الموضوع: فيزا زياره للامارات اجبها ازاى ؟

المشاركة الأصلية كتبت بواسطة mohamed_selim

احجز على الامراتيه من غير مكتب سياحه و هم بيجيبولك الفيزا

صح الكلام ده

المشاركة الأصلية كتبت بواسطة mshawky

طيران الاماراتيه ؟ وهل اقدر احجز اونلاين وبيطلعولى التذكره والفيزا وكله ؟ ولا ايه ؟

لأ طبعاً.....لازم تروح لفرع ليهم و عادي لو فشلوا يطلعوها بيدولك الفلوس تاني

المشاركة الأصلية كتبت بواسطة hossam_elwani

وهيا فيزا دبى سياحه بتطلع بدون اى شروط للمصريين ؟؟؟

عادي...........دبي تحديداً عادي....الباقي فيه كلام.

المشاركة الأصلية كتبت بواسطة karim_monir

اي شركة سياحة ويظبطولك الحوار ان شالله في اوتيل نجمتين
الاهم انت طالع في وقت مهرجان السياحة والتسوق وده بتكون الاوتيلات هناك غالية فانت كدة متاخر في الحجز كان المفروض تحجز من شهرين فاتو عشان تاخد عروض احسن

بالظبط كده.........دلوقتي أسعار الطيران و الفنادق هتلاقيها فحت

لو أنت مش فارق معاك المهرجان يبقى خليها بعد نص فبراير.......هتلاقي عروض أقل كتير.

و على فكرة أنت لو رحت تطلع الفيزا بنفسك بيبقى فيه شوية حاجات بتحكم رفض أو قبول الفيزا

يعني مثلاً لو متجوز و مسافر سواء لوحدك أو مع مراتك بتبقى أسهل

لو ليك شغل ثابت بتبقى اسهل برضه.

و فيه حل تاني أنك تراسل فندق فى دبي و تقولهم أنك عاوز تحجز عندهم بس يطلعولك فيزا

هتدفع أونلاين و تبعت مستنداتك و هما يطلعوا الفيزا و أنت تحجز الطيران.

بس خليك مع الإماراتية أضمن.........و لو عندك إستعداد تسافر من إسكندرية إسأل على مكتب ل فلاي دبي عندك و شوف لو بيطلعوا فيزا............هتلاقي أسعارهم أرخص من الإماراتية بس سفر و رجوع من إسكندرية.