الموضوع: مشكلة في عفشة بي واي دي

السادة الأفاضل مشرفي القسم المحترمين
السادة الزملاء
سلام الله عليكم ورحمته وبركاته
مشكلتي أن العربية أصبحت واطية جدا بعد تركيب الغاز وبتحك في المطبات العشوائية اللي ملية البلد خصوصا أن السيارة تاكسي يعني لو ركب 2 - 3 في الخلف بقت واطية اكثر سألت كثير ناس تقولي ركب علايات ومهندسين يقولولي لا العلايات بتبوظ المساعدين غير السوست بسوست هوندا سفيك والحقيقة انا مش عارف الصح ايه وياريت لو حد فني أو متخصص يفيدني انا أرسلت أيميل للمهندسة الفاضلة / داليا وقالتلي اني ممكن أركب العلايات عندهم في التوكيل بـ 140 - 150 جنيه ياريت لو حد يفيدني أعمل ايه خصوصا واني سألت على العلايات مش موجودة لا في شارع أحمد سعيد ولا في توكيل تويوتا
أرجو التفصل بالافادة
جزاكم الله خير الجزاء

واضح جداً أن الاستاذ هاني معندوش وقت
على العموم تعلمنا من الإسلام أن الدال على الخير كفاعله وتعلمنا من رسول الله " خيركم من تعلم العلم وعلمه "صدق رسول الله
بما أني صاحب المشاركة أحب أن أبشر كل مالكي السيارة بي واي دي بالحل المحترم الذي توصلت اليه عن طريق مهندس محترم وهو تغيير السوست الخلفية بسوست هوندا سيفيك موديل 95-96 بس هتنجيب السوست الأمامية للهوندا ونركبها في الخلف للبي واي دي والنتيجة محترمة جدا والحمد لله
دي صورة المساعد بالسوست القديمة

ودي صورة سوست الهوندا سفيك

وبكده نكون حافظنا على المساعدين وعلينا العربية
وربنا يسترها معنا ومعاكم ويكيفنا شر الطريق
أرجو أن اكون قد وفقت وأسألكم الدعاء