الموضوع: عندى اكتر من مشكلة فى عربية أوبل كورسا94

السلام عليكم ورحمة الله وبركاته

عندى كذا مشكلة فى عربية أوبل كورسا موديل 94

1-غيرت الدبرياج بالكامل من ستة شهور وجبت الاصلى (اللوك) ومن 3 شهور العربية سربت زيت بسبب الاوسيه بتاع الكرنك غيرته وبطلت زيت بس بقيت اسمع صوت نحرة لما ادوس دبرياج .روحت للميكانيكى من اسبوع قالى دى بلية الدبرياج ولما صوتها هيعلى شوية هنغيرها . هو كدا دا هيأثر على الديسك والاسطوانة بتاعتهم؟واغيرها دلوقتى ولا اسيبها زى ماهو بيقولى؟

2-لما بادور العربية وباسيبها ممورة بلاقى فيها رجة خفيفة بتروح لما ادوس بنزين ولو سنة صغيرة وممكن ترجع تانى ؟ايه السبب؟

3- لما باسوق العربية على الاول بقت العربية تكركر جامد وباديها بنزين عالى عن المعتاد عشان تبطل رجة وبقيت العربية فى الطلعة بتاخد دوسة بنزين ازيد من الاول

4-كمان بقيت احس ان العربية بتقرص فى الغيارات فى سرعات اقل من العادى بتاعها يعنى كنت بانقل عالرابع بعد الستين وكانت بتبقى مريحة فى الغيار ودلوقتى الستين بيبقى العربية مقروص عليها

5- الدينامو صوته عالى جدا واتغير له بلية وبرضه نفس المشكلة فيه هل اغيرله بلية كمان ولا اعمل ايه. والدينامو الجديد بكام ومنين؟

وجزاكم الله خيرا مقدما

-لما بادور العربية وباسيبها ممورة بلاقى فيها رجة خفيفة بتروح لما ادوس بنزين ولو سنة صغيرة وممكن ترجع تانى ؟ايه السبب؟

3- لما باسوق العربية على الاول بقت العربية تكركر جامد وباديها بنزين عالى عن المعتاد عشان تبطل رجة وبقيت العربية فى الطلعة بتاخد دوسة بنزين ازيد من الاول

دول سببهم قواعد الموتور
بص عليهم وشوف لو فى بايظ غيره وهتلاقى الموتور هدى ومبيترجش
بس لو انت بتطلع من غير ماتسخن العربيه هتلاقى الرجه مستمره معاك وده طبيعى