كفاية اني في العيد أسمع صوت خروف بيمأمأ

**OlaOsman** · 21-07-2008 11:45 AM

النهاردة كنت باعمل انترفيو لحد كان شغال في الخليج و دلوقتي هو بيشتغل في مصر.. سألته من ضمن أسئلتي ليه عن إمكانية انه يفكر في السفر تاني.. قال لي لا يمممممممكن.. قلت له مهما كان العرض؟ قال لي انا عشت في أبو ظبي و دبي و البحرين بس مش حابب اني أرجع اعيش هناك تاني، بالرغم من اني جالي قريب عرض خيالي في أبو ظبي.. قلت له طيب ليه؟ قال لي انا هناك كنت عايش في مستوى عالي جدا.. بس حاسس اني عايش حياة مش حياتي.. حاسس اني مش انا.. و ولادي بدأوا ياخدوا طباع مش بتاعتهم و تصرفاتهم استغربها منهم.. طيب هاقول لك على حاجة هاتستغربيها - لسه هو بيكمل كلامه - تصدقيني لو قلت لك اني و انا هنا في مصر كفاية اني أسمع في العيد خروف بيمأمأ؟ كفاية إني امشي في شوارع مصر في رمضان قبل الفطار و اشوف الناس و هي فارشة بالطرشي و أكياس العرقسوس و السوبيا.

طبعا انا ساعتها ضحكت، قال لي و الله انا باتكلم بجد. قلت له هو انا الصراحة اتكلمت في موضوع السفر ده مع ناس كتير و قليل بحكم شغلي، انما أول مرة أسمع حد بيتناول الموضوع من المنظور ده :)

انا فعلا استغربت كلامه جدا.. بس يمكن عشان عمري ما سافرت و لا اتغربت ما حستش بإحساسه؟ بس فعلا كلامه يستحق التأمل.. و لا انتوا ايه رأيكوا؟

**aif** · 21-07-2008 12:00 PM

يا علا الراجل كلامه صح 100%
والموقف دة لسة حاصل معايا من اقل من شهر ..... لقيت مكتب توظيف بن لادن في القاهرة متصلين بيه - مع اني لم اعمل طلب توظف لهم او لغيرهم - وبيقولولي اني مطلوب بالأسم لشغل وظيفة مدير مالي لأحد المشروعات بجدة ....والمرتب مغري جدا ....اتاري واحد صاحبي بيشتغل هناك هو اللي اعطاهم تليفوني ...
المهم الموضوع كان مفاجأة ليه .... وتفكيري اتشل لمدة ساعة ..... لكن لما فكرت قولت زي الراجل ده ..... انا ياما اتغربت وما صدقت استقريت في بلدي وأولادي بيتربو في بلدهم وفي وسط أهلم ومجتمعهم بمميزاته و عيوبه ومشاكله .... ايه اللي يخليني اتغرب تاني واغرب ولادي .... وفي الآخر كلها عيشه وايام بنقضيها ولقمة بناكلها وهدوم بنلبسها .....اللي يقدر يعيش في بلده المفروض ما يتغربش

**MoToRiZeR** · 21-07-2008 12:46 PM

رغم اني مسافرتش و عشت برة مصر بس بصراحة مبشتريش الكلام ده

**aif** · 21-07-2008 12:49 PM

المشاركة الأصلية كتبت بواسطة MoToRiZeR

رغم اني مسافرتش و عشت برة مصر بس بصراحة مبشتريش الكلام ده

اللي شاف .... مش زي اللي سمع

**Noha.M** · 21-07-2008 03:32 PM

المشاركة الأصلية كتبت بواسطة aif

يا علا الراجل كلامه صح 100%
والموقف دة لسة حاصل معايا من اقل من شهر ..... لقيت مكتب توظيف بن لادن في القاهرة متصلين بيه - مع اني لم اعمل طلب توظف لهم او لغيرهم - وبيقولولي اني مطلوب بالأسم لشغل وظيفة مدير مالي لأحد المشروعات بجدة ....والمرتب مغري جدا ....اتاري واحد صاحبي بيشتغل هناك هو اللي اعطاهم تليفوني ...
المهم الموضوع كان مفاجأة ليه .... وتفكيري اتشل لمدة ساعة ..... لكن لما فكرت قولت زي الراجل ده ..... انا ياما اتغربت وما صدقت استقريت في بلدي وأولادي بيتربو في بلدهم وفي وسط أهلم ومجتمعهم بمميزاته و عيوبه ومشاكله .... ايه اللي يخليني اتغرب تاني واغرب ولادي .... وفي الآخر كلها عيشه وايام بنقضيها ولقمة بناكلها وهدوم بنلبسها .....اللي يقدر يعيش في بلده المفروض ما يتغربش

لاااااااا اوعى تسافر يا ابراهيم بجد بجد :o

هلاقى مين يقولى حلوان واااااان واااااااان واااااااااااااااااااااااا ااااااااااان :biggrinjester:

نيييييييييييييييييييييييي هههههههههههههههه

**aif** · 21-07-2008 03:36 PM

لأ والغريب بقى ان ده رأي الجيل القادم كمان ..... محمود ابني مرة واحنا ماشيين بالعربية شاف مراجيح بلدي من بتاعت الموالد ... وصمم يركبها وكان فرحان بيها جدا وقالي حاجة عمري ما ح انساها ...قال : الله ... دي جميلة اوي يا بابا ... دي احلى من اركاديا مول بكتير (كان لسة راكب ملاهي في اركاديا مول مع المدرسة )
جدع يا محمود ... انا أحب العيال الفقرية
وبقينا كل عيد ندور علي المراجيح الشعبية دي عشان العيال بيحبوها ... والنشان ... والزقازيق ...
وب 50 قرش بس ....هههههههههههههههههههههه:b iggrinjester:

**aif** · 21-07-2008 03:41 PM

المشاركة الأصلية كتبت بواسطة Noha-M

لاااااااا اوعى تسافر يا ابراهيم بجد بجد :o

هلاقى مين يقولى حلوان واااااان واااااااان واااااااااااااااااااااااا ااااااااااان :biggrinjester:

نيييييييييييييييييييييييي هههههههههههههههه

انا زي السمك يا نهى ..... ما اعرفش اعيش بره الميه ... قصدي بره مصر المحروسة يعني
ده انا لما باروح اعمل عمرة ... بابقى راجع كأني بقالي سنين بره
وبعدين طالما حلوااااان بتزعلك بلاش منها .....
معادي...... عااااادي ... عاااااادي ... عاااااادي

-

-

الموضوع: كفاية اني في العيد أسمع صوت خروف بيمأمأ

LinkBack

أدوات الموضوع

عرض

-

-

-

-

-

-

المواضيع المتشابهه

خروف العيد

خروف فابريكة موديل 2008

امسك خروف العيد

الكلمات الدلالية لهذا الموضوع

المفضلات

المفضلات

ضوابط المشاركة