تمارين البطن لوحدها مش كفاية,, المشي هو أكتر حاجة تقدر تنزل الكرش مع تنظيم الأكل..
عرض للطباعة
تمارين البطن لوحدها مش كفاية,, المشي هو أكتر حاجة تقدر تنزل الكرش مع تنظيم الأكل..
مشكلة الحقيقة
الي بنتخنوا في يوم. بنخسوا في سنين ... ياسلام لو الوحدة يقدر يشفط الدهون دي او يولع فيها ويرجع كده كده سمبتيك
المشى والجرى هما افضل حل للكرش مع نط الحبل والقفز لاعلى
طبعا مع تنظيم الاكل يعنى كفايه كل يوم قطعه لحمه 200جرام وطبقين رز هههه طبعا بهزر
اول حاجه لازم تعرفوها كويس ان الاجانب كلهم عندهم مقوله شهيره اوى
ان البطن المنحوته لا تصنع فى الجيم بل تصنع داخل المطبخ
بمعنى اصح الاكل ثم الاكل يكون نظام غذائى متوازن مش دايت وخلاص بمعنى يكون عندك معدل الحرق اليومى الى يحافظ على السعرات الحراريه اللازمه لجسمك ومتتخزنش وتتحول لسكر وجلوكوز داخل الجسم وبتالى تنتج دهون
بالنسبه للتمارين والاجهزه فده طبعا عالم وبحر كبير بس من خلال التجارب لمده 5 سنين تمارين وتدريب فى الجيمات عايز اقولكم ده اقوى وافضل جهاز يوصل الجسم كله بشكل عام للشكل الرياضى المطلوب هو بس يكفيك كل يوم 20 دقيقه عليه وشكرا مع شرب مياه طول التمرين لتقليل نسبه الاملاح وبالتالى تقل تخزين المياه فى الجسم
http://www.cybexintl.com/virtualCoac...spx?id=1&sub=1
وشوية تمارين باكسسوارات خفيفه كده فى البيت لو حابب
[youtube]http://www.youtube.com/watch?v=NqvooBJ8FY8[/youtube]
والناس الى مهتمه اوى وداخله على جواز ونفسه بقا فى بطن مشدوده كمان اكتر ممكن يساعد بعد اول شهر تمرين على اجهزة الاوربرتراك يستخدم حوارق الدهون لمساعدة تنزيل الدهون بشكل سريع
المنتجات جيه ميزتها بتحرق دهون بقوه جدا وفى نفس الوقت تمد الجسم بالطاقه الازمه علشان ميحصلش هبوط او دوخه ولكن ممنوعه لمرضى الضغط
وهى كلها مصرحه من FDA
Fat Burner Supplements - Bodybuilding.com - Info, Videos, & Fat Burner Products!
موضوع الكرش ده فعلا مؤرق لينا كلنا
هقولكو على شويه حاجات يمكن تستفادو خاصه انى كنت خاسس وبطنى مشدوده الى حد ما لكن هيهاااات يافرحه ماتمت بطلت تمرين وع الشغل والقعده تخنت تانى
بصو بقى
مبدئيا الموضوع ينقسم لشقين اكل ورياضه اولا نتكلم عن الاكل
التخفيف من الكربوهيدرات والزيوت مكرونه ورز وعيش مقولناش ماتكلش لا كل بس قلل يعنى اللى بياكل 20 معلقه رز خليهم عشره اللى بياكل 3 ارغفه يخليهم رغيف ونص وواحد واحده هيبتدى هو بعد اول اسبوعين معدته هتتاقلم على الوضع الجديد خلينا متفقين انك هتقوم اول كم يوم من على الاكل جعان ومعندكش شعور بالشبع بس ده احساس وهمى لانك بعد ماتقوم من على الاكل وتعد كده نص ساعه عادى هتلاقى نفسك قفلت ومش جعان زى ماكان عندك الشعور ونات قايم من على الاكل
نخف من مياع غازيه ممنوع اكل النشويات والزيوت والكربوهيدارات مسااء ده تماما بقى اللى هى وجبه العشاء
كتير مننا بيكال وجبه الغدا جى الساعه 9 و10باليل وده اكبر غلط عشان كده عمرك ماهتخس ولا كرش هينزل ولا الهوا
والله جربو بس انا مجرب الكلام ده بعد الساعه 7 مفيش اكل الا حاجات متتخنش كل خيار كل طماطم كل زبادى اشرب لبن انما متدبهاش اللى هى وجبه الغدا بعد 7 باليل
ده كده موضوع الاكل
نيجى للرياضه:
المشى مفيد جدا للخصر والرجل والفخذ وبياثر جدا فى التخسيس
العب تمارين بطن باى شكل من الاشكال اللى الزمالا عاملنها وناشرين صورها بتهيالى مفيش حد مننا يعرف على الاقل 3 4 تمارين بطن كلهم تاثيرهم واحد الا بس فى تمارين بتركز شويه على العضلات السفليه
نلعب وسط برضو متهياليش حدش يعرف الوسط هو عباره عن تارجح الجزء العلوى من الجسم وثبات الجزء السفلى وده ممكن فى البيت عادى اللى بقوله ده كله مش محتاجه جيم للى مش فاضى يروح جيم
ممكن تمسكى اى عصا وتحطها على كتفك وتسند عليها ايديك الاتنين وتلف جزعك اللى فوق يمين وشمال ونصك اللى تحت ثابت ده تمرين الوسط
دى اهم الاشياء اللى اى حد اتبعها هيلاقى فرق كبير جدا فى صحته وجسمه ونفسيا كمان لان الموضوع ده بياثر على النفسيه ويخليك اكثر نشاطا
اوصى نفسى واياكم بالكلام ده طبعا :)
انا بمشى لمدة 45 دقيقة فى الصباح عند زهابى الى العمل وكان عندى كرش محترم لقيته اختفه ده شجعنى على
المشى اكثر لانى بخس من المشى
عن تجربة افضل حاجة للكرش المشى بس مش اقل من ساعة الا ربع يوميا مع شفط البطن
موضوع رائع بس للاسف انا مش بعرف اكل اي وجبه الا بتناول المياة في المنتصف وهو ده مسبب الكرش عندي وبحاول اشرب كتير زنجبيل اسمع انه بيحرق الدهون
ياريت فعلا اللى جرب حاجة لموضوع الكرش ده يقوللنا
1. الإرادة
2. المشي قدر المستطاع لمدة لا تقل عن نصف ساعة (وليكن كل يومين)
3. تقليل كمية الأكل حتى تعتاد المعدة على هذا القدر من الطعام
4. تجنب الأكلات الدسمة ليلا قدر المستطاع