السلام عليكم
عاوز ارش حاجه على كوتش الابواب و الزجاج و فتحة السقف .
عشان مينشفش و عشان ميحتكش بحاجه .
هل ارش wd40 و الا الشحم الابيض بتاع فالفولين و الا سيليكون سبراى و الا اعمل اه
بالله عليكم محتار و محتاج مساعدتكم من اهل الخبره .
و مشكور جدا جدا
و هل ارش اه على جلب العفشه و الكوتشات و المفصلات اللى فى العفشه و العربيه و المفصلات عموما
wd40 كويس فى الحاجات الى زى كده و ممكن مياه بصابون برضه و تمسح كاوتش الابواب بقماشة مبلولة بيهم
و wd40 ممكن ترشه عادى على الجلب الى فى العفشة و اى مفصله فى العربيه هيشيل الصدا لو موجود و يزيتها
أنا لما بلاقى كاوتش الزجاج بيزيق لما بفتح وبقفل الزجاج بمسحه بسفنجه عليها زيت برافين وبمسح الزجاج نفسه بزيت برافين وافتحه واقفله لحد ما احس انه بقى تمام
فعلا زيت برافين والزجاجه منه 3 جنيه واستخدم اسفنجه وامسح بيها الكاوتشوك
كاوتش الازارز جرب تحطله بودره الاطفال من الصيدليه جاب معايا نتيجه كويسه جدا والازاز بيتطلع بسرعه
دبيو 4 جربته بس نتيجته وقتيه وليست لمدى طويل
أحسن حاجه لكاوتش الزجاج , بودره التلج (بتاعه الأطفال) ,لإن أى زيوت أو شحوم بتدى نتيجه وقتيه طول ما الزيت طرى و لكن أول ماحينشف حيخلى الزجاج معصلج وصعب الحركه جدا
إيه دا هو فيه سيليكون ا سبراى ؟؟ بتاع إيه دا ؟؟
وإيه الشحم الأبيض دا كمان ؟
الأفضل تستخدم منتج متخصص فى العناية بالمطاط
و عندك إختيارين:
الأول: فوم تنظيف الكاوتش و أنا جربته ماركة أرمورأول و سعره 38 جنيه و حجمة 500 مل و ده ترشه و تسيبه 10 دقائق و تمسح بعدها الزيادات و عيب الفوم ده إن بيخلص بسرعة و بيعمل هيصه لإنه فوم
الثانى: و أنا أفضله أكتر و ده لا غنى عنه لتنظيف و تلميع و العناية بتابلوه السيارة و الدواخل و الخوارج البلاستيك و المطاط و هو (أرمور أول أوريجينال) و ده سبراى بخاخ و حجمه حوالى 300 مل و سعره 26 جنيه و إقتصادى جداً و أفضل بمراحل من سبراى السيليكون لإنه بيتشرب داخل البلاستيك و المطاط مش طبقة خارجية بس
و جربه كمان على كاوتشات حساسات إضاءة الصالون اللى فى الأبواب لو كان عندك باب نوره بيعلق
أما wd40 للعفشة و الجلب ففى الضرورة فقط لإن بينظف أكتر ما بيشحم و ده مش مطلوب فى مفصلا العفشة خصوصاً لو فى الشتاء فإنت أكيد هتحتاج ترش العفشة زيت على سولار
الف الف شكر لكل الرجاله بجد 100% و استفدت منكم
هجرب زيت البرافين او بودرة التلج او ارمور ال
مشكورين يا رجاله