محتاج اشترى لوجان 2013اتوماتيك ومحتاج تنصحونى اعمل اية

ازيكو يا جماعة عاملين اية

انا بشكر فى الاول كل القائمين على المنتدى دة عشان بصراحة استفدت من جد

المهم

انا كنت ناوى اشترى شيفرولية افية 2013 اوتوماتيك بس غيرت راييى لانى لقيت على المنتدى ناس كتير بتشتكى منها وبتقول انها مشاكلها كتير وانا مش عاوز وش عشان طبيعة شغلى مبتخلنيش فاضى خالص

فانا قررت ان شاء الله اشترى لوجان 2013 اوتوماتيك فول اوبشن
فاية هى عيوب العربية دى لانى سمعت ان موتورها الاوتوماتيك علشان لسة جديد ففية مشاكل ومش مضمون فهل الكلام دة صح ولا غلط

واية اماكن صالات العرض اللى اقدر اروح اتفرج واحجز عربية تبع البنك من هناك واخد عرض سعر

افيدونى افادكم الله

موتورها هو موتور الميجان 2002 (لو أنا غلطان حد يصححلي)
يعني مش جديد
-

انا مش عارف بس دى هتبقى اول عربية اركبها

وقررت اشتريها عشان ناس كتير خوفتنى من الافيو اللى كنت ناوى اشتريها

ولو حد يا جماعة يقدر يقارنلى بين الافيو واللوجان 2013 الاوتوماتيك يبقى راجل عشرة على عشرة

أهلا بحضرتك يافندم.

بالنسبة للأفيو (طبعا بتكلم على الأفيو الحديثة المتقفلة محلي، راحت أيام الأفيو الكوري خلاص)، بناء على إللي بقرأه عنها ومقارنات قريتها على المنتدي ده وغيره ... فأنا شايف إنك مش محتاج تقارن بينهم، شيل الأفيو من دماغك خالص، والله أعلم. عربية كتير إشتكى من حجات كتير فيها ومنصور أسمع وأقرأ إنه توكيل متعب ومش تمام.

نيجي للوجان الأوتو، مشفتش ولا سمعت أي شكوى من موتورها تحديدا وموتورها شغال في اللوجان mcv أوتو من زمان والداستر كمان، ويقال إنه موتور ميجان ٢ بتعيدل طفيف.

نقط ضعف اللوجان الأوتو تتلخص في:
- مكان الكلاكس (هتتعود عليه)
- أماكن زراير الزجاج الكهرباء (الموضوع نسبي، فيه ناس متزاولة وناس عادي، وبرضه هتتعود عليها)
- منطقة وسط التابلوه إللي فيها مفاتيح التكيف ..إلخ بيوصلها حراره من الدفاية بتاعة صالون العربية وفيه ناس بتحس بالحرارة دي جنب الرجل اليمين عند واسة البنزين (لها كذا حل أبسطهم قول للتوكيل في أول زيارة وهيحطولك قطعة عزل حراري تمنع وصول الحرارة للقدم)
- الكاوتش إللي نازله بيه نوعية متواضعة ويفضل تغيره أول لما الظروف تسمح (مشكلتة تتلخص في إنه بيزحف شوية مع الفرامل المفاجئة القوية، صوته عالي، بيلم ظلط) لكن مش كارثة للدرجة.
- الفتيس ناس قالت فيه نتشة بين الغيارات، لأ هو بس النقلات محسوسة لو إنت قارص بنزين سنه زيادة، أعتقد أي فتيس أوتو أربع نقلات قديم شوية في التكنولوجي هيبقى كده (بإختصار مفيش مشكلة أصلا).

العربية صفقة رابحة بكل المقاييس في فئتها، توافر قطع الغيار في تزايد مستمر خارج التوكيل وأسعارها في تحسن وداخل التوكيل تقريبا كله موجود. التوكيل من أفضل التوكيلات في مصر من حيث الخدمة بس ده بيتفاوت حسب الفرع. سعر إعادة البيع أصبح ممتاز بالمقارنة مع أي حاجة فرنساوي أو أوروبي عامة. من وجهة نظري الشخصية، تساوي كل جنيه مدفوع فيها.

بالنسبة للحجز، قولنا إنت منين عشان الناس تعرف تفيدك، بس إعمل حسابك ممكن تنتظر شوية على الإستلام حسب المكان إللي هتشتري منه ولو حظك حلو ممكن تستلم فوري.

مبروك بإذن الله.

متشكر اوى يا استاذ احمد اشرف

على العموم انا من المنوفية فلو فية صالة عرض قريبة منى فى طنطا مثلا

والاحسن يكون فى القاهرة لانى ببقى موجود فى القاهرة كتير جدا

واية هو احسن معرض للوكيل

ولو فية حد يقدر يفيدنى فى الاجراءات مع بنك ناصر الاجتماعى اكون شاكر جدا لية

اقتباس:

---

المشاركة الأصلية كتبت بواسطة mohamed salem1

متشكر اوى يا استاذ احمد اشرف

على العموم انا من المنوفية فلو فية صالة عرض قريبة منى فى طنطا مثلا

والاحسن يكون فى القاهرة لانى ببقى موجود فى القاهرة كتير جدا

واية هو احسن معرض للوكيل

ولو فية حد يقدر يفيدنى فى الاجراءات مع بنك ناصر الاجتماعى اكون شاكر جدا لية

---

منين من المنوفيه يا أستاذ محمد ؟؟

و دى قايمة بفروع المعارض

EIM Network & Dealers

شوف الموضوع ده
http://www.nilemotors.net/Nile/325680-80.html

انا من الباجور يا استاذ ابراهيم

على فكرة انا لسة جاى حالا من توكيل رينو اللى فى المهندسن وروحت هناك لقيت عربيتين واحدة لوجان والتانية سانديرو

وملحقتش اتفرج على ولا واحدة عشان اتشالو وانا واقف ههههههههههههههههههههه

بس انا محتار بين الاتنين اشترى دى ولا دى ؟

من الباجور نفسها ؟؟؟ أنا أصلا من الباجور لكن مقيم فى شبين الكوم من سنين

معلشى حظك كده ... معرفتش تشوف العربية كويس ...

العربيتيتن زى بعض بالظبط
الموضوع يرجع ليك إنت عايزها سيدان و لا هاتشباك

انا من اسطنها يا استاذ ابراهيم

انت معاك اية اصلا (عربية اية )

اقتباس:

---

المشاركة الأصلية كتبت بواسطة ahmed1981

موتورها هو موتور الميجان 2002 (لو أنا غلطان حد يصححلي)
يعني مش جديد
-

---

موتور المانيوال أما موتور الأوتوماتيك فهو على حد علمى موتور السينيك

اقتباس:

---

المشاركة الأصلية كتبت بواسطة adel_edrees

موتور المانيوال أما موتور الأوتوماتيك فهو على حد علمى موتور السينيك

---

موتور اللوجان والسنديرو الأوتوماتيك هو موتور الميجان 2002
موتور المانوال أقدم منه