-----------------------------------------
انا معايا ستب واى عاملة حوالى 7000 كيلو وكلام حضرتك صحيح
بصراحة العربية حلوة جدا جدا واسعة والكنبة بتنام تبقى نص نقل
ثابتة جدا : جبت بيها 160 ممتازة ، وكنت مشغل تكييف ومحستش باى حمل ع الموتور
عالية عن مطبات الشوارع وعفشة حلوة - تكييف تلاجة
كماليات حلوة قوى بالنسبة لسعرها
موضوع صوت الموتور فعلا عالى شوية بس لو مشغل الكاسيت او قافل الازاز مش باسمع حاجة خالص ..تقريبا زيت الموتور له علاقة بالموضوع ده ..انا عرفت من التوكيل انهم بيحطوا زيت توتال وده زيت معفن وكمان بياخد وقت لغاية ما يسخن فى الشتا ..انا سألتهم ممكن اجيب زيت من بره ؟ قالوا مفيش مشكلة هات اى نوع واحنا نحطهولك ونحاسبك ع الخدمة ، بس متغيرش بره عشان متخرجش من الضمان
موضوع البنزين : انا عمرى ما فولت بنزين غير مرة واحدة وانا مسافر هههههههه فا مش باحس بالموضوع ده خالص ...باحط لغاية تلات ارباع التانك
السحب حلو الصبح فعلا عشان العربية بتبقى لسه صاحية من النوم وفريش هههههههه
على فكرة انا باحس بكده بردو حتى فى عربيتى البيجو القديمة
الفتيس خشن جدا ..اعتقد بردو زيت الفتيس اللى حاطينه وحش وتقيل ..
استهلاك البنزين معقول
طبعا فيه حجات بتغظنى : زى ليه مفيش ازاز كهربا ورا ؟؟ وليه الزمارة فى الدراع ؟؟ وليه مفيش لمبة فى التابلوه ؟؟؟ وليه نور الصالون مش بينور مع فتح الابواب اللى ورا ؟؟؟
وانا تحت امركم فى اى سؤال عن العربية ..