زرجينة الشنطة

**Zing0** · 19-12-2012 11:21 PM

السلام عليكم

الشهر إللى فات كنت بأعمل سمكرة للعربية و للأسف وقعت فى إيد سمكرى منه لله, عمل لى زرجينة للشنطة (رغم إنها كانت مش محتاجه) و من ساعتها و اللإكصدام الخلفى طالع من جنب أكتر من الآخر. كل ده مش مشكلة, المشكلة فى إن العربية بتحدف حدفة جامده لليمين, و لأنى عامل ضبط زوايا و ترصيص من 3 شهور لأ أعتقد إنها ممكن تكون السبب (على حد علمى) و مش عارف أعمل إيه؟
هل أروح لسمكرى آخر يعدل الشنطة بزرجينة تانى؟ و تكلفتها فى حدود إد إيه؟
و هل ممكن الزرجينة تأثر على دهان العربية - قصدى الضغط على الصاج ممكن يخلى البويى تقشر مثلاً؟
نصايحكم لو سمحتم

**Zing0** · 27-12-2012 04:34 PM

نشكركم على حسن تعاونكم معنا, و متشكرين على النصايح المفيده, بجد أستفدت. بس كفاية مشاركات لحد كده لأحسن الصفحه هتهنج و الموضوع هيتثبت و يبقى وجع دماغ :0002014a:

**eng.m7md.ali** · 27-12-2012 05:14 PM

من الافضل تزود الموضوع بشوية صور للاكصدام والشنطة من برة وجوة

**MEKAWY2000** · 28-12-2012 09:19 PM

بص ياريس يعنى ايه زرجينه للشنطه اولا السياره حد دخل فى الشنطه من الخلف ولا السمكرى عمل زرجينه على اى اساس محدش عارف انت المفروض تنوهه تانى حاجه فى 2 سلاح فى الشنطه متصلين بالشاسيه لو عمل زرجينه يبقى رد السلاحين نيجى بعد كده للحدفه الحدفه من العفشه الاماميه راجع العفشجى وبعدين روح اضبط زوايا عند واحد كويس وممكن تكون الحدفه من الكاوتش احنا عايزين نفيدك صح بس معلوماتك مش كامله

**Zing0** · 31-12-2012 12:30 PM

ألف شكر للأخوة على ردودهم
صحيح كانت متأخرة شوية بس الموضوع بهدف الإفاده للجميع

الأستاذ و الأخ العزيز مكاوى: حضرتك بالفعل كانت إحتمالاتك الأقرب للصواب

العربية كان فيها كاوتش لسة مغير له بلف حديد, و للأسف كانت الجلده بتاعته (بلاستيك ناشف) و بالتالى الكاوتش بعد يومين لاقيته على الأرض, رحت ضبطت الهوا, و بعدها بيومين نفس الكلام, فى الآخر رحت لواحد تانى بتاع كاوتش و غير البلف, بس أنا بالفعل لاحظت إن الحدفه كانت بسبب الكاوتش.

جزاكم الله عنا خيرا