هى العربيه فى رينو بقت ب83ونص فعلا!!؟
عرض للطباعة
بص ياباشا كل معرض بيبع بمزاجه احسن ليك لو مش مستعجل احجز من رينو واستلم كمان شهرين
لو مستعجل وفارق معاك الوقت هى بتزيد الفين جنيه
شوف الطارق واحد صحبى كان هيجيبها منه زياده الفين فقط متدفعش اكتر من الفين زياده عشان حرام ده استغلال تجار
انا كنت جايبها زياده 3بواكى من اباظه بس فى الغردقه
للاسف اه وكالعاده التجار وجشعهم العربيه اقل سعر لها بره 86 واعلى سعر 90 تخيل .
دانا جبتها من شهر ب 86 ونص وكنت عارف ان الراجل سرقنى فيها وقلت امرى لله عشان استلم بعدها بيومين وكمان اشترطت ان اللون يبقى نبيتى وقد كان. فما بالك دلوقتى ان المعارض المحترمه بتبيعها ب 86 والمعارض السكالانس 88 و90 كمان
بس أنا كلمت التوكيل إنهادرة إلى هو عبد اللطيف الجميل قالى إن سعرها أصلاً 81,500 وقالى مش عارف لو ليها حاجة كده مش فاكر إسمها إيه حيبقى سعرها 83.500 والإستلام بعد أسبوعين لو موجودة أما لو مش موجودة حتستنى مده مش هو نفسه مش عارف أد إيه
تحياتى
ياباشا عبداللطيف جميل توكيل! معتقدش خالص ياباشا ملوش علاقه برينو
انا يجماعه بسال عن سعرها فى رينو وطالما قالك هسلمك كمان اسبوعين يبقى ملوش علاقه برينو نفسها
هو معرض كبير والرجل ليه اسم
يبقى كده هى تمناه 81.5 ياجماعه اتصلو لو سمحت ب16202
واسالو عن السعر الرسمى
واللى فى القاهره يقولى اديلو رقم مدير مبيعات رينو فرع مصر الجديده وهو يوفرهالو بالسعر الرسمى81.5
اما اللى مستعجل يجبها اوفر برايس بقى وامره لله بس بالكتير 84 85 انما 86 ده افترى ونصب من التجار
اشترو من رينو يجماعه احسن ليكم
تحياتى وانا تحت امركم
انا معاك ان التوكيل احسن واوفر بس انا ايه اللى ضمنلى انى مثلا لو حجزتها فى التوكيل على 83.5 وجت بعد شهرين قبل الاستلام غلت ووصلت 86 والتوكيل الزمك بالسعر الجديد زى ما كل الناس عملت ساعتها حتلاقى نفسك استنيت شهرين وبرده اشترتها بنفس سعر المعارض يبقى ساعتها ايه العمل