الموضوع: سحب الاوبل استرا

الحقيقة النهارة الصبح حوالى الساعة 9 صباحا كنت على المحور وكنت راكب عربية باسات ال 1600 موديل 2007 ولقيت جنبى عربية استرا سيدان وكنت اول مرة اشوفها على الطبيعة فى الطريق .. حاولت اقرب منها علشان اتفرج على العربية شوية .. وكان راكبها شاب تقريبا من جامعة 6 اكتور .. المهم افتكرنى بشد معاه فمدنيش فرصة حتى اقرب منه .. انا سخنت معايا وروحت ناقل على الاسبورت ودايس الدواسة وبالتالى هو سخن اكثر وكانت حرب ضروس .. بصراحة الاوبل روقت الباسات وانهكتها والواد بيسوق باحتراف عالى .. انا خليت صوت الموتور فى الباسات يستجير ,, ماشاء الله ولا قوة الا بالله الاوبل كانت بتطلع منى بسهولة وسلالة ومكنتش بعرف اجيبه الا عند المطبات او الاماكن اللى لازم يهدى فيها .. انا حبيت انقل اللى حصل لان فيه ناس كثير قالت عليها انها مش بتاعة شد والحاجت دى وبطيئةنسبيا فى التسارع .. دى ماشاء الله عليها تسارع ممتاز بالنسبة لفئتها اهه .. امال لو كانت حلوة بقى كانت هاتعمل فينا ايه تانى .. انا عارق ان الباسات تقيلة شوية لحد التالت بس لما تنقل على الثالث وحش بصراحة ده غير الاسبورت بيخلى الموتور يزأر ويخلى العربية وحش لا يستهان به .. بس الاوبل طلعت اوحش

المشاركة الأصلية كتبت بواسطة ahmed-adel

يا باشا العيب عندك إنت :)
مش ال astra اللي جراية

إنت عربيتك fsi و حاطط فيها 92 و أساسا ال passat عربية وزنها تقيل
عاوز تعديه إزاي !!!!!

هههههه انا حسيت منك انى راكب 128 .. على الفكرة العربية تقيلة فعلا بس لحد ال 80 تقريبا .. وكمان انا كنت على نقلات الاسبورت فى الفتيس .. وعلى فكرة ال 95 من 92 مش فارق يعنى الفرق اللى ممكن يتحس ببشاعة .. فرق ضئيل جدا .. وعلى فكرة انا بسحب مع عربيات كثير وبطلع منها مع اول كيك داون .. بس مش السيفيك ولا الفيرنا مثلا ..
الاختصار من تعليقى اننى حسيت ان سحب الاسترا حلو مش وحش زى ما ناس كثير علقت عليها وقالت ان سحبها ضعيف .. دى بقى لو سحبها ضعيف على رأيهم يبقى انا ما بمشيش اصلا بالباسات ده انا بزحف