (غير التوكيل) استورد الوجان من المغرب ساعتها أكيد سوف تكون داتشيا.

2) لو مفيش حق حصري للتوكيل لبيع الرينو ومستورد (غير التوكيل) استورد الوجان من المغرب ساعتها ممكن تكون داتشيا أو رينو على حسب قدرة واستعداد مصنع المغرب لتصنيع طلبية خاصة تحمل ماركة الرينو.

3) لو التوكيل هو الذي سيستورد لوجان من المغرب ساعتها أيضا ممكن تكون داتشيا أو رينو على حسب قدرة واستعداد مصنع المغرب لتصنيع طلبية خاصة تحمل ماركة الرينو.

مع العلم أن اللوجان المجودة في مصر حاليا هي مستوردة من رومانيا (البلد الأم لماركة داتشيا) و السيارة معروفه هناك بإسم داتشيا لوجان ولكن المصنع ينتج طلبية خاصة تحمل ماركة رينو وهو قادر على ذلك لأنه المصنع الرئيسي لإنتاج اللوجان. أما بالنسبة لمصنع المغرب, فقد يكون ليس له القدرة على ذلك.

**itsonlyme** · 21-07-2008 11:07 PM

نسيت أن أذكر أن هناك كلام بأن الجمارك على المكونات المستوردة للسيارات المجمعة في مصر سوف تقل لإعطاء تنافسية للسيارات المجمعة محليا. لو الكلام ده صحيح يبقى معظم السيارات سعرها سوف يقل.
ايه مدى صحة الكلام ده؟

أرجـــــــــو الرد

**itsonlyme** · 27-07-2008 02:56 AM

مافيش حد هيرد ولا ايه؟

**hesham_tawfiq** · 28-07-2008 09:52 AM

يا اخى الله اعلى واعلم
انت بتتكلم فى سياسة بلد وطريقة حياه
عمر مالمعلومه او القوانين عامة فى بلدنا ما طلعت بوضوح وسهوله.
لازم ينشفو ريق الناس وينقطوهم بالمعلومه لحد مافجأه الاخ سيد قراره يرفع ايديه بالموافقه الناس تصحى تلائى القانون واقف على قلبهم.والكوميسا دى بئالها خمس سنين ولا حاجه متطبقه بس مفيش اى تخفيضات جمركيه على اى حاجه
عموما ان الله مع الصابرين

**MoToRiZeR** · 28-07-2008 10:41 AM

يا راجل هو فيه أي حاجة في مصر حصل عليها تخفيض !
انا من ساعة ما قلت يا عربيات و ابتديت اتابع عمري ما شفت عربية سعرها نزل .. كله في الطالع كل شوية .. اشتريها دلوقت أحسن لأن الإتفاقيات و الكلام ده مش مضمون و ربنا يدينا طولة العمر

**sab3aawy** · 28-07-2008 11:13 AM

اللوجان سواء داتشيا او رينو او نيسان(بتتباع فى المكسيك تحت اسم نيسان) فهى هى نفس العربية مش فارقة اى حاجة سوى العلامة على الشبكة الامامية، والعربية بكل الأحوال لا تصنع فى فرنسا لكن تصنع فى رومانيا وبعض الدول النامية كالمغرب والمكسيك واعتقد الهند

**haneena** · 28-07-2008 11:32 AM

المشاركة الأصلية كتبت بواسطة hesham_tawfiq

يا اخى الله اعلى واعلم
انت بتتكلم فى سياسة بلد وطريقة حياه
عمر مالمعلومه او القوانين عامة فى بلدنا ما طلعت بوضوح وسهوله.
لازم ينشفو ريق الناس وينقطوهم بالمعلومه لحد مافجأه الاخ سيد قراره يرفع ايديه بالموافقه الناس تصحى تلائى القانون واقف على قلبهم.والكوميسا دى بئالها خمس سنين ولا حاجه متطبقه بس مفيش اى تخفيضات جمركيه على اى حاجه
عموما ان الله مع الصابرين

كلام حضرتك مظبوط وتمام مفيش حاجة بترخص فى مصر غير المصريين
اشتريها وتوكل على الله كل حاجة بتغلى مش بترخص وحتى لو طبقوا مليون اتفاقية هنا بيحطوا قصادها مليون ضريبة وبيخلوا الحاجة تزيد اكتر من الاول

**amr123** · 28-07-2008 04:48 PM

بص يا باشا
انت ليك حق تقلق من الموضوع ده لأنه هيأثر على سعر السيارة اس كان هيبقى اسمها ايه
انا في نفس حيرتك لكنى حسمتها بفكرة بسيطة

1 - انا عايز السيارة النهاردة قبل بكرة ....يبقى مش هقدر استنى حاجة مش معروف معادها
2- الاتفاقية دي بقالهم سنين بيتكلمو فيها و بتاعت المغرب بالذات كانت هتم السنة السابقة و باظط عاى اخر لحظة ...يعني الله اعلم هتتطبق ولا لأ

انا رأي ...لو حضرتك مستعجل ...اشترى ....او شوف بديل تاني ميكونش فيه القلق ده
لو مش فارق معاك الوقت استنى ...يمكن

و شكراااااااا