ازيكم ياشباب

انا ان شاء الله نازل التوفيقيه يوم الاتنين اللى جاى اشترى شويه حاجات للعربيه وهى لانسر بومه 2006
1- كنت عاوز اشترى طقم مساحات بس يكون نضيف علشان اللى عندى الجلد بتاعها اتقطع
2- وعاوز اشترى طقم فوجات شبورة بس يكون العريض اللى بيقولوا عليه بتاع الاوكتافيا مش الدائرى الصغير الاصلى بتاعها
3- وعاوز اشترى طقم شماسه للعربيه علشان المطر اللى بيتركب على ال 4 ابواب فوق الزجاج
4- عاوز اشترى كاسيت بايونيير يكون نضيف وللعلم انى مش هركب صب ولا بازوكا ولا الكلام ده كله . هو بس ممكن اركب 4 سماعات بايونير 400 او 500 بس مش دلوقتى
فى واحد صاحبى قالى اشترى 1450 او 1550 بس بصراحه انا ماليش فيهم خالص
5- جهاز انذار فقط ( مش سنتر وانذار ) ويكون نضيف بس برضه مش غالى

ياريت بقى يا جماعه اللى عنده اى معلومه او اى حاجه تفيدنى ياريت يساعدنى انا عاوز اعرف اجيب انواع ايه ؟ وايه احسن حاجه ؟ واسعارهم ايه ؟ واشترى من مين بالظبط ؟
ارجو الافاده علشان انا نازل يوم الاتنين اللى جاى