متابع باهتمام
عرض للطباعة
متابع باهتمام
في زحمة الانترفيوهات اللي كنت باعملها كل يوم و التاني كنت عملت انترفيو في مدرسة في وسط البلد.. لغات برضه.. هو ما كانش انترفيو اوي.. هو كان امتحان في التدريس باللغة الانجليزي و شرح لقواعد اللغة. أختكوا عمرها اصلا ما مسكت طباشيرة و لا وقفت شرحت حاجة قدام حد آآآآآآآآبدا.. آخري كام عيل من عيال الجيران أشرح لهم حاجة ع الخفيف كده.. و اقلب :turned:
الامتحان بأه كان عبارة عن اننا كل المتقدمين محطوطين في فصل من الفصول و الكل قاعدة على الديسكات بما فيهم مشرفة اللغة الانجليزية في المدرسة و كله قاعد مبحلق للي واقف او واقفة بيشرح قاعدة من قواعد اللغة الانجليزية.. و طبعا المشرفة بتقيم.
طبعا مش محتاجة احكي ع اللي حصل.. المهم بس اني يومها أيقنت اني عمري ما هابقى مدرسة و لو بقيت هابقى مدرسة فاااااااااااااااااااشلة :gnorsi:
اللي حصل اني جه الدور علية عشان اقوم اقول البقين.. و الكارثة انه قد سبقني ناس ذوو خبرة في التدريس و قاموا زي القرود شرحوا و كتبوا ع السبورة و آخر حلاوة :photo:
انا بأه قمت و بابص ع الناس و اواجه الجمهور حصلت لي لخبطة و دربكة و جيت أشرح قمت دخلت الباست بارتيسيبول في البريزينت كونتينيوس في قاعدة إف و كل حاجة دخلت في كل حاجة و لقيت نفسي باقول كلام انا نفسي مش فاهماه :confused:
طبعا النتيجة… صفررررررررررررررررر بالثلث.. و ده كان أسوأ امتحان ادخله في حياتي و قعدت بعدها شوية منبعجة.. مشرئبة الفلنكات :(
انما.. سبحان الله… ربنا مش بيعمل حاجة وحشة للبني آدم.. المدرسة دي كان لي معها فيما بعد شأن آخر :)
بعد الخيبة التقيلة السابق ذكرها رجعت تاني ألف في دايرة البحث عن المتاعب.. أقصد يعني عن الشغل و تناسيت الموقعة اياها خالص عشان اعرف ادور على شغل من غير إحباط.. بالرغم من ان معظم أصحابي في الوقت ده كانوا اشتغلوا و سبحان الله.. في الوقت اللي كنت مستعدة أقبل وظيفة ب 150 جنيه.. صحبتي الأنتيم كانت اشتغلت بمرتب 600 جنيه.. ليه؟ عشان هي خريجة مدارس لغات.. لأ و أيامها 600 جنيه بالنسبة لحد خريج جديد كانوا مبلغ.. سبحان الله.. ايامها كانت فتنة بجد و لكن الحمد لله ربنا نجاني منها.. و أكرمني آخر كرم. ساعتها استرجعت الآية رقم 53 من سورة الأنعام “و كذلك فتنا بعضهم ببعض ليقولوا أهؤلاء منً الله عليهم من بيننا أليس الله بأعلم بالشاكرين”فضلت كده لحد يوم 14 اكتوبر 1997 لما جالي اتصال من المدرسة اياها اللي امتحنت فيها الامتحان الفاشل ده و قالوا لي تعالي بكرة قابلي مس فلانة مشرفة اللغة الانجليزية في المدرسة.. رحت و قابلتها قالت لي انهم محتاجين حد في الكي جي و لو عايزة ابدأ من دلوقتي اهلا بية.. و المرتب 200 جنيه.. طبعا انا كنت خرمانة ع الآآآآآآآآآخر و هاموت على شغلة.. فقلت لها ابدأ طبعا.. انما كان لية مع المدرسة دي شأن آخر اسمحوا لي أدوشكوا بيها في الحلقة القادمة بإذن الله:)
يا علا بصراحة إنتى مالكيش حل فى أسلوبك , بيشد اللى يقرا موضوعك ويقعد مستنى "الكمالة" قصدى البقية.
تقريبا اللى حكتيه ده نفس اللى حصل مع كتير مننا
فكرتينا بالذى مضى , أصل أنا خريج هندسة دفعة 98 ......يااااااااااه تاريخ
ههههههههههههههههههههههههه ه
ايوووووووه ... انت جبت التايهه .... اسلوبها بالظبط زي اسلوب ابو طارق بتاع الكشري اللي في معروف .... تبقى قاعد مستني الكمالة بفارغ الصبر ...:chef::chef:
..................
معلش يا علا القافية تحكم ... والواحد جعان ... ودي ساعة غدا ... :rofl4:
فى إنتظار بقية الحلقات
بجد مجهود رائع بس المفروض تشوفى واسطه و تريحى دماغك
أنا حصلى عكسك تماما الأيام دى :sailor:.....بالرغم من انى مدارس عربى برضه "التوفيقية "أكيد تعرفيها ... بس ماشاء الله عيكى و نعم الكفاح
تسلمي لي يا نهى.. دايما كده رافعة من روحي المعدنية :wub5:
مبرووووووووووك.. منتظرينك كمان 10 سنين تحكي لنا عت تجربتك مع الحياة الوظيفية :)
و هي المذاكرة و الدراسة دي مش شغل يا محمود؟ ده جهاد يابني في الأيام دي.
ربنا يوفقك يا رب للشغل الكويس و عموما تابع الحلقات يمكن تستفاد حاجة في فترة البحث عن وظيفة اللي انت بتمر بيها دلوقتي دي.. و عموما بعيدا عن حلقات أوشين اللي انا مصدعاكوا بيها دي لواحتاجت مني أي حاجة انا موجودة :)
أيوه.. انا فعلا قريبة عثمان أحمد عثمان.. بدليل اني رجلية حفيت في التدويرعلى شغل :wacky:
هو الموضوع ما وصلش لقصة كفاح يعني.. دول همه شهرين اللي دورت فيهم على شغل، بس فعلا كانوا تقال علية اوي و الحمد لله على نعمه التي لا تعد و لا تحصى :)
جزاك الله خيرا على المتابعة :)
ربنا يكرمك يا رب و يجزيك خير :)
حلوة موضوع الكمالة ده.. آديك أثرت شهية احمد ابراهيم و خليته يتخيل الموضوع طبق كشري :chef:
في الطريق ان شاء الله :)
مش فاهمة :confused:
انا قلت برضه أوضح احسن لا يكون كلامي مش واضح :)
طبعا أعرفها.. بس حصل لك عكسي تماما ازاي؟
جزاك الله خيرا على التشجيع :)