الموضوع: بعض الخبرات مع زيوت الأداء العالي

بعض ملاحظاتي وخبراتي عن الزيوت المستخدمه في مصر
هاقول ملاحظات سريعه عن

حرارة الزيت
صوت الموتور
لون الزيت
مستوى الزيت بعد Aggressive abuse ( دريفت أو سباقات أو أي عفرته والسلام )

تمت التجارب مني شخصيا على عربيات شخصيه ليَّ أو عربيات اصدقاء ( سنتين وأنا بغير في زيوت لدرجة إن فيه انواع نزلتها وغيرتها بعد 500 كم بس )

كاسترول ايدج 10w60
التجربه على E39 , E60 M5 و M3 E92

حرارة الزيت : ثابته تقريبا ولما زادت زادت بنسبة بسيطه بعد مكنت هفرتك الموتور
صوت الموتور :طول ما الزيت مستواه مظبوط صوت الموتور هادي جدا
لون الزيت :جيد جدا
مستوى الزيت : بيتبخر زي المية !


شيل الاصفر
تمت التجربه على ايفو معدله

حرارة الزيت : زي الزفت بتسخن بجنون
صوت الموتور : هادي
لون الزيت : اسود فاحم
مستوى الزيت : رائع ومبينقصش تقريبا


شيل الازرق : مصمم أساسا للعربيات التربو
تمت التجربه على ايفو معدله

حرارة الزيت : زي الاصفر سخونه غير مقبوله
صوت الموتور : هادي
لون الزيت : اسود فاحم
مستوى الزيت : زي الاصفر مبينقصش



فالفولين R1 Racing 10W60
تمت التجربه على ايفو معدله تعديل عالي جدا

حرارة الزيت : رائع حتى لو الزيت سخن بعد عفرته , دقايق ويرجع تاني لمستواه الطبيعي
صوت الموتور : عالي
لون الزيت : مقبول
مستوى الزيت : بينقص بجنون


موبيل 1
تمت التجربه على BMW 3 series و متسوبيشي ايفو

ده مش زيت ده ملوخية :)


شيل ultra
تمت التجربه على BMW 525 و BMW 7 series و ايفو

حرارة الزيت : مظبوطه
صوت الموتور :هادي
لون الزيت :اسود
مستوى الزيت : بينقص على فترات طويله نسبيا


صديق ليَّ جرب زيوت امارات مصر مع عربية تربو معدله تعديل عالي وشكر فيها لكن مشفتش بنفسي.

لو فيه أي تحديثات هضيفها إن شاء الله .