مشكلة في التكييف مقلقاني

**r0xer** · 21-07-2008 08:14 AM

السلام عليكم

إمبارح ماشي على الصحراوي و الجو نار فرحت مشغل التكييف على 3 و طبعا السحب قل حبة و لكن دا المعتاد....المهم إني فوجئت بإن أحد فتحات التكييف و هي اللي جمب الشباك اليمين لا تخرج هواءا بالمرة..لا سخن ولا ساقع ولا أي حاجة!؟

طبعا باقي فتحات التكييف تعمل وبكفاءة الحمد لله...فما هو العيب المتوقع؟ و هل ممكن أصلحه بنفسي ولا لازم حد يبص عليه؟ يعني توقعاتكم في مثل هذه الحالات.

و متشكرين مقدما ياباشمهندزين.

**mrghost** · 21-07-2008 09:19 AM

ماتقلقش ان شاء الله بسيطه تلاقى الخرطوم اللى جاى من الكويل مفكوك اما من عند الفتحه او من عند الكويل نفسه بسيطه ان شاء الله امشى بعينك مع الخراطيم اللى موصله للفتحه دى وان شاء الله هتعرف العيب فين

**HeMa_LanCeR** · 21-07-2008 10:42 AM

طبعا لازم تتأكد اني البكره اللي بتتحكم في كميه الهواء مفتوحه علشان ممكن تكون مقفوله

**r0xer** · 21-07-2008 12:19 PM

شكرا جدا ليكم يا جماعة ألف شكر.

هبص على العربية و أوافيكم باللي عملته إن شاء الله .

**Nader** · 21-07-2008 04:55 PM

انت ممكن تكون قافل الفتحة دي.

**r0xer** · 21-07-2008 05:36 PM

أستاذ نادر..قافلها إزاي يعني مش فاهم قصد حضرتك؟ على فكرة العربية فيرنا 2007.

**Nader** · 22-07-2008 02:21 PM

فتحات التهوية ممكن تحكم في فتحها

او غلقها

شوف الصورة دي:

هتلاقي تحت فتحة التهوية الشمال دي زر لفتح او غلق فتحة التهوية.

عند العلامة البيضاء بالاطار الاسود لفتحة التهوية.

**جمال** · 22-07-2008 03:51 PM

المشاركة الأصلية كتبت بواسطة Nader

انت ممكن تكون قافل الفتحة دي.

صراحة , كنت ها ارد نفس الرد من اول المشاركة لكن قلت فى نفسى هيكون رد ساذج جدا لانه مش ممكن يكون مش عارفها !!!!!
طلعت انى كنت ساذج بجد

**r0xer** · 22-07-2008 03:58 PM

هههههههههههههههههههههه أنا تخيلت إنه زرار بجد وشككتوني في نفسي!!

أيوة عارف البكرة و طبعا حركتها يمين وشمال وفي النص أول لما مشتغلش و لكن مظبتش.

باليل هوديها لواحد صاحبي عنده فكرة عن الصيانات الخفافي و إن شاء الله خير لإني بصراحة خفت أفك التابلوه و بعد كدا ألوص و يمكن ميكنش كمان فك التابلوه هيخليني أقدر أبص على سلوك الفتحة اليمين.