استفسار بخصوص اللادا وبيض المقصات

**moe101067** · 21-12-2012 09:17 PM

الاخوة الكرام اساتذة اللادا... السلام عليكم ورحنة الله وبركاته.

ربنا زرقني بسيارة لادا 2006 روسي فابريقة والحمد لله، استلمت السيارة من يومين فقط.
لكني في الحقيقة مش عارف ايه اللي المفروض يتغير فورا وايه ممكن استنى عليه، وما يقلقني الان موضوع العفشة وخاصة مشكلة ملص بيض المقصات. مع العلم ان صاحب العربية لم يغيره من قبل، ولا توجد شكوى منه سواء طقطقة او ثقل الدركسيون (ملحوظة السيارة عاملة 60 الف كم)
فما هو العمر الافتراضي لبيض المقصات؟ وكيف يحسب بالزمن ام بالكيلومتر؟
افيدونا افادكم الله...

**hassanin_lada** · 22-12-2012 12:37 AM

بص حضرتك في الروسي وده بمشاحم يعني كل 3 او 4 شهور تروح تشحمهم

وفي نوع تركي وده من غير مشاحم وده مش بيملص نهائي والسعرين قريبن من بعض بس مش فاكر اسعار
حضرتك تروح لكذا واحد بتاع عبشه وشوف ايه رايه فيهم يشتغلو شويه ولا تغيرهم وهيبقي قدامك النوعين دول وفي انواع تاني واغلي كمان بس دول اللي انا بفضلهم وفي انتظار باقي ردود الاعضاء

واتشرفنا ان حضرتك تكون واحد من اللادويه

**moe101067** · 22-12-2012 09:11 AM

خالص الشكر اخي الفاضل الاستاذ </B>hassanin_lada
ولكن لو كان التركي لا يملص فعلا فهو الافضل من وجهة نظري لان موضوع الملص ده هو اللي قالقني.
واكرر السؤال عن متوسط العمر الافتراضي لبيض المقصات؟ وكيف يحسب بالزمن ام بالكيلومتر؟

في انتظار باقي الردود...

**MEKAWY2000** · 22-12-2012 01:39 PM

الافضل لحضرتك الاتى الف مبروك الاول انت تروح لورشه عفشه يكشف على العفشه ويربط لك العفشه ويركب لك مشاحم بعد كده تروح تظبط زوايا وبعد كده تروح للميكانيكى تغير طقم كهربا وتظبط كاربرتير وتغير سير طلمبه المياه واتكل على الله اى مشكله تظهر معاك بعد كده اول باول متهملش لن الادا لو قصرت فى شى بيتعب ويكلف وربنا يكفيك شرها ويسترها معاك ومعانا اخوك مكاوى Liquimoly | Facebook

**hassanin_lada** · 22-12-2012 02:47 PM

الروسي بيعيش كتير بس لو مواظب علي التشحيم ممكن تصل ل 4 سنين او 5

التركي حتي الان سنتين وشويه ولا يوجد اي مشاكل

**moe101067** · 22-12-2012 03:20 PM

خالص الشكر اخي الكريم الاستاذ مكاوي على النصائح الهامة. وربنا يبارك في حضرتك
واكرر شكري للاخ الكريم الاستاذ حسنين على الاهتمام والمتابعة.

**moe101067** · 22-12-2012 03:23 PM

سؤال اخير لحضرات الاخوة الافاضل هل يمكن تحديد عمر البيض بالكيلومتر وهل فيه مسافة محددة يجب تغيير البيض الروسي بعدها
اعتذر عن تكرار السؤال..

**moe101067** · 22-12-2012 11:00 PM

الاخوة الكرام اثناء تصفح المنتدى وجدت موضوع عن بيض جديد روسي لا يملص
هل فيه حد من الاخوة جربوا وبقالو معاه اد ايه ومشي بيه كام كيلو

**hassanin_lada** · 23-12-2012 12:35 AM

المشاركة الأصلية كتبت بواسطة moe101067

سؤال اخير لحضرات الاخوة الافاضل هل يمكن تحديد عمر البيض بالكيلومتر وهل فيه مسافة محددة يجب تغيير البيض الروسي بعدها
اعتذر عن تكرار السؤال..

اللي يتحكم في الموضوع ده طريقة السواقه واماكن السواقه

يعني لو بتمشي في شوارع مكسره كتير (يقلل من العمر طبعا ) بتاخد المطبات بسرعه

لكن لو حنين عليه هيعيش معاك وخصوصا لو متابع تربيط العبشه وبتشحم البيض لو فيه مشاحم

واحلي حاجه في البيض انه لو ملص هيملص وانت لسا بتتطلع بالعربيه علي الاول

يعني ماتخفش تسافر بيه لانه ماعمره ماهيملص وانت علي طريق سريع ولا قدر الله تعمل حادثه

المشكله ان العربيه هتبرك ومش هتقوم غير لما يجي العبشجي وطبعا هتحتاس حوسة السنين

**abokoko** · 23-12-2012 10:34 PM

فى حاجة تتطمنك
الملص بيقبي له مقدمات
عبارة عن صوت طقة بتسمعها لو اتحركت بالعربيه وانت بتلف الدركسيون او على طريق مش مستوى
وكمان العفشجى بيهز العربيه من الناحيتين بطريقه هو عارفها فبيظهر معاه صوت الطقة او مش بيظهر
وبيقول لك تتغير او لا
كمان لو غيرت البيض فى يوم من الايام غير الاربعه مع بعض احسن واامن
هذا ما اعرفه والله اعلى و اعلم