الميه والخراطيم نار بس موشر الحراره مظبوط

**hmada9009_99** · 21-12-2012 01:37 PM

المشاركة الأصلية كتبت بواسطة drmagieed

لا شكر علي واجب ... إنت معنكش فتحة رادياتير عندك فتحة قربة بس وطريقة تزويد المياه صعبة شوية علشان لازم تأخذ هواء دورة التبريد ... يعني تفتح القربة والعربية باردة الصبح طبعا بعد ما تفضي المياه القديمة وتحط المياه الجديدة لحد ما توصل اليمياه لعلامة ماكس في القربة وبعدين تدور العربية وغطاء القربة مفتوح هتلاقي المياه بلما تلاقي خراطيم المياه إللي راجعة من الرادياتير للقربة بقت سخنة والمياه في القربة هتنقص تزود مياه لحد علامة ماكس وتستني شوية هتلاقي المياه نقصت تاني في القربة تزود لحد ماكس (يعني كل 5 دقائق تشوف مستوي المياه في القربة وتزود لحد ماكس لحد ما تعدي 5 دقائق ومستوي المياه ثابت عند ماكس وما بينقصش) تقفل القربة وتتوكل علي الله ... أي خطأ في العملية هيدخل هوا لدورة التبريد وده خطر علشان كدة حد متخصص يعملها أحسن!!!

كلام مظبوط علشان كده بقوله اعمل كده والعربيه بارده خالص وتكون واقفه يوم كامل من غير ماتدور بالطريقه ديه العربيه مش هتاخد هوا وكمان حفاظا على جوان وش السلندر

**drmagieed** · 22-12-2012 01:26 AM

المشاركة الأصلية كتبت بواسطة mndooo

وسوال تانى انا عندى 3 لتر من موبيل ماء احمر فهل ممكن اجيب دركن ديلكون من منصور اللى تركيزه 50% واحط بقست ال3 لتر موبيل على الديلكون ولا اجيب جركن موبيل وخلاص عايز رايكم

بص يا سيدي الأحسن إنك تشتري مياه أسيديليكو من منصور ولونها برتقالي وإسمها dex-cool 50/50 ودي الموصي بها في كتالوج العربية والجركن 4 لتر سعره 121 جنية !!!

**drmagieed** · 23-12-2012 07:34 PM

المشاركة الأصلية كتبت بواسطة mndooo

طيب انا دلوقتى زى مقلتلكم عندى 3 لتر ماء احمر روحت البنزينه موبيل ملقيتش غير اخضر ينفع اضيف الاتنين على بعض

مش مهم اللون المهم إن التركيز يكون واحد ... أما اللون فبيتحط علشان لو في تسريب لا قدر الله يبان!!!

**hmada9009_99** · 24-12-2012 03:18 AM

المشاركة الأصلية كتبت بواسطة drmagieed

مش مهم اللون المهم إن التركيز يكون واحد ... أما اللون فبيتحط علشان لو في تسريب لا قدر الله يبان!!!

لأ اللون يفرق
الأحمر او البنبي خواص
والأخضر خواص تانيه
هما ممكن يكونوا نفس التركيز بس الخصائص الكيمائيه لكل نوع يختلف
على اما اعتقد حسب ما قريت قبل كده
الأخضر لمواتير البلوك بتاعها زهر والردياتير الومنيوم اما
الأحمر والبنبي فده مخصص للمواتير بتاعتهم البلوك بتاعه الومنيوم والردياتير الومنيوم زي الأوبترا وعربيات كتير

البرتقالي ينفع للأتنين البلوك الزهر والألومنيوم بس ماتخلطش الألوان مع بعضها بس ميزته انه اقوي في الخصائص الكيميائيه في التحمل لمده طويله

ياعني مثلا مياه موبيل ممكن اخرها سنه او سنه ونص وتلاقي بعد كده في ريحه طالعه من القربه غريبه وتغيرها انما البرتقالي ممكن تقعد 3 سنين محتفظه بخواصها
وممكن تعمل بحث على الكلام اللي بقوله هتلاقيه زي ماقولت وعن تجارب ناس خلط الأتنين (اخضر مع برتقالي او احمر) بيعمل مشاكل جامده جدا

**drmagieed** · 24-12-2012 06:54 PM

شكرا ليك علي المعلومة الجميلة ... مياه أسيديليكو dex-cool 50/50 بتاعة منصور لونها برتقالي بتقعد 240000 كم أو 5 سنوات وهي مياه أمريكي سعر الجركن 4 لتر كان 84 جنية بقي دلوقتي 121 جنية