ايه الحكايه يا جماعه
هل فعلا" العيب من طول مشوار الدواسه ولا عدم تعود ولا ضعف الماستر الرئيسى ولا الabs
وهل المشكله فى أخر الموديلات ولا بداية من أول موديل ؟
عرض للطباعة
ايه الحكايه يا جماعه
هل فعلا" العيب من طول مشوار الدواسه ولا عدم تعود ولا ضعف الماستر الرئيسى ولا الabs
وهل المشكله فى أخر الموديلات ولا بداية من أول موديل ؟
مش عارف ليه حاسس ان عربيات بروتون عربية وعربية
علشان بشوف رد بيمدح فالفرامل للغاية
ورد العكس مفيش وسط ..
أنا مستغرب المشاكل ظهرت بعد فترة من ظهور الجين فى السوق
مش من أول موديل
مش عارف برضه فعلا" وتعود ومشي حالك والناس أخدت عليها ولا عربية وعربية !!!!!
من كام شهر كده، في عضو في المنتدى، اشتكى من فرامل جين تو، وعمل حادثة بسببها، وكان داخل في نزاع مع التوكيل، والتوكيل بيساومه على حد قوله، وكان بيحاول يعرف أي حد عنده مشكله في فرامل جين تو عشان يتضامن معاه في القضية اللي رافعها على عز العرب.
أضف إلى ذلك مشكلة فرامل برسونا ألتي أدت إلى حادث، وآخر مشكلة جين 2، ونجم عنها حادث أيضًا.
ربنا يعوض الناس دي خير.
أنا متابع الجين 2 ما ساعة ما نزلت السوق المصرى
والغريبة ان واحد معاه العربية ومش بيشتكى من فراملها وواحد خايف يجرى بيها علشان فراملها ضعيفه يبقى العيب عيب صناعه ولا سائق ؟
مفيش مقياس علي فكرة أنا كان معايا فيرنا والكل كان بيشتكي من فراملها وأنا الحمد لله كيفت نفسي عليها وبقيت بعرف أزاي أوقف العربية والحمد لله نجدتني من كام موقف كان ممكن الواحد لولا لطف ربنا لبس فيهم لبسه جامده.
ممكن جدا يكون اللي بيسوق مش عارف يتعامل مع العربية خصوصاً لو مسقش عربية فيها abs قبل كدا.
وممكن جدا يكون عيب في العربية نفسها.
وممكن يكون عيب في الصيانة يعني لو رجلاش الفرامل مش مظبوط هتلاقي عجل بيمسك أكتر من عجل
متابع
مع اني حاسس زيك انها حظوظ
واغلب اللي عملو حوادث بيها كانت عربيات جديدة عليهم او جديدة في الموديل