من فضلكم انا بشترى ملابسى بمتوسط اسعار
التيشرت 200
الجينز 150
الهودى 250
الاماكن مختلفة وبقرف من كتر اللف
كنت عاوز اعرف اماكن الخامات فيها نظيفة والاسعار متعلاش عن كده كتير واشكال هادئة
مايفرقش عندى المكان
ممكن !
عرض للطباعة
من فضلكم انا بشترى ملابسى بمتوسط اسعار
التيشرت 200
الجينز 150
الهودى 250
الاماكن مختلفة وبقرف من كتر اللف
كنت عاوز اعرف اماكن الخامات فيها نظيفة والاسعار متعلاش عن كده كتير واشكال هادئة
مايفرقش عندى المكان
ممكن !
داندى اسعارهم مناسبة وخاماتهم كويسة ومكانهم فى معظم المولات الكبيرة
انا رحت قبل كده جنينه مول في مدينة نصر واسعاره حلو قوي
داندى فعلا
جنينه مول برضو
وكل البراندات in sale
والله اسعار معظم الملابس فى مصر استهبال وسرقة كمان
وكل الحجات الى اسعارها 200 و300 و400 تكلفة تصنيعها متتجاوزش 15 - 25 % من ثمنها
وبيبقى فيه بديل ليها بنفس الخامات والتصميم كمان بس فرق الماركة المحطوطه عليها وبتبقى طالعة من نفس المصنع
سيبك من البراندات لان كلها نصب فى الاسعار
تعالى شبرا وانا اوديك كام محل فوووووووووره
منهم محل h&m
خلف كليه الهندسه
متابع
لو حد عاوز تى شيرتات او طرح بناتى
انا صاحبى عنده مطبعة
اى تصميم انت عاوزه
واسعاره قليله
وانا كمان عايز تفاصيل التى شيرتات المطبوعه ياريت التفاصيل على الخاص او وسيله الاتصال
جالك شغل اهو ياعم ابسط :d
انت كدا جيتلي في منطقتي :D
بص ياريس، مبدئيا كدا متشتريش حاجة من محلات تكون ملهاش فروع كتيرة لان الحاجات بتاعتها غير معمرة وبتجرب ومبتبقاش شياكة.
نصيحتي؟ هقولك نصيحتي:
1- لو عايز تشتري قمصان تكون في قمة الشياكة عندك 3 محلات فقط :
أ- naga و دول من اشيك القمصان اللي هتلاقيها في مصر وخامات كمان محترمة جداً.
ب- عندك seventy ودول مية مية وحاجاتهم كاجوال وكلاسيك.
ج- لو معاك فلوس زيادة حبتين يبقى ملكش غير Zara وكفاية انك بتلبس براند من انضف براندات العالم، واحسن فرع ليهم هو فرع مول العرب.
2- لو عايز بناطيل وجواكت وتيشرتات هديلك كذا محل وانت تعدي عليهم
أ- seventy حلو واسعاره جميلة وشياكة
ب- newborn ودا ملوش حل برضو وشياكة جدا
ج- في محل اسمه u-turn وهو مش قديم اوي لكن حاجته قنبلة وفروعه كتيرة واحسن فرع هو مول العرب برضو وكذلك فرع عمارات العبور، لكن خلي بالك بيبقى في حاجات "احيانا" فيها ديفوهات فركز وانت بتشتري عشان مترجعهاش تاني وتغرم مشوار لان كدا كدا اي حاجة فيها مشكلة بترجع لكن عشان your time.
د- h&m حلو زي مابعض الاصدقاء قالو لك لكن انا مبلبسش من هناك، ليه؟ معرفش. لكن في ناس كتيرة بتحبه وانصحك تبص عليه مش هتخسر حاجة.
ذ- عندك محل انا شايف انه اشيك محل بيبيع شتوي وهو : pull & pear ودا كفاية اصلا خدمة العملاء عندهم والحاجات بتاعتهم كلها اوروبي!
ر- عندك محل ملوش حل ولبسه قمة الشياكة اسمه springfiled لكن اسعاره غالية حبتين...لكن حاجته بصراحة قطنها ملوش حل فعلياً!
س- عندك طبعا محلات Zaraولكنها غالية حبتين ولكن في المقابل بتاخد حاجات صناعة اسباني وبرتغالي.
ش- عندك كونكريت ولكن لاانصح بيه لانه بقى غالي اونطة ! ولكن خدلك بصة عليه برضو.
لو عايز محلات جزم كمان مفيش مشكلة وانت تؤمر.
zara بيتقلد كتير
عايز أسعار مرتاحة شوية وشياكة وأسعار تقريبا ما بتتغيرش من فرع للتانى Mine jns
عايز ماركة شعبية شوية ليها حاجات خامات مش قد كدا وحاجات كويسة men's club بس أنا بفضل Mine jns ودى مصانع مصرية
فيه roll wind أغلى منهم حبة لكن كويس وحاجاته بتتصنع فى الصين غالبا و carbon 14
و new born ودى مصانع مصرية برضه
طب وبالنسبة لاسكندرية بس رينج اسعار اقل من كده حاجة بسيطة
طيب وايه نظام موباكو ؟
انا كنت بجيب من موباكو...بس اسعارة بقت هبللل
انا كنت بجيب من موباكو...بس اسعارة بقت هبللل
اشكر جميع الاعضاء لان الموضوع ده فعلا كان مضايقنى
انا فهمت جزء من ردك لكن بصراحة مفهمتش الجزء نفس الخامات والتصميم من نفس المصنع بس بمركات تانية ممكن تفهمنا ايه المركات ديه
اجى شبرا طبعا مافيش مشكلة
ياريت تقولنا المحلات واماكنهم
احب اشكرك جدا R0xer ياجميل
انا شوفت خامات pull & pear وطبعا اللى كان عاجبنى +1000 فده كان بيدايقنى
ياريت تقول الجزم كمان عشان حتى غيرى يستفيد
فى موقع عامل عروض زى دير ان ديل واوفرنا ونون وافر ويلا ديلز كل دو منزلين الفتره ديه عروض ملابس كويسه جدا
بالنسبه للمحلات انا بعشق المحلات ديه فى اللبس فعلا هما غالين شويه بس حاجات مش هتلاقيها بره
Jack Jones City stars
Naga Homme
U-Turn
Zara
دول من اقوى المحلات الى بجيب منهم كاجوال وسيمى كاجوال كمان
فيه كمان محلات شياكة قوى أسمها Nine west
طيب يا جماعه الاماكن دى فين, هل فى المولات او محلات فردانى ولا فين بالظبط, يا ريت اللى يقول محل يقول مكانه, علشان انا بدور انا كمان.
يعنى ممكن يطبع اسم ابنى على تيشرت واحد بس؟؟؟؟؟؟؟؟؟؟؟؟
ياريت العناوين ياجماعه بعد اذنكو
h&m بس؟؟اقتباس:
سيبك من البراندات لان كلها نصب فى الاسعار
تعالى شبرا وانا اوديك كام محل فوووووووووره
منهم محل h&m
خلف كليه الهندسه
احنا فشبرا معظم المحلات صباح الاستهبال فالاسعار
لو فيه محلات تانى ياريت تقولى وقولى متوسط الاسعار للجينز عندهم
أبحث على الموقع دا yellowpages
بالنسبة للرجالة اللي بتقول ان Zara فيه حاجات مصري والمحلات التانية فيها حاجات بنجلاديشي، فكلامهم مظبوط 100%، لكنه ناقص.
فعلا في حاجات مصري، لكن الميزة في ZARA إنه كل حاجة مكتوب عليها صناعتها، يعني الجواكت التركي اللي هي بقت أشيك من الحاجات الإيطالي هتلاقي مكتوب عليها MADE IN TURKEY ومش اشتغالة طبعا...هتلاقيها تركية فعلا. والحاجات المصري هتلاقي مكتوب عليها MADE IN EGYPT. وبينما هتلاقي هناك قمصان شكلها غريب وجميل جدا MADE IN SPAIN.
يعني في حاجات مصري اه وهتلاقي مكتوب عليها مصري..وفي حاجات تانية اوروبي. ونفس الشيء ل PULL & PEAR. وسبرينج فيلد. كل حاجة مكتوب عليها صناعتها ايه، بنجلاديشي او غيره ولكن القطن نضيف جدا والشياكة مكتملة. ومحدش بيضحك عليك ويقولك هي مصنوعة في مكان مش بتاعها...متقلقش ابدا من النقطة دي، الماركات الدولية دي مبتخمش في بلد الصنع ولا في جودة التقفيل.
بالنسبة للعناوين فأنا بنصح أي حد انه عايز يشتري انه ميلفش كتير، ويطلع على مول العرب أحسن مول في مصر كلها، وفيه كل الماركات اللي انا قلتها وماركات غيرها طبعا...
بالنسبة لأحسن محلات الجزم فبصراحة مفيش محلات جزم نضيفة في مصر وصناعة مصري غير طبعا جزم عرابي. اشهر صانع احذية في الشرق الأوسط. ولكن موديلاتها قليلة مش كتيرة و أسعارها فوق ال 500. وطبعا بيلبس من عنده نص وزراء مصر السابقين والحاليين و احمد نظيف وعمرو موسى وغيرهم كانت جزمهم من عنده، الراجل مشهور جدا وجزمه ملهاش حل لكن انا مبتريحنيش اوي، لكن اكيد الناس دي عارفة هي بتشتري ايه.
اما المحلات التانية فأنا بأمانة الله مشفتش ولا هشوف في حياتي زي جزم clarks ، احسن جزم في العالم تعيش معاك ومستحيل مستحيل مستحيل يحصلها مشكلة او خدش او اي حاجة في بالك، مشكلتها ان اسعارها دايما فوق ال650، ولكن في المقابل بتاخد جزمة بتعيش معاك لحد ما تزهق منها، وعلى فكرة هي عمر جلدها ماهيبوظ طول مانت بتحطلها كريم مناسب ليها وللونها، توكيلات كلاركس اللي اعرفهم واحد في شارع سوريا بس، والتاني في مول جرين بلازا اسكندرية، دي الفروع اللي فاكرها حاليا.
في برضو ماركتين من أنضف الماركات اللي ممكن تلبس فيهم جزم كاجوال وانت مبسوط بجلدهم وشياكتهم، وهما merrell و hush puppies ودول قمة الشياكة والنضافة في الجلود والتصميمات وطبعا الراحة للقدمين، الاسعار للميرل بتبدأ من 500، والهش بابس هتلاقي ارخص من كدا شوية ممكن من 350.
في بقا ماركة اخيرة مش مشهورة في مصر ولا حد يعرفها، لكني اكاد ازعم انها من احسن الماركات حاليا وهي ماركة اسمها وينج ويست تقريبا، ودي شفتها عند محلات spring shoes في مول العرب، الجلود برازيلي ومريحة جدا وشكلها شياكة، ممكن تبصوا عليها بصة مش هتخسروا حاجة.
في بقا محل اخير كمان واغلب الناس عارفاه وهو cat & active ماركات معقولة ولكن مفيش منها كلاسيك شيك خالص...كله كاجولات شبابي اوي، يعني مفيش جزمة جلد كاجوال شكل بتوع كلاركس مثلا.
وفي الاخر انصح اي حد انه قبل ما يشتري جزمة، يكون الاول لف على كل المحلات اللي فوق دي لانه بعد كدا هيندم، انت بتشتري جزمتين في السنة مثلا حد ادنى، اوعدك انك لو اشتريت من المحلات دي الجزم دي هتقعد معاك فوق ال5 سنين لحد ما تزهق من شكلها وهيكون معاك كمان جزم السنين اللي فاتت تبدل فيها مع الجزم الجديدة، هتصحى في يوم تلاقي عندك بتاع 10 جزم اشكال والوان مختلفة وكلهم حالتهم كويسة وشياكة للخروج، صحيح انهم اغلى من الجزم العادية، لكن هو الراجل ايه غير جزمته و نضارته وساعته وشعره وحبة حاجات تانية فوق بعضها؟ :D :D
واسف عالاطالة...
R0xer انت برنس
طالما دخلنا فى الجزم ......... أنا شفت جزم كاجوال عند new born أسعارها بتتراوح من 350 ل 425 جميلة جدا ......... لو المبلغ هيعدى ال 500 .......... أشترى من Zara أدخل على موقعهم هتشوف تشكيلة جزم من الآخر والأسعار برضه من الآخر
CLARKS التوكيل اتغير و الاسعار غليت أوي و التوكيل القديم ( جنينه مول و بلاتينيوم و سيتي ستارز) بقي بيجيب LLOYD و الLLOYD بتبدأ 900 و انت طالع بس الماني
ال CLARKS ( مول أوف ارابيا و داندي مول و سيتي ستارز في ضهر التوكيل القديم) التوكيل الجديد شادد حيله و منزل كوليكشن حلوه بس الاسعار بردو 800 -900 و انت طالع
MERELL ما عنديش علم فين توكيلها فمش قادر أحكم
HUSH PUUPIES مش عاجبني التشكيله الصراحه بس فيه حاجات شغاله
انا عاجبني شكل مش لاقيه كلاركس لأفكر أجيبه من ادفعلي
Cat & Activ : عادي مش المعدي