حل ممتاز استاذ سامر
الي ان يتم ايجاد الوقت
عرض للطباعة
حل ممتاز استاذ سامر
الي ان يتم ايجاد الوقت
سامر باشا .. أرجو منك أن تتفهم ظروف كل واحد .. وبعدين الراجل مشكوراً ترك رقم تليفونه للاستفسار .. يعني من وجهة نظري على الأقل أنه مقصرش في المساعدة .
وشاكرين جداً لسيادتك نقل التجربة .. وهي معلومة قد تكون جديدة علينا .. وهي دي الفائدة الحقيقية للمنتديات في تبادل الخبرات ونقل التجارب .
بس يا ريت تقولنا حصل أي تعديل لسوست الهوندا اللي أنت جبتها علشان تركب في البي واي دي .. وهل عدد اللفات في سوست الهوندا زي البي واي دي وكذلك التخانة .. وسعر السوستتين كام .. والأداء كان أيه في النهاية ناعمة ولا نشفت عن الأول .. وخالص تحياتي لنقلك التجربة وفي أنتظار أجاباتك .
وربنا يجعله في ميزان حسناتك :_Alshmokh22[1]:
معلش ىاأستاز سامر...ممكن هانى ظروفه تحتم علية انه يكون مشغول حاليا ..
ولكنه هو فى وافع الامر على خلق ..ومتعاون معنا فى المنتدى كثيرا...:orangeabli:
ياريت حضرتك تفيدنا بعد تجربتك للسوست..وبرضة بالتفصيل المفيد..
ويبقى زيادةالخير ..خيرين ..وشاكرين لحسن تعاونك معنا..لاننا محتاجين فعلا لهذه الفكرة:_Alshmokh22[1]::Ta_clap[1]:
سبحانك اللهم وبحمدك ، أشهد أن لا إله إلا أنت أستغفرك وأتوب إليك
مساء الخير يا شباب
معلومات مفيدة جدا -- بس مش عايز استاذ سامر يزعل من هانى لانة فعلا انسان محترم جدا و مبيبخل على حد بالمعلومة و لو حبيت تستفسر عن حاجة تانى بيجاوبك من غير ملل دا عن طريق تجربة شخصية و متابعتة لردودة
انا بدافع عنة لانة انسان محرم فعلا
ربنا يوفقك
أخواني الأعزاء
بالنسبة لسوست الهواندا فهي أكثر في عددها عن سوست البي واي دي وكمان قطر اللفة أقل من البي واي دي يعني البي واي دي عدد لفاتها 9 لفات واسعة أم الهواند عدد لفاتها 11 اضيق وده يديلها ارتفاع اكثر الجميل في الموضوع ان سوست الهواندا جامدة وصلبة بصراحة محترمة
أما عن سعرها في الأول تاجر يقولك 350 وتاجر يقولك 300 بس الحمد لله انا لفيت عليها في الحرفيين وأحدتهم بـ 220 جنيه وده أقل سعر بس اهم شيء أنك تاخد معاهم الكوتشتين بتعهم
وفي الواقع صاحب الفكرة الجميلة دي حتى ننسب للفضل لأصحابه هو المهندس أيميل أكيد ناس كثير منكم تعرفه ده مهندس متخصص في البي واي دي وراجل محترم جدا وأمين في عمله وعنده جهاز كشف الاعطال بتاع العربية يعني مبيفتيش وروحتله امبارح وركبتهم عنده أما عن المصنعية فهي 60 جنيه .
نصيحة غالية وأخيرة لكل أعضاء القسم
العربية دي جديدة في سوق السيارات في مصر علشان كده ياريت كل واحد مننا يقابله عيب أو عطل ويتم حله يدخل وينقلنا تجربته نفيد بعضنا ونتغلب على المشاكل التي قد تصادف بعضنا لا قدر الله من غير ما ينضحك على حد فينا ولا ننسى أنه ( كان الله في عون العبد مادام العبد في عون أخيه )
أرجو أن أكون قد وفقت في نقل المعلومة وأسألكم الدعاء
حضرتك تقصد انه سعرهم ده مستعملين بقى موش جديد؟
معلومة مهمة جدا بارك الله فيك وشكرا على مجهودك :verygood:
السعر مستعملين يا د. شريف .
استيراد بحالة الزيرو