اغير ولا استنى ؟؟

**saint2011** · 22-12-2012 11:27 PM

شوف حضرتك أنا برشحلك الصنى الجديدة السوبر صالون بصراحة عربية فيها كل حاجة والصنى الجديدة كل يوم بتثبت أنها صفقة رابحة وشكل جديد مش هيتغير قبل 5 سنوات على الأقل وبعدين لو التيدا نزلت شكل جديد ممكن تبيع الصنى وتشترى التيدا ولو الشكل لم يتغير يبقى تحتفظ بالصنى وأسمك راكب شكل جديد حتى أشعار أخر ونزول التيدا الشكل الجديد ولك تحياتى

**Sehsss** · 23-12-2012 03:01 PM

المشاركة الأصلية كتبت بواسطة el_nahal2004

شكرا لكل الى ردوا عليا ومبخلوش عليا بالنصيحة
انا بصراحة الى مدايقنى
انى جبت عربيتى مانيوال انا جايبها مانيوال لانى من عشاق المانيوال بس للاسف البلد زحمةةة اوى ومبقاش ينفع معاها مانيوال خالص وسواقتى ذادت اوى الفترة دى والفترات الجية هتزيد فعايز احول لاتوماتيك
يعنى لو كانت عربيتى اتوماتيك مكنتش فكرت اغيرها خالص لانها ملبيالى كل رغباتى بصراحة فقولت لما اغير اغير لفئة اعلى نسبيا مش اكتر وفى نفس الوقت مش عايز اجيب حاجة واندم عليها

عمرك ما هاتندم لو جبت التيدا

**el_nahal2004** · 23-12-2012 08:00 PM

المشاركة الأصلية كتبت بواسطة sehsss

عمرك ما هاتندم لو جبت التيدا

انا عارف ان التيدا ممتازة جدااا على فكرة من قبل ماشترى النيو اكسنت بس للاسف ساعتها مكنش معايا فرق فلوسها
بس انا بكلم على الشكل الجديد لو نزل 2014 ان شاء الله هزعل اوى انى معايا 2013 الشكل القديم
فانا لو على يقين ان شكلها مش هيختلف هجيبها عالطول من غير تفكير

**el_nahal2004** · 23-12-2012 08:04 PM

المشاركة الأصلية كتبت بواسطة mazeen

وتهون عليك العشره مع النيو أكسنت ممكن تبيعها وتجيب نيو أكسنت 2010 اوتوماتيك والفرق بسيط أنا عملت كده والحمد لله مرتاح جداً

عم ايمن واحشنا والله....قفشتنى هنا ازاى
والله يامستر ايمن لو فيه من عربيتى جديد لكنت جبتها انا عاجبانى جدا على فكرة,
بس للاسف انا من الناس الى مبفضلش اركب مستعمل لانى مش ببقى ضامن فيها ايه حتة لو كشفت عليها هبقى مشكك فى كل حاجة فى العربية لو حصلها حاجة ,فبريح دماغى
وبصراحة الاكسنت ار بى متتجبش بمبلغها دى انا عندى عربيتى احلا منها
فقولت اجيب التيدا الى كان دماغى فيها من قبل النيو اكسنت والله المستعان باه

**el_nahal2004** · 23-12-2012 10:27 PM

المشاركة الأصلية كتبت بواسطة saint2011

شوف حضرتك أنا برشحلك الصنى الجديدة السوبر صالون بصراحة عربية فيها كل حاجة والصنى الجديدة كل يوم بتثبت أنها صفقة رابحة وشكل جديد مش هيتغير قبل 5 سنوات على الأقل وبعدين لو التيدا نزلت شكل جديد ممكن تبيع الصنى وتشترى التيدا ولو الشكل لم يتغير يبقى تحتفظ بالصنى وأسمك راكب شكل جديد حتى أشعار أخر ونزول التيدا الشكل الجديد ولك تحياتى

بصراحة ياباشا هية ازواق انا مش معجب بالصنى نهائى ابتداء من موديل 2009 لغاية موديل 2013 وهية خارج حسباتى
انا معجب بالتيدا جدااا