متفق مع حضرتك تماما خصوصا انها تكنولوجيا متاخدة من لوتس الانجليزية و هي شركة عظيمة و معروفة
بس التوكيل لا يقارن باي حال من الاحوال بعز العرب =)
عرض للطباعة
ده بالنسبة للمانيوال اه و نفس القصة على فكرة في الساجا الفتيس بتاعها بتاع الانسر البطة اللي في التسعينات بردو
ده مش عيب يا كبير على فكرة لكن انا كشركة عملت ابحاث و طورت و صنعت فتيس اثبت كفائة و عاوز انزل عربية اقتصادية ... يبقى مش هعمل ليها ابحاث منفصلة علشان العربية دي و الاقي سعرها ضرب مني فوق لأني كشركة هدفي الاساسي الربح يعني تغطية النفقات + هامش ربح
رينو راحت واخدة موتور اعتماديته عالية اللي هو فعلا بتاع الميجان 1 و حطته بفتيسه في عربية جديدة يعني وفروا مبلغ محترم بتاع الموتور و الفتيس و الكونترولر
بروتون موجعتش دماغها من الاساس و راحت لميتسوبيشي و قالتلهم طالما انتو مبقتوش تصنعوا الفتيس ده و تنزلوه في اي عربية انا عاوزة اشتريه منكوا و راحت منزلاه زي ما هو حتى مكلفوش نفسهم في انهم يزودو اضائة عند النقلات في الفتيس و مش عيب بردو و تفكير سليم جدا
اسمحلي اختلف مع حضرتك في بعض النقط
انا متفق معاك انها مصممة في رومانيا بالكامل و من تصميم داتشيا فعلا و ده هتحسه قوي في الشكل القديم بتاعها لكن رينو جت و اشترت اغلب اسهم داتشيا و بعد كدة لما لقيت شكل اللوجان الروماني قبيح حطت التاتش بتاعها عليه على رأي حزلئوم =) و طلعت بالشكل الحالي و اللي انا شايفه كويس مش احسن حاجة بس كويس
عفشة العربية دي مش ناشفة خااااااااالص و ده اللي بيميزها نظرا لأنها متينة مش بتفك بسرعة و مش ناشفة خالص لكن عادية و زيها زي الساجا و لكن العفشة فعلا ممكن تبقى ناشفة لو ضغط الكاوتش مش مظبوط و ده في اي عربية مش اللوجان بس و جايز لو حضرتك سقت العربية دي تبقى العربية نفسها فيها مشكلة او الضغط مش مظبوط كويس فيها
موتور اللوجان نسبة انضغاطه فعلا مش عالية و دي تعتبر ميزة عندنا بس ميقبلش بنزين 82 اللي او مرة اسمع عنو ده لكن بناء على غطاء التانك فهي بتقبل بنزين خالي من الرصاص يا اوكتين 91 (اللي اول مرة اسمع عنو بردو =) ) يا 95 يا 98 و ده اللي المصنع قايله
و انا لازلت مصر على ان العربية رينو لأكثر من سبب هوضحهملك:
اولا ان رينو شارية حصص في كل من (داتشيا - نيسان - سامسونج - لادا - ماهيندرا)
ثانيا : اللوجان موتور و فتيس رينو - عفشة نيسان - تصميم داتشيا بلمسة من رينو و بتتصنع في مصنع رينو في سوماكا في المغرب يعني من الاخر من عيلة واحدة و بتتحط تحت معايير واحدة و اختبارات جودة واحدة الخ...
ثالثا: العربية بتتسوق في كل بلد بعلى حسب قوة كل علامة من دول في البلد اللي العربية رايحة ليها بمعني ان رينو في مصر ماركة تحترم و كويسة و معروفة من زمان على عكس الداتشيا الي الناس عارفها في مصر انها عربية طوبة و من ايام ما كانت بتنزل لجيش و المخابرات زمان لحد التكاسي النهاردة فيبقى من الغباء اهم ينزلوها في مصر بعلامة داتشيا و في الخليج في بعض الدول بتنزل تحت اسم نيسان و في روسيا علشان الجمارك و الضرايب و الكلام الحمصي ده بتنزل تحت اسم لادا و في الهند نازلة باسم ماهيندرا
زيها بالظبط زي البروتون انسبيرا ما هي لانسر شارك بس في السوق الماليزي
نقطة التوكيل فانا اتمنى ان حضرتك تتعامل مع التوكيل بتاع رينو علشان تقدر تحكم
مش هقلك انو احسن توكيل في مصر وانو مفيش زيو في العالم ... لأ هو ليه سلبياته زي كل التوكيلات في مصر للاسف بس في نفس الوقت وقت اللزوم بتلاقه واقف في ظهرك و لو قل باصله معاك بكل بساطة بتلاقي رينو فرنسا واقفاله بالكرباج و تكهربه و تلاقيه ظبط الاداء معاك ثاني و ده عن تجربة شخصية بقى
التوكيل مش بيعامل العربية على انها ميجان خالص على سبيل المثال و ليس الحصر صيانة ال10 و 30 ال 50 و ال70 الخ... بتتكلف للمانيوال 480 جنيه و للاوتو 550 جنيه (علشان في لتر زيت زيادة في الاوتو عن المانيوال)
صيانة ال20 - 40- 80-100 بتتكلف في المانيوال 840 جنيه و الاوتو حةالي 900
صيانة ال60 بتتكلف حوالي 1600
و ال5 و 15 و 25 و 35 الخ... ببلاش حتى بعد انتهاء الضمان
سعر تيل الفرامل 250 جنيه و بيقفل بعد الضريبة و المصنعية 330 جنيه
سعر الفانوس الخلفي بالضريبة 245
سعر الفانوس الامامي حوالي 500 جنيه بالضريبة
المساعد ب460 جنيه بالضريبة
المقص ب655 بالضريبة
انا راضي بحكم حضرتك هل دي اسعار ميجان ولا فلوانس؟ طيب اسعار الحاجات دي في الساجا بكام؟ طيب هل متوفرة ولا هيقلك جاية في الشحنة الجاية و حلني؟
باضا عز العرب سئ و الكل اجمع على كدة حتى ملاكها و هو السبب الرئيسي في ان العربية دي مش بتبيع كفاية في مصر لأن بروتون لو مع وكيل كويس و شاطر و محترم كانت هتقلب السوق بمعنى الكلمة
و بالمناسبة يا باشا اللوجان بتتباع في المانيا بلد المرسيدس و الاودي و كل الالماني وواخدة افضل عربية في الفئة بتاعتها زي مالساجا واخدة افضل عربية في استراليا
ياباشا تحت امرك ده احنا اكتر من الاخوات وتحياتي ليك
بس هقولك بقى على حاجة .. ان عز العرب مبينزلش عربيات ويكون شايل منها اوبشنز زي غبور ومنصور
للاسف بينزل العربية كاملة وكلها مواصفات خليجي
وزي ماقولتلك قبل كدة هيا مشكلة بروتون تكمن في التوكيل وبعد كدة كل المشاكل هتتحل
المبلغ اللى حضرتك عرضاه ده يجيب كسر زيرو اوتوماتيك انضف 100 مره من اللوجان و البروتون ساجا و البيكانتو و الحاجات دى ... مع كامل احترامى لجميع المركات ... انا بتكلم لمصلحتك فقط
انا جبت بنفس المبلغ ده نيسان صنى 2011 اوتوماتيك كسر زيرو
يبقى ادفع 80 الف جنيه فى عربيه لعبه زى البيكانتو ... ولا اجيب عربيه حجمها معقول كسر زيرو بنفس السعر
المشكله الوحيده اللى هتقابلك لو قررتى تجيبى مستعمل انك هتصبرى شويه و تلفى كتير و تخلى بالك طويل و اى حاجه تتفرجى عليها يكون معاكى حد كويس و ثقه و بيفهم فى العربيات
وفى الأخير ... ربنا يوفقك ... و الأستخاره قبل اى قرار ده اهم حاجه و الله عن تجربه
المبلغ اللى حضرتك عرضاه ده يجيب كسر زيرو اوتوماتيك انضف 100 مره من اللوجان و البروتون ساجا و البيكانتو و الحاجات دى ... مع كامل احترامى لجميع المركات ... انا بتكلم لمصلحتك فقط
انا جبت بنفس المبلغ ده نيسان صنى 2011 اوتوماتيك كسر زيرو
يبقى ادفع 80 الف جنيه فى عربيه لعبه زى البيكانتو ... ولا اجيب عربيه حجمها معقول كسر زيرو بنفس السعر
المشكله الوحيده اللى هتقابلك لو قررتى تجيبى مستعمل انك هتصبرى شويه و تلفى كتير و تخلى بالك طويل و اى حاجه تتفرجى عليها يكون معاكى حد كويس و ثقه و بيفهم فى العربيات
وفى الأخير ... ربنا يوفقك ... و الأستخاره قبل اى قرار ده اهم حاجه و الله عن تجربه
اسف على تكرار المشاركه ... النت هنج ):