فيـــــن الاهــــلاويــة المنتـدى كله زمالكاوية ولا ايــه (الف مبروك للاهلى )...

**mohamed_88sk** · 21-07-2008 05:42 PM

انا مش فاهمك الصراحة

اظن حضرتك مفهمتش كلامى كويس

انا بقول ان الاهلاوية المفروض يفرحوا اكتر
عشان مرتضى مدمر الزمالك حيرجع من تانى

مش بقول ان مرتضى الكويس راجع للزمالك

انا ضد كل ما هوا عصبى وميعرفش يأخد حقه بالادب
ده لو اصلا ليه حق

والله أحنا مافرحانين على الزمالك بالعكس أنا عن نفسي في قمة الأسف والحزن لما أل إليه الحال
وميشو مكنش يقصد يرد على حضرتك كان يقصد أستاذ رامي
تقبل مودتي أخوك في الله محمد السيد

**OlaOsman** · 21-07-2008 05:50 PM

المشاركة الأصلية كتبت بواسطة mohamed_88sk

معاك حق يا أستاذ توت ويا أستاذه علا
أسف جدا عالنرفزه والعصبيه اللي حصلت
بس حضراتكو كلام أستاذ رامي ينرفز داخل يخبط في فريق هو على قمة الدراية أنه محترم جدا جدا جدا
ويكفي أن منتخب بلده أغلبه منه
فطبعا كفرد في (سن المراهقه) لازم أتنرفز ...
وعرف أن ده يثير ضغائن بس كان لازم رد ..
أعذروني
ومنكم مني كل الأحترام

تحياتي و احتراماتي و شابوهاتي.. اللي هوه يعني بارفع لك القبعة احتراما

**ahmedfawzy14** · 21-07-2008 05:57 PM

المشاركة الأصلية كتبت بواسطة mohamed_88sk

والله أحنا مافرحانين على الزمالك بالعكس أنا عن نفسي في قمة الأسف والحزن لما أل إليه الحال
وميشو مكنش يقصد يرد على حضرتك كان يقصد أستاذ رامي
تقبل مودتي أخوك في الله محمد السيد

ربنا يكتر من امثالك يا محمد
ويخلى كل الاهلاوية زيك كده

وكملوا جميلكم بقى والمطش الجى لاخواتكم بتوع ميت عقبة

عشان بس لازمنا :biggrinjester:

**ramyso4** · 21-07-2008 06:52 PM

المشاركة الأصلية كتبت بواسطة mohamed_88sk

لا واضح أنك كنت في الأستاد !!!!

طبعا براحتك متردش بس فعلا لايرتقي ليبقى دوري شركات ولا ساحات شعبيه
عارف !!! أحلى حاجه فيكو الزملكاويه بتعلقوا فشل اللعيبه عالأداره والأداره العكس
عندك ماتش السته واحد قالو في مشاكل بين الأداره فعشان كده اللعيبه عدوا الماتش
ولنفرض أنه صح !!! ده يبقى قلة أدب من لاعيبه مبتحترمش جمهورها ولا نفسها ولا فريق عريق ..
لأ نتكلم عن الأخلاق ياريت عشان الأهلي اللي عملها بالنسبه للمشجع عايز ايه يحصله وهو في وسط النار اللي متولعه وأكيد حصل زيه لمشجعين أهلي بس حضرتك عارف الصحافه بتولعها..
وأكيد بالنسبه لشيكابالا حصل نفس الكلام لحد من الأهلي وعندك هاني سعيد نفسه كان نازل قرفان أنه بيلعبلكوا ..
ياراجل ربنا يسهلكوا بس بجد أحنا محناش فرحانين أننا بنغلبكوا في وسط المشاكل اللي عندكم دي لأن الزمالك المفروض أحد عمالقة كورة في مصر ....
سلام

يعني أنا مرضتش أعلق على سؤالك فالأول لما سألتني إنت شفت الماتش أصلاً ؟ وعديت ومعملتش مشاكل جي تاني تسأل و تقولي إنت متأكد انك كنت فالإستاد ؟ إنت شيفني كدب ولا بهرتل من دماغي كل ده وماشفتش الماتش وجي أتكلم وخلاص ولا شيفني أعمى مثلاً
هقلهالك تاني لو إنت شايف إن الزمالك مستوى فرق الشركات ده مش كلام واحد فاهم كورة ياما كلام واحد فاهم كورة بس داخل يستظرف وخلاص

حتة هاني سعيد النازل الماتش وهو ارفان ده كلام عايم أوي مين قلك يعني ولا إنت شفت ف عنيه نظرة الإبن لجوز الأم مثلاً

إنت بتقول شتيمة شيكابالا دي أكيد إتكررت للعيبة من الأهلي أنا باقولهالك اتحدى وإسمي علطول فالإستاد إن الزمالك شتم لعيب فالاهلي وهو مش بيعلب أو إن يكون ماتش زمالك و مقاولين ونشتم حد من الأهلي وخدلي بالك إنت
الواد الاتحرق ده حكايته معروفة وأعرف ناس من ultras أهلاوي وحكولي بزبط الحصل وعمر ما الزملكاوية حرقو مشجع أهلاوي والصحافة لو منحازة ذي منت بتقول هتبقى منحازة للأهلي مش للزمالك

**ramyso4** · 21-07-2008 06:56 PM

المشاركة الأصلية كتبت بواسطة mohamed_88sk

والله أحنا مافرحانين على الزمالك بالعكس أنا عن نفسي في قمة الأسف والحزن لما أل إليه الحال
وميشو مكنش يقصد يرد على حضرتك كان يقصد أستاذ رامي
تقبل مودتي أخوك في الله محمد السيد

ونبي إيه :biggrinjester: لو ركزت بس كنت هتلقيه كاتب ال-reply ده وعامل quote لحد تاني مش ليه... ياما هو إتلخبط...

**Ahmed Selim** · 21-07-2008 08:13 PM

الماتش خلص و خلاص

الأجوان بتيجى عادة من الأخطاء.....حاجة طبيعية جداً ( زى جول مصر فى الكاميرون فى نهائى أفريقيا )

جول فلافيو غلطة عبدالله وفتح الله
جول جمال عشان الكورة جت فى رجل وائل
جول حسن عشان الحيطة أتحركت

يعنى لو فى حظ يبقى حظ للزمالك ولو فى أخطاء يبقى الأهلى أستغلها صح الصح ولو مكنتش دى كورة القدم كانوا لغو الأجوان اللى بتيجى من أخطاء ولا أيه ؟؟؟؟

اللى مش طبيعى بأه أن احنا نشد مع بعض بسبب الحاجات دى !!!!!!!!!!

وعموماً يا رب الماتش اللى جاى الزمالك يفوز أنا عن نفسى مش عاوز الماتش ده

بس اللى بعده هنقطعكم و العْو هيكون رجع يلعب تانى بأذن الله

أغنيه خفيخفة عشان تلطف الجو بأه

جوجو واوا جوجو واوا جوجو جوجو واه

أوووووووووووه أهلاااااااااااااااااااااا ااااااااوى
أوووووووووووه أهلاااااااااااااااااااااا اااااااااوى

**Ahmed Selim** · 21-07-2008 09:05 PM

أستهدوا بالله يا شباب

مفيش حاجة مستاهلة

قولى عملك أيه قولى أجوجو اللى أنت شاريه قولى :) :) :)

**misho2mimy** · 21-07-2008 10:39 PM

المشاركة الأصلية كتبت بواسطة ramyso4

ونبي إيه :biggrinjester: لو ركزت بس كنت هتلقيه كاتب ال-reply ده وعامل quote لحد تاني مش ليه... ياما هو إتلخبط...

بالراحة يا رامي الموضوع مش خناقة ده تبادل اراء ومعلومات ........ و الموضوع كله هو اني فهمت الرد غلط مش اكتر وبعدين الreply ماكنش لحضرتك وشكرا للجميع

-

-

الموضوع: فيـــــن الاهــــلاويــة المنتـدى كله زمالكاوية ولا ايــه (الف مبروك للاهلى )...

LinkBack

أدوات الموضوع

عرض

-

-

-

-

-

-

المواضيع المتشابهه

مبروك فادي -- مبروك خالد ايمن -- مبروك محمد قاسم (تكريم المنتدى)

فينجادا المدير الفنى الجديد للاهلى

فيـــــن تقييم السيينا 2008 التقفيل الصــــــــينى ؟؟؟؟؟؟؟؟؟؟؟؟

مبرووووووووووووووووك للنجم الساحلى وهارد لك للاهلى .........

الكلمات الدلالية لهذا الموضوع

المفضلات

المفضلات

ضوابط المشاركة