مرايا جين الجانبية

**Motarjim** · 19-12-2012 12:20 AM

السلام عليكم،

معلش يا شباب، أنا سألت السؤال ده في الموضوع السابق لي، ولكن لم أحصل على رد؛ فقولت أعمل موضوع جديد به.

السؤال بقى؛

هل المرايا الجانبية لجين تو مغطية الرؤية الجانبية على نحو واضح ومريح للعين على الرغم من أنها مسحوبة وصغيرة عند الأطراف، أم أنها محتاجة تكبر شوية زي ما حصل في برسونا إليجانس؟

كنت قرأت موضوع منذ فترة، أحد ملاك جين، المرايات الجانبية مش مريحاه، وعايز يغيرها بمرايات برسونا الجديدة...فهل ده ممكن، وهل يأثر على الأيرودينامكس للعربية؟

سؤال أخير أيضًا، هل جين تو مجهزة لتركيب مثبت سرعة، وده متوافر في التوكيل الطاهر؟

وجزاكم الله خيرًا على الرد والمشاركة.

**eng.m7md.ali** · 19-12-2012 01:42 AM

للاسف

المرايات مش حلوة اوي سواء في الجين2 او الواجا

بس اعتقد هتبقى احسن في الساجا والبيروسونا اليجانس

بالنسبة للمثبت بيتباع لوحده ممكن يركب لاي عربية .. كان ليه اعلان هنا في المنتدى ياباشا بس معرفش حد جربه فعلا ولالا

**tutankhamoun** · 19-12-2012 08:35 AM

مراية الجين 2 نفسها أقل من مراية البرسونا في الرؤية و البرسونا أفضل .

شكل المرايا مقصود علشان الأناقة و التصميم للسيارة و لكن هو محتاج تركيز أكتر من السواق و هو بيغير من حارة لحارة .... و مش وحش قوي كدا أنا متعود عليها و عارفها قوي دلوقتي و لكن مرايا البرسونا طبعا أفضل و أعتقد ينفع تركب علشان هي نفسها نفس القواعد الخاصة بمراية الجين 2 .و لكن أنا عاجبني أكتر مراية الجين 2 .

بالنسبة لمثبت السرعة
مثبت السرعة بتاع الجين 2 الأصلي اللي بيركب على الضفيرة ........ التوكيل قال لاءة !

و لكن ممكن تركب مثبت خارج التوكيل و لكنه منعزل عن الضفيرة و بيكون ميكانيكي على ما أعتقد لأن بتاع الجين 2 ألكتروني لأنه جزء من المنظومة الألكترونية للسيارة .

**tutankhamoun** · 19-12-2012 08:36 AM

هما قالوا في التوكيل
لو عايز تركب المثبت في الجين 2 بتاعة 2009 و 2010 .... محتاج تغير الضفيرة

**Motarjim** · 19-12-2012 03:02 PM

جزاكما الله خيرًا باشمهندس فيلكس، وأستاذ توت،

أريد أن أتأكد من جزئية مهمة...

أعلم أنه جرى تطوير وترقية كمبيوتر العربية ecu في برسونا إليجانس، وأصبح 32 بت،

ولكن السؤال الآن،

هل جرى أيضًا تعديل الكمبيوتر ecu لجين تو، أم لا يزال إصدار 16 بت؟

أرجو الإفادة.

**tutankhamoun** · 19-12-2012 03:39 PM

المشاركة الأصلية كتبت بواسطة motarjim

جزاكما الله خيرًا باشمهندس فيلكس، وأستاذ توت،

أريد أن أتأكد من جزئية مهمة...

أعلم أنه جرى تطوير وترقية كمبيوتر العربية ecu في برسونا إليجانس، وأصبح 32 بت،

ولكن السؤال الآن،

هل جرى أيضًا تعديل الكمبيوتر ecu لجين تو، أم لا يزال إصدار 16 بت؟

أرجو الإفادة.

الجين 2 مازال زي ما هو .... الاليجانز بس اللي فيها التطوير ده في الحاجات اللي بتنزل مصر .

**sameriraq113** · 19-12-2012 09:05 PM

مساء الخير على الجميع يارب تكونو بخير وسلامة ... مراية الجين تو مثل ما قال اخونا توت عنغ آمون ان هي من ناحية الشكل فهي احلى بس للأسف ماتظهر كل شيء على الطريق والحمدلله الواحد تعود عليها بس هي مخليه شكل السيارة تحفة (رياضية)