مقاررررررررررررررررنة

**Moustafa Al-mansy** · 21-07-2008 07:44 AM

ازيكم يا جماعة..........

لو سمحتم عايز مقارنة شاملة بين Proton Gen2 and Seat Ibiza

**Moustafa Al-mansy** · 21-07-2008 08:55 AM

ودخلوا معاهم الفيات اللي ممكن تكون في نفس الرانج......

**MoToRiZeR** · 21-07-2008 08:57 AM

الفيات اللي في نفس الرانج هي الجراند بونتو

**Moustafa Al-mansy** · 21-07-2008 10:35 AM

ماشيييييييييي

تبقي مقارنة شاملة بين Proton Gen2, Seat Ibiza and Fiat Grand Punto

**Ramy.Gamal** · 21-07-2008 05:30 PM

طيب والبيجو 207 ممكن تكون منافسه ليهم كمان

**Moustafa Al-mansy** · 23-07-2008 08:01 AM

مش عارف و الله يا رامي بك بس هو لية لسة محدش رد!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!

**tutankhamoun** · 23-07-2008 11:27 AM

السلام عليكم
إن شاء الله حاولت أجمعلك معلومات على قدر الإمكان و أرجوا أنها تكون مفيدة في قرار شرائك أو حتى في مقارنتك بين السيارات موضع المقارنة
نبدأ بالإبيزا و دي مش عارفة هي اللي موجودة في مصر و لا أيه

المحرك 1400 سم مكعب
القوة الحصانية هي 100 حصان عند 6000 لفة / دقيقة
العزم 126 نيوتن / متر عند 4400 لفة / دقيقة
السرعة القصوى هي 188 كم / س
زمن الوصول لسرعة 100 كم / س
من صفر إلى 100 كم ----------> 11.2 ثانية

إستهلاك البنزين
داخل المدينة ............... 8.2 لتر / 100 كم
على الطرق السريعة ......... 5.3 لتر / 100 كم
مختلط ........... 6.6 لتر / 100 كم

وزن العربية 1026 كجم
أما عن الكماليات و نظم الأمان التي تأتي مع السيارة فليس لدي أي معلومات دقيقة عن هذه النقطة
( فيها تكييف - زجاج كهرباء - ) دول اللي أنا متأكد منهم بس غير كدا ممكن حد من السادة الأفاضل أصحاب السيارة يفيدك
ثمن السيارة 95 ألف للفتيس اليدوي
103 ألف للفتيس الأوتو

بروتون جين 2
المحرك 1600 سم مكعب
القوة الحصانية 110 حصان عند 6000 لفة / دقيقة
العزم 148 نيوتن / متر عند 4000 لفة / دقيقة
السرعة القصوى هي 190 كم / س ( المكتوب في الكتالوج ) فيه ناس جابت بيها فوق 210 كم / س بس ده جنان رسمي

زمن الوصول لسرعة 100 كم
من صفر إلى 100 كم ............. 12.2 ثانية

إستهلاك البنزين
داخل المدن ............ 10.14 لتر لكل 100 كم
على الطرق السريعة ....... 5.4 لتر لكل 100 كم
مختلط ............. 7.19 لتر لكل 100 كم

وزن العربية 1230 كجم

الكماليات
تكييف - راديو سي دي - مرايات كهرباء - الدريكسيون يتم تعديله حسب طول السائق - باور - التحكم في الرايدو سي دي من الدركسيون - 4 زجاج كهربائي - سنتر لوك ( قفل مركزي ) - قفل الأبواب للحماية من الفتح المفاجئ لحماية الأطفال - جنوط سبور مقاس 15 - مصابيح شبورة أمامية و خلفية - يتم تعديل كرسي السائق حسب الطول

وسائل الأمان
2 وسادة هوائية
فرامل ABS EBD
اموبيليزر ......... لحماية السيارة من السرقة و عدم تدويرها أو تشغيلها بدون مفتاحها الأصلي المتكود

ثمن السيارة
84 ألف للفتيس العادي
90 ألف للفتيس الأوتو
--------------------------------------------------------------------

في الرد التالي
الفيات الجراند بونتو ............. و بيجو 206 سيدان

**tutankhamoun** · 23-07-2008 11:59 AM

فيات جراند بونتو
فــــــــــيـــــــــات جراند بونتو 1368 سي سي ..... 8 صباب أيضا ..... بينتج 76 حصان عند 6000 لفة / دقيقة و عزم 115 نيوتن /متر عند 3000 لفة / دقيقة و سرعته القصوى 165 كم / س و يصل لسرعة

100 كم في خلال 13.2 ثانية
تجهيزات السيارة
تكييف
بارو رائع له درجتان ( درجة للمدينة تجعله مثل المياه في يدك ) و درجة أخرى للسرعات العالية
زجاج كهربائي أمامي
كرسي السائق يتم تعديله طوليا حسب طول السائق
و بقية التجهيزات غير متأكد منها
ثمن السيارة
95 ألف للفتيس العادي
107 للفتيس الأوتو

البيجو 206 سيدان
المحرك 1400 سم كمعب
القوة الحصانية 75 حصان
الكماليات
تكييف - باور - سنتر لوك بريموت - كاسيت سى دى الأصلى - زجاج كهربائى امامى - 2 ايرباج - فرامل ABS

سعر العربية 90 ألف جنيه مصري

**Moustafa Al-mansy** · 23-07-2008 12:08 PM

ألسلام عليكم

ألف شكر توت باشا..........معلومات هايلة ....... ربنا يبارك فيك

بس فىة بعض الأضافات بعد اذنك هضيفها......

بالنسبة للابيزا.......

اللي بتنزل هنا 1400cc 85 Hp
هي دي اللي بتنزل في مصر حسب كلام التوكيل......

و طبعا مش الشكل دة الشكل اللي قبلة........الشكل دة لسة هينزل 2009 حسب كلام التوكيل

بس أنا كنت عايز رأيك الشخصي.........اية أفضل عربية فيهم........

**tutankhamoun** · 23-07-2008 12:38 PM

أيه أفضل عربية فيهم صعب أقولك
لأن إجابة السؤال ده تتوقف على أحتياجاتك أنت
بالنسبة لي أنا
الترتيب كالتالي
جين 2 ( سعر - قوة - كماليات )
بيجو 206 سيدان ( سعر معقول إلى حد ما لسيارة بيجو - كماليتها كويسة - موتورها كويس و معقول )
إبيزا ( غالية شوية بس عربية محترمة )
فيات جراند بونتو .......... غالية قوي على موتورها الضعيف بس عربية خرافة من فيات

يبقى هاقولك حاجة تانية
بُص لو سواقتك كلها داخلية ( سواقة مدن ) يبقى خليك في حاجة 1300 أو 1400 زي المعروض في المقارنة
و لو عايز توفر بنزين قوي و مش هامك قوة الموتور ....... يبقى جراند بونتو
إنما لو بتسافر كتير و معظم سواقتك دائري أو طرق سفر ....... يبقى بدون تردد الجين 2 تكسب الكل نظرا لقوة موتورها

سواقة مدن
بيجو 206 سيدان
ابيزا 1400

توفير بنزين ............ جراند بونتو

سواقة طرق سريعة و قوة و قوة تحمل
العربيات ال 1600 هاتبقى أحسن و منهم طبعا الجين 2

و على فكرة الجين 2 شنطتها أوسع شنطة في العربيات موضع المقارنة و توفيرها في البنزين رائع على الطرق السريعة
بس توفير الثلاثة التانيين في المدن أفضل