فيديو عن حادث نيسان صني 2011- يرجي عمل تقييم مبدأي عن حاله السيارة وق غ الغيار واسعارها واماكنها
وجزاكم الله خيراً
عرض للطباعة
فيديو عن حادث نيسان صني 2011- يرجي عمل تقييم مبدأي عن حاله السيارة وق غ الغيار واسعارها واماكنها
وجزاكم الله خيراً
انت لما صورت الموتور مظهرش اوي من جوه؟
ياتري سليم ولا لا وياتري الفتيس حصله حاجه ولا لا؟
أول حاجة ألف حمدلله على سلامتك من الحادث الأليم ده وواضح ان اللي جوة العربية ربنا نجاه من كارثة
تاني حاجة علشان مش كل الناس هاتاخد بالها ان حضرتك حاطط الفيديو تحت في تعليقات الفيسبوك
ده لينك الفيديو:
Video-0027.mp4-سيد - YouTube
تالت حاجة ياريت حضرتك تشرح إيه اللي حصل بالظبط في العربية لأن حالتها مروعة وكل الأجزاء تقريباً تضررت:
1- مجموعة الرادياتير والتكييف بالكامل
2- مجموعة العفشة والمساعدين الأماميين
3- أخشى ما أخشاه ان الضرر يكون أصاب المحرك ساعتها العربية ممكن تعتبر Total Loss
4- الوسادة الهوائية الشمال ضربت
5- مجموعة العفشة والمساعدين الخلفيين
6- الكاوتش والجنوط الأربعة
7- ده غير بالطبع الأربع رفارف والإكصدامات واستعدال الصاج وتغيير الشنطة والكبوت
8- طقم الفوانيس الأمامية والخلفية بالكامل باستثناء فانوس ورا شمال !
9- الباقي أجزاء كهربية أو استهلاكية مش مكلفة بالطبع مقارنة بكل ما سبق
دي الأماكن الرئيسية اللي شفت مدى الضرر الجسيم اللي فيها , وتكلفتها هاتبقى غالية جداً بالمقارنة بسعر عربية جديدة , أعتقد الأعضاء ممكن يفيدوا حضرتك من واقع تكلفة الأماكن المتضررة
من ناحية مدى توافر الأجزاء المطلوبة حضرتك ممكن تلاقيها أو أغلبها في الحرفيين ويارب ماتكونش مضطر تغير في جوهر مكونات المحرك أو تجيب واحد جديد
تاني ألف حمدالله على سلامتك وياريت حضرتك توضحلنا إيه اللي حصل
وسؤال بسيط على الماشي : احنا في نهاية سنة 2012 والعربية لسة نمرها قديمة , هل ترخيصها ساري بالفعل وحقيقي؟
قدر الله وما شاء فعل الحمد لله أنك بخير وفداك أى حاجة واللى يجى فى الصاج فى داهية شوف حضرتك اولا حضرتك أبعد عن التوكيل فى موضوع الأصلاح حضرتك محتاج سمكرى أبن حلال يلم الموضوع ويقولك العربية محتاجة أيه وكل المشتريات حضرتك تجيبها بنفسك شوف فى التوفيقية أو الحرفيين وممكن أستيراد العربيات المتقطعة ممكن تسافر بورسعيد وتجيبلها حاجاتها كلها وتأخد معاك السمكرى وأنت بتشترى وإن شاء الله بسيطة وتتلم العربية فى أضيق الحدود وربنا يعوض عليك
الف حمد لله على سلامتك, وقدر الله وما شاء فعل, وياريت تقولنا ايه اللى حصل عشان يحصل فى العربيه كده
اقتباس:
المشاركة الأصلية كتبت بواسطة the_air_devil
النمر الجديده اتوقف استيرادها من ساعه الثوره, ومعادتش موجوده غير فى محافظات معينه اللى لسه فيها فائض, اما المحافظات اللى خلصت منها بتتوزع فيها النمر القديمه... انا عربيتى 2012 ملاكى السويس ونمرها قديمه
لا آله الا الله سيدنا محمد رسول الله
الف حمدالله على سلامة حضرتك
اظن العربية كده total loss وربنا يعوض على حضرتك
الحمد الله انك بخير ..
الحمد لله الموتور سليم
نمر العربية لسه جديدة ..... عندنا في الاسماعيلية لسه في نمر الشكل القديم
الحمد لله
انا بفكر في كده اني اروح بورسعيد واشتري الربع الامامي بالكامل
بس انا لسه ما جبتش واحد فني او سمكري يفحص حالتها وبعدين نحدد ق غ المطلوبه
بس انا محتار اشتري جديد من التوكيل ولا من محالات خارج التوكيل واي ق غ
زائد فكرة اني اجيب ربع كامل وخلاص ... اما الجنوط والدناجل لسه
كان الله فى عونك ... و يعوضك عن اللى حصل فيها بالخير ان شاء الله
نصيحه لوجه الله ... لو الخبطه اللى قدام سمعت فى احدى فرد الشاسيه لا قدر الله ... متعملش فيها حاجه و بيعها على حالتها
انما لو بعيد عن الشاسيه صلح و اعلمل اللى انتا عايزه و حاول على قد ما تقدر تلم المصاريف
اقتباس:
المشاركة الأصلية كتبت بواسطة the_air_devil
اعتقد ممكن حيعوز فردة شاسيه فى الناحية اليمنى امام لان اعتقد الشاسيه فى الجزء ده اتعصر
و لو مش حيتغير الجزء ده فى الشاسيه يبقى حيتشد و يتفرد بزرجينة و فى الحالة دى لاااااااااااااااااااااااا ااااااااااااااااااااااااا اااابد ان يتم تدعيمه بعد الفرد
ربنا يعينك و الف حمد و شكر لله على سلامتك
لا حول ولا قوة إلا بالله، قدر الله وما شاء فعل
ربنا يعوض عليك , حادث رهيب فعلا والحمد لله انك طلعت سليم
ربنا يصبرك ويعوضك عنها خير
بس اللى لفت انتباهى اكتر من حالة العربية بعد الحادثة
هو المكان الغير آمن اللى موجودة فيه دلوقت زى ماهو باين من الفيديو وهو الارضية القش القابلة للاشتعال بسرعة .. ارجو اخذ الحيطة ونقلها الى مكان آخر