هو العربيات عليها ضريبة مبيعات 15%؟؟

**hossam_elwani** · 24-12-2012 12:28 AM

هو العربيات عليها ضريبة مبيعات 15%؟؟

**AlGazar2** · 24-12-2012 03:30 AM

مع الجمارك اه
40% سيف وارد + 15% ضريبة + 3% رسم تنمية
ده على ال 1600 و اقل
و ال 15% ده على السعر + 40%

بيبقى الاجمالى 62% من تمن العربية
اعلى من كده بتعلى طبعا

**S O P H O S** · 24-12-2012 03:37 AM

لا اله الا الله
كل ده جمرك !!!

**AlGazar2** · 24-12-2012 04:13 AM

المشاركة الأصلية كتبت بواسطة s o p h o s

لا اله الا الله
كل ده جمرك !!!

كل هذا و اكثر
ال 2000 سى سى مثلا اجمالى الجمارك بالضرائب بكله 200 % يعنى تجيب العربيه ب 100 الف الحكومة تاخد منك 200 الف جمارك
اكثر من 2000 سى سى حوالى 250 % جمارك

**thunder155** · 24-12-2012 09:11 AM

المشاركة الأصلية كتبت بواسطة hossam_elwani

هو العربيات عليها ضريبة مبيعات 15%؟؟

دى أقل شريحة , فى شرائح تانية أعلى من كده

و فى كلام إن الحكومة حتزود ضرائب المبيعات على السيارات من ضمن شويه التعديلات الضريبية اللى حيعملوها

**hossam_elwani** · 24-12-2012 02:42 PM

المشاركة الأصلية كتبت بواسطة algazar2

كل هذا و اكثر
ال 2000 سى سى مثلا اجمالى الجمارك بالضرائب بكله 200 % يعنى تجيب العربيه ب 100 الف الحكومة تاخد منك 200 الف جمارك
اكثر من 2000 سى سى حوالى 250 % جمارك

يعنى الحكومه شريكة كل شركات السيارات بس الجنيه قصاده جنيه من غير تصنيع ولا ابتكار ولا تصيميم ولا نيله على الجاهز هههههههه

**Ahmed_Adham** · 24-12-2012 09:39 PM

واللهي انا بقول الحكومه تفض الشراكه مع المواطن ويحررو كل حاجه. مفيش جمارك ولا ضريبه والبنزين يبقى بالسعر الحر وأهو البنزين ينضف وتلاقي عروض على بطاقات البنزين المدفوعه مقدما وياسلام لو يخصخصو الطرق وتبقى باشتراكات سنويه مع شركات خاصه ونشوف طرق مخدومه صح زي البني ادمين.

**AlGazar2** · 25-12-2012 01:01 PM

المشاركة الأصلية كتبت بواسطة hossam_elwani

يعنى الحكومه شريكة كل شركات السيارات بس الجنيه قصاده جنيه من غير تصنيع ولا ابتكار ولا تصيميم ولا نيله على الجاهز هههههههه

اكتر بتوصل ل 1:3

كان فى من فتره تعليق على الموضوع ده من شركه مرسيدس

ان الحكومه المصريه بتكسب من بيع العربيات المرسيدس اضعاف الشركة و من غير ما تصرف على التطوير الى الشركة بتصرف عليه

**sha2e** · 26-12-2012 03:55 PM

المشاركة الأصلية كتبت بواسطة algazar2

اكتر بتوصل ل 1:3

كان فى من فتره تعليق على الموضوع ده من شركه مرسيدس

ان الحكومه المصريه بتكسب من بيع العربيات المرسيدس اضعاف الشركة و من غير ما تصرف على التطوير الى الشركة بتصرف عليه

ضريبة المبيعات على السيارات موجوده فى كل دول العالم وبتكون فى المتوسط من 10 - 15%
وفى بعض الدول بتخصم تمن ضريبة المبيعات من العربيه المحلية لو هتشتريها وتصدرها من غير ما تركبها

بالنسبة للجمارك فالحكومه مش بتاخد من مرسيدس او بي ام جمارك لانهم الاتنين فاتحين مصانع لتقفيل السيارات داخل مصر وبالتالي بتكون من غير جمارك
سعات قطع الغيار الكبيرة زي الموتور لو جاى متقفل من بره بيتاخد عليه جمرك بسيط حوالي 10% أو أقل لانه بيكون قطع غيار مش منتج نهائي

طبعا الكلام ده ينطبق على كثير من العربيات الى بتكون من غير جمارك ومع ذلك بيكون سعرها نفس السعر لما كانت بتدخل بجمرك زي :
الفيرنا - اللانوس - الافيو - وطبعا اللوجان

بكده يبان ان المستفيد الاكبر من الجمارك هم : الوكلاء لتحقيق هامش ربح غير عادي
ولما حد يكلمهم العربيات ليه اضعاف الثمن بره ؟ تكون الشماعة جاهزة يقولك : " الجمارك "
مع ان ضريبة المبيعات 15% زي أغلب دول العالم وبره برضو بيكون فى جمارك على العربيات المستورده لكن بتكون فى المتوسط 10% لكن هنا من اول السنه هيبقى 40% على العربيات المستورده بالكامل من الخارج و 24% فقط على العربيات الاوروبي