برجاء المساعدة لأختيار سيارة من دول
جيلى إيمجراند - لوجان أتوماتيك - m11 -نيسان صنى الشكل الجديد
عرض للطباعة
برجاء المساعدة لأختيار سيارة من دول
جيلى إيمجراند - لوجان أتوماتيك - m11 -نيسان صنى الشكل الجديد
بالرغم من مشاكل الصني الجديده
اللي مغرقه المنتدي
وانها هندي مش ياباني
وماحدش يقول انها ياباني علشان ما تخنقش منه
وبالرغم من اني من ملاك الاسبرانزا 516 اللي هي نفس موتور ال ام11
وبالرغن من الشعر النازل في الجيلي الجديده
الا نصيحه خليك في المضمون
واشتري نيسان صني
لكن خلي بالك في فرق سعر يزيد عن 20000 جنيه بين الصني والموديلات المذكوره
لكن لو المبلغ يفرق معاك خليك في ال ام11 حاليا
علي الجيلي الجديده ما تثبت نفسها
نصيحة اللوجان فيها سم قاتل ابعد عن اللوجان عربية خفيفة وبتعمل مشاكل واقراء فى مشاركة اليوم
http://www.nilemotors.net/Nile/325367-a.html
لو بتفكر فى الصينى عندك البريلليانس fsv
عربية جميلة وثبتت نفسها
بص حضرتك زي ما بيقولوا كل عربية ليها زبونها.....شوف الاول ايه متطلباتك من العربية قبل ما تفكر في حاجة معينة......
بالنسبة للجيلي::::العربية حتي لسه منزلتش في السوق الفعلي....هيا صحيح عاملة شغل حلو في السعودية ودي المرة الاولة اللي عربية صيني تتباع في السعودية بس دي تقفيل صيني وطبعا الفرق بين التقفيل الصيني والتقفيل المصري فرق كبير جدا زي الفرق بين الbmw الالماني والمصري...وكمان مفيش فكرة عن توافر قطع الغيار في السوف واسعار غبور الاستغلالية وزي مابيقولوا (متخليش صباعك تحت ضرس حد) حتي لو العربية كويسة لسه شوية عليها.......
بالنسبة لل m11 عربية كويسة جدا لو تقفيل صيني و ده مش في مصر لان التقفيل المصري سيئ جدا:::يعني مفيش مراقبة جودة يعني انت ونصيبك و بختك يا ابو بخيت ممكن تلاقي عربية تمام وممكن تلاقي وحدة فيها مشكلة بس اغلب المشاكل في تقفيل الهيكل الخارجي والصالون ده غير الخامات اللي اكتر من سيئة المستخدمة في التابلوه وفرش الابواب وكمان العربية محتاجة بنزين 95 عشان متسقفش لانه مع 92 بتسقف علي التاني في بداية الحمل لما تكبس شوية بنزين ومع 90 تسقف علي طول والتوكيل يقولك اضبط رجلك علي البنزين والكلام الفارغ ده هيا بس بالنسبة للثبات والاتساع الداخلي والسحب مش وحشة ده غير سعر اعادة البيع المتدني.......
اللوجان عربية كويسة بالنسبة للفئة السعرية وسحبها معقول والثبات جيد وارتفعها مناسب للمطبات في مصر ده غير انها تقفيل مغربي بالمراقبة من رينو فرنسا والخامات المستخدمة في الموديلات الحديثة 2012-2013 افضل من السابق بكتير...وقطع الغيار متوفرة
بالنسبة للصني الجديدة انا مجربتهاش لسه بس بصراحة الشكل السابق افخم واشيك ممكن تشوف الشكل القديم كسر زيرو او بواقي زيرو وده هيكون افضل من اللي فات كله...
وموفق بأذن الله ويا رب اكون قدرت اساعدك
بجد شكرا لكم كلكم يا جماعة ....فعلا أحلى منتدى وأحلى أعضاء
ويا ريت اللى عنده نصيحة ميبخلشى عليا والثواب والأجر عند الله
نيسان صنى بكل ثقه
البرليانس fsv تبات و شياكة و ابشن عالى و سعر مناسب
خارج المقارنة اوبترا
مجرد راي ..
بصراحه يا باشا. اميجراند ايه
يا باشا دي جيللي
صيييينيييييي يعني صييييني