هدوء شديد فى قسم نيسان

**Ahmed_selmy** · 23-12-2012 02:53 PM

السلام عليكم
مش عارف ليه حاسس يا جماعه ان القسم بقى فيه حاله من الغيبوبه, بالاضافه الى الاختفاء الغريب لدينمو القسم استاذ احمد مصطفى , اتمنى ان يكون بخير وصحه وبسلام, وهذا انا لا اعهده فى قسم نيسان والذى كان دينموا المنتدى كله.
لا ننسى مجهود الاستاذ يوسف عواد ,ولكن اشعر باختفاء سونا والدكتور ايهاب وغيرهم من الذين اعتدت ان اراهم باستمرار فى المواضيع والمشاركات.
فيا ريت لو حد عنده معلومه عن ايه الهدوء الشديد اللى فى القسم دا يا ريت يعرفنا؟

**canner** · 23-12-2012 03:05 PM

متهيأ ليا ان الظروف اللى بتمر بيها البلد ليها علاقة نوعا ما

و انا عن نفسى بحاول اشغل تفكيرى بحاجات من ضمنها المنتدى علشان مخى ما يضربشى

و اتمنى انهم يكونوا فى احسن حال و ان نطمن عليهم ان شاء الله

تحياتى

**hossam_elwani** · 23-12-2012 03:20 PM

فعلا كلامك سليم

**S O P H O S** · 23-12-2012 05:39 PM

ان شاء الله يكون بخير
بس الي حدا ما اقسام كتيرة فهدوء الايام دي ..

**_hema** · 23-12-2012 07:57 PM

شعور طيب من حضرتك

اشكرك عليه

بالفعل الواحد حاسس ان المنتدى كله فى هدوء نسبى ولم الاحظ نشاط كثير فى الفترات الماضيه

انا عن نفسى الاحداث التى تمر بها البلد والصراعات والاختلافات وإراقت الدماء اثرت بالسلب

على نفسى وجعلتنى مكتئبا كثيرا بالاضافه

الى ان ابنى حب يروح الجامعه يسلم مشروع رسمه

على اللوحه وهوا راجع عربيه نص نقل ريحت

على وش العربيه فى مطلع كوبرى المعادى

للداخل

فى المعادى

المهم ان الاحداث التى يمر بها الانسان توثر

كثيرا بالسلب فى مزاجه

ربنا يزيح الغمه ويكشف عنا الكرب ويأمنا فى

اوطاننا

آمييييين يارب العالمين

**Youssef.Awad** · 23-12-2012 11:22 PM

ده الهدوء الذى يسبق العاصفة ههههههههههههههه
ابدا مفيش جديد ومشاغل الحياة هى السبب المنطقى لاختفاء او عزوف البعض
لكن وقت الحاجة ورد سؤال المحتاج هتلاقى المختفى بيبان
وكمان التجديد سنة الحياة وطبيعى زى ما كان فيه اعضاء بارزين فى السنتين اللى فاتوا هتلاقى السنة دى فيه اعضاء جدد لمعوا وذاع صيتهم فى الفترة الاخيرة
عالعموم .. لابد من تداول السلطة هههههههههههه