انا ربيت قطط : بلدي - رومي - شيرازي

النوع الوحيد الي مربتهوش السيامي لاني بحس ان شكله قبيح ( لونها سمني وديله وراسه بني وعنية زرقه) وسعات كتير بيتسعر ويتجن

الرومي : بيكون شكله احلى من البلدي وهوا صغير بيكون شقي شويه زي البلدي لكن لما بيكبر بيتغابا شويتين

الشيرازي : اغبى انواع القطط على الاطلاق عايز ياكل وينام ويعمل بيبي وخلاص
ملوش صاحب اى حد يشيله ويحطه ومش بينضف نفسه باستمرار زي البلدي والرومي لازم انت الى تحميه كل 10 ايام وكمان لازم تطعيمات واكل معين

البلدي : اذكي انوع القطط على الاطلاق خصوصا لو كان بيتي
دمهم خفيف وبيحبو اللعب والشقاوة جدا عكس الشيرازي الى تعتبر بالنسبه للبلدي قطط ميته بلا روح
وعلى فكرة القطط البلدي ملهاش الا صاحب واحد بس هوا الى بتحبه وتحب تلعب معاه

بخصوص الخربشه هى خربشتك لانها كانت عايزه تلعب معاك وانت كنت مطنشها
حاول تجبلها حاجه تلعب بيها عشان تشغلها عنك شويه ( بليه - كوره صغيره بس متكونش منفوخه هوا)

وانت اكيد بتكسب فيها كل يوم ثواب لانك حاميها من البرد بره فى الشارع خصوصا ان اليومين دول برد قوي