أحلى كلام فى موضوع الغربة ده هو انك تقعد
short stay
فقط
عرض للطباعة
أحلى كلام فى موضوع الغربة ده هو انك تقعد
short stay
فقط
طيب انا بتحايل علي اهلي اني اروح عمان في رمضان :(
من واحد مغترب و بيحب مصر ....المشكلة في جملة واحدة كنت عملتها توقيع لي هنا في المنتدى من مدة -
مصر بلدنا اللي أتولدنا فيها و أتربينا و أكلنا من عيشها
و أتضليلنا بشجرها
بس برضه .............. أول ما اخرج من باب بيتي ........
أقعد أسب و ألعن في مصر و المصريين :devil2: :devil2:
أول ما أوصل مكان و أنزل من العربية و أقعد مع الناس
تلاقيهم طيبين :chef: :chef:
بس مش منظمين و همج على الأخر :gnorsi: :gnorsi:
طيب و الحل :confused:
العيشة معاهم تجيب الضغط :wacky: ............... نظرا للإختلاف في الطبا ع
و ده موضوع نسبي
اللي طباعه ماشية مع الناس
يبقى زي الفل
اللي طباعه مختلفه مع الناس زي حالاتي ........... يبقى هايموت قريب
و أنا عايزكم لو مت
تقروا الفاتحة على روحي و تقولوا توت شهيد المصريين
:018: :018: :018: :018:
في الآخر ................. مصر حلوة ............. و مش حلوة
لي أنا مش حلوة علشان مفيش نظام و لا أي حاجة تدل عليه
و أنا كنت مرتاح برة مصر و 100 فل و 14 و مكنش عندي أي مشاكل
و الحمد لله على كل شئ
أنا مش متفق معاكو في الرأي لأنه عاطفي بحت....
احساسي ان حبي للبلد ديه حب العشرة ... مش حب العقل ... حب القلب و الذكريات ...
زي بالظبط لما تحب واحدة أو تحبي واحد و تعضوا تحبوا بعض 5-6 سنين... و يكون الطرف التاني فيه عيب تستحيل معاه الحياه بيه...
و رغم كدا لو جيت تسيبها\تسيبيه... أقل من 3 أسابيع و هتلاقيه يوحشك... و الذكريات تعذبك...
كل انسان منا دكتور نفسه... و كل واحد يقدر يعالج نفسه من أي شيء بالاقناع.... بس الموضوع محتاج مجهود...
يعني ببساطة كل ما تفتكر ذكرياتك الجميلة... افتكر الأسعار اللي بتغلى و الفلوس اللي بتتنهب
كل ما تفتكر الناس و الصحبة... افتكر الناس اللي بتموت و مبيكونلهاش ديه و القوانين المتفصلة مخصوص لناس و ناس لأ....
و رغم كل اللي بقوله ده ... فأنا أول واحد مبعرفش أطبقه لأني برتبط جدا بالأشياء و الأشخاص و الأماكن...
بس هو رأي.... يحتمل الصواب و يحتمل الخطأ
الصراحة مافيش زى مصر وشوارعها فى رمضان والاعياد
فى رمضان والزحمه وكله عاوز يلحق يروح قبل المغرب
والفوانيس بتاعت زمان مش الصينى المتعلقة فى الشوارع والبيوت
واللمه ساعة الفطار والعرقسوس والسوبيا والتمر هندى والقمر الدين
والسحور فى الحسين والجو الرمضانى ده مش ممكن تلاقيه فى اى بلد
تانى غير مصـــــــــــــــر