سحب الاوبل استرا

**hossam_elwani** · 25-12-2012 12:21 AM

شكرا على المعلومه الجميله ددى

بس سؤال هو وزن الباسات مقارنه بلاسترا كام ؟؟؟

**dede_dodo88** · 25-12-2012 12:33 AM

المشاركة الأصلية كتبت بواسطة ahmed refat

هههههه انا حسيت منك انى راكب 128 .. على الفكرة العربية تقيلة فعلا بس لحد ال 80 تقريبا .. وكمان انا كنت على نقلات الاسبورت فى الفتيس .. وعلى فكرة ال 95 من 92 مش فارق يعنى الفرق اللى ممكن يتحس ببشاعة .. فرق ضئيل جدا .. وعلى فكرة انا بسحب مع عربيات كثير وبطلع منها مع اول كيك داون .. بس مش السيفيك ولا الفيرنا مثلا ..
الاختصار من تعليقى اننى حسيت ان سحب الاسترا حلو مش وحش زى ما ناس كثير علقت عليها وقالت ان سحبها ضعيف .. دى بقى لو سحبها ضعيف على رأيهم يبقى انا ما بمشيش اصلا بالباسات ده انا بزحف

هي العربية سحبها كويس يعني مش وحش.. بس مش لدرجة أنها تشد مع أي عربية و تسد..
الباسات تعتبر عربية تقيلة برضه زي الأسترا فلما تشد مع أسترا الفروقات مش هتبقى كبيرة أوي غير لما تشد مع أي عربية كوري مثلاً بتبقى أخف و هتعديك بفارق بكل سهولة من غير ما أنت تقرب أصلاً..
أنا بقولك كده و أنا معايا الأسترا أصلاً و معدي بيها الـ18 ألف كيلو و بحطلها بنزين 95 يعني العربية ماشية شوية حلوين عن السيدان اللي لسة نازلة و ملحقتش تمشي ولا تتفتح..
أنا مش بشد مع حد بس ساعات بجرب أجيب أي عربية بلاقيها بتجري قدامي و الصراحة محصلش و جبت أي عربية قبل كده.. و أمثلة على كده السيراتو اللي كانت فضلت تبعد عني و أنا مش عارف أقرب.. و البرافو برضه بس دي أنا عارف أنها عربية قليلة الأدب و طبيعي تبهدلني جامد..

**hossam_elwani** · 25-12-2012 01:19 AM

الفيديو ده بالعربى ومهم عن الاسترا

‫أوبل أسترا تحت المجهر: | عالم السرعة‬&lrm; - YouTube

وحتلاحظو ان الموتور الى فى العربيه المذكوره 125 حصان من محرك ديزل بيستهلك 4.5 لتر كل 100 كيلو !!!!! رقم جبار

ليه مفيش عندنا محركات ديزل لييييييه ؟؟؟

ومع ذلك ملاحظة بطىء التسارع مذكوره فى الفيديو

تحياتى

**AHMED REFAT** · 25-12-2012 04:40 AM

المشاركة الأصلية كتبت بواسطة hossam_elwani

شكرا على المعلومه الجميله ددى

بس سؤال هو وزن الباسات مقارنه بلاسترا كام ؟؟؟

انا عارف والله ان الباسات اتقل وعربية اكبر وموتور تقيل .. بس انا مش غرض اضافتى للموضوع المقارنة بين السيارتين بقدر ما كان غرضى ان اقول ان الاسترا سحبها حلو وناعم وسلس جدا غير ماناس كثير قالت عليها انها بطيئة وسحبها وحش ومش بتاعة جرى .. لا بقى بصراحة العربية جراية

المشاركة الأصلية كتبت بواسطة dede_dodo88

هي العربية سحبها كويس يعني مش وحش.. بس مش لدرجة أنها تشد مع أي عربية و تسد..
الباسات تعتبر عربية تقيلة برضه زي الأسترا فلما تشد مع أسترا الفروقات مش هتبقى كبيرة أوي غير لما تشد مع أي عربية كوري مثلاً بتبقى أخف و هتعديك بفارق بكل سهولة من غير ما أنت تقرب أصلاً..
أنا بقولك كده و أنا معايا الأسترا أصلاً و معدي بيها الـ18 ألف كيلو و بحطلها بنزين 95 يعني العربية ماشية شوية حلوين عن السيدان اللي لسة نازلة و ملحقتش تمشي ولا تتفتح..
أنا مش بشد مع حد بس ساعات بجرب أجيب أي عربية بلاقيها بتجري قدامي و الصراحة محصلش و جبت أي عربية قبل كده.. و أمثلة على كده السيراتو اللي كانت فضلت تبعد عني و أنا مش عارف أقرب.. و البرافو برضه بس دي أنا عارف أنها عربية قليلة الأدب و طبيعي تبهدلني جامد..

مهو المقارنة تبقى عادلة على كلامك لأنى كنت بشد مع اوبل مش كورى وحضرتك بتقول ان الفروقات مش هاتبقى كبيرة .. ولكنى اقول لحضرتك ان الفروقات كانت كبيرة .. والغرض من كلامى كما قلت سابقا ان الاسترا مش بطيئة وسحبها وحش زى مالناس بتقول .. لا .. بصراحة العربية جراية وناعمة ..

اما بخصوص الالمانى فهو فعلا كله تقيل فى السحب لحد ال 80 او ال 100 بس بعد كده لاتقولى كورى ولا تقولى قرد .... وعلى فكرة انا عمرى ما بحاول اشد مع حد بس انا كان نفسى اتفرج على اوبل وصاحبها مادنيش فرصة ... ولكن كان معايا قبل كده عربية فيرنا 2010 ال 1600 .. بصراحة العربية كانت بتغرينى بالشد وكانت قدها وقدود ورغم ده عمرى ماشديت جنب حد فى الطريق ابدا .. ربنا يحفظنا جميعا

**S O P H O S** · 25-12-2012 05:01 AM

ما شاء الله
المهم عن السحب التوكيل يتحسن مع العربية دي
علشان متموتش ..

**Optiplex** · 25-12-2012 06:15 AM

المشاركة الأصلية كتبت بواسطة s o p h o s

ما شاء الله
المهم عن السحب التوكيل يتحسن مع العربية دي
علشان متموتش ..

بالزبط كدة و بعدين المهم مايكونشى فيها مشاكل

**A.Adel** · 25-12-2012 11:57 AM

المشاركة الأصلية كتبت بواسطة AHMED REFAT

هههههه انا حسيت منك انى راكب 128 .. على الفكرة العربية تقيلة فعلا بس لحد ال 80 تقريبا .. وكمان انا كنت على نقلات الاسبورت فى الفتيس .. وعلى فكرة ال 95 من 92 مش فارق يعنى الفرق اللى ممكن يتحس ببشاعة .. فرق ضئيل جدا .. وعلى فكرة انا بسحب مع عربيات كثير وبطلع منها مع اول كيك داون .. بس مش السيفيك ولا الفيرنا مثلا ..
الاختصار من تعليقى اننى حسيت ان سحب الاسترا حلو مش وحش زى ما ناس كثير علقت عليها وقالت ان سحبها ضعيف .. دى بقى لو سحبها ضعيف على رأيهم يبقى انا ما بمشيش اصلا بالباسات ده انا بزحف

بص حضرتك :) دي اتقل عربيات تحت ال 1600

passat fsi
octavia
fluence
impreza
ford focus

كلامي عن الموديلات القديمة

مع احترامي لكلامك طبعا
مفيش بقى حاجة اسمها الالماني بعد ال 80 بيبقى حاجة تانية
آه طبعا السحب بيتحسن عشان الوزن بيأثر على الطلعة بس برده هتفضل اقل من أي 1600

**A.Adel** · 25-12-2012 12:04 PM

حتى لو حسبتها بالأرقام هتلاقي طبيعي جدا إن ال astra تطلع
هو موتوره 115 حصان و إنت 115 برضه
بس فيه فروقات

1. فرق الحالة
2.فرق الوزن
3.فرق تأثير 92 على الأداء (ده غير إنه ممكن يكون حاطط 95)
إنت ال CR بتاعت موتورك 1:12 , أكيد هتلاقي عندك تسقيف لما تكبس على rpm قليل

هتلاقي منطقي جدا إنه يطلع منك مرتاح
و على فكرة برده ال astra من اتقل العربية ال 1600
عربية من 0-100 في 14 ثانية