العجل الامامي بيسخن جامد (سيفيك 92 ex)

السلام عليكم يا هونداوية...

انا مؤخرا لاحظت ان فيه ريحة تيل فرامل فقلت اشوف الجنوط اخبارها ايه... لاقيت الاتنين اللي قدام سخنين والمسامير بتلسع وطبعا مارضيتش المس الطنابير (لو صح التعبير - او الاسطوانة اللي بتلمع دي) لاني خفت تكون سخنة جدا .. انما الجنوط اللي ورا كويسين ..

من فترة كان عندي مشكلة في عداد السرعة مشيت مع المانيوال واتحلت بفضل الله ... من ضمن الحاجات اللي لاحظتها ان لما كنت برفع العجل الامامي مع وضع الفتيس علي n كنت بحرك العجل بايدي بالعافية .. مكونتش باقدر الف العجلة لفة كاملة بايدي...

هل ده ياثر ع السحب .. واستهلاك البنزين .. وكمان علي عزم العربية لما اشغل التكييف؟ ... لاني فعلا بعاني منهم من ساعة ما جبت العربية..

ممكن تفيدوني اعزكم الله؟

اقتباس:

---

المشاركة الأصلية كتبت بواسطة engmesk2

السلام عليكم يا هونداوية...

انا مؤخرا لاحظت ان فيه ريحة تيل فرامل فقلت اشوف الجنوط اخبارها ايه... لاقيت الاتنين اللي قدام سخنين والمسامير بتلسع وطبعا مارضيتش المس الطنابير (لو صح التعبير - او الاسطوانة اللي بتلمع دي) لاني خفت تكون سخنة جدا .. انما الجنوط اللي ورا كويسين ..

من فترة كان عندي مشكلة في عداد السرعة مشيت مع المانيوال واتحلت بفضل الله ... من ضمن الحاجات اللي لاحظتها ان لما كنت برفع العجل الامامي مع وضع الفتيس علي n كنت بحرك العجل بايدي بالعافية .. مكونتش باقدر الف العجلة لفة كاملة بايدي...

هل ده ياثر ع السحب .. واستهلاك البنزين .. وكمان علي عزم العربية لما اشغل التكييف؟ ... لاني فعلا بعاني منهم من ساعة ما جبت العربية..

ممكن تفيدوني اعزكم الله؟

---

محتاج حد متخصص فرامل يشيك على الماستر العمومى وماستر العجل قدام

وياريت تعمله فى أقرب وقت بالتأكيد هيأثر على السحب والاستهلاك والتيل والطنابير

زى ما محمد ومادو قالوا

طبعا غلط جدا ومشاكلة تقل فى العربية والحركة , وتيل يتاكل بسرعة , وطنابير تبوظ , وماتور يبقى علية حمل كبير + استهلاك بنزين عالى

والمشكلة اللى عندك دية طالما ليها حلين :

1- انك تاخد هواء من دورة الفرامل

2- انك تراجع على كفاءة الماستر العمومى لان طالما العجلتين عاملين كدة , معنى كدة ان المشكلة من الماستر العمومى

شكرا يا جماعة ع الاهتمام والردرود القيمة...

ا/ سامح .. انا بس عايز اقولك ان الفرامل حلوة جدا معايا .. بس المشكلة في موضوع السخونة دي.. فلو اخدت هوا ده ممكن يرجع القفشة بتاعة التيل دي ع العجلتين اللي قدام ؟


وهل دي ممكن برضه تكون ليها رجلاش بيظبطها؟

اقتباس:

---

المشاركة الأصلية كتبت بواسطة engmesk2

شكرا يا جماعة ع الاهتمام والردرود القيمة...

ا/ سامح .. انا بس عايز اقولك ان الفرامل حلوة جدا معايا .. بس المشكلة في موضوع السخونة دي.. فلو اخدت هوا ده ممكن يرجع القفشة بتاعة التيل دي ع العجلتين اللي قدام ؟


وهل دي ممكن برضه تكون ليها رجلاش بيظبطها؟

---

الكلام ده سهل جداااااااااا

خد هوا للعجل و شوف الدنيا

و المشكله هتتحل

موضوع السخونه ده عادى جدااااااااااااااااااااااا ااااااااا

مش مطلوب من العربيه انها تبقى بعد اى مشوار تلمس العجل تلاقيه بارد

ده الطبيعى بتاع اى عربيه

^_^

اقتباس:

---

المشاركة الأصلية كتبت بواسطة engmesk2

شكرا يا جماعة ع الاهتمام والردرود القيمة...

ا/ سامح .. انا بس عايز اقولك ان الفرامل حلوة جدا معايا .. بس المشكلة في موضوع السخونة دي.. فلو اخدت هوا ده ممكن يرجع القفشة بتاعة التيل دي ع العجلتين اللي قدام ؟


وهل دي ممكن برضه تكون ليها رجلاش بيظبطها؟

---

ماهو طبيعى هتلاقى الفرامل جامد معاك والبدال عالى على حسب نسبة ضغط الفرامل عن الحد الطبيعى

وموضوع السخونة دة زى مااحمد ايهاب قالك , هتلاقى سخونة فى كل العجل , بس سخونة عن سخونة تفرق , يعنى السخونة الطبيعى انك تحط ايدك على الكاوتش تلاقية سخن على خفيف , لكن اللى مش طبيعى انك تحط ايدك تتلسع او تحس انك حاطط الجنوط على غلاية
وان شاء الله لما تاخد هواء من الاربع عجلات المشكلة تتحل

العجل الامامى بيتم سحب الهواء منة عن طريق مسمار مثبت اعلى الكاليبر يتم فتحة ثم ضغط بدال الفرامل الى اخرة حتى يتم خروج زيت باكم فقط من هذا المسمار وليس زيت وهواء كما كان من قبل

المشكلة يا استاذ احمد ان العجل بيبقي قافش ونا ممور العربية ورافع العجل اللي قدام .. بحركة بايدي بصعوبة .. فده اللي خللاني حاسس ان فيه مشكلة...

ربنا يكرمكوا يا جماعة .. عموما انا هاخد هوا للاربع عجلات ان شاء الله وارد عليكم :)

الامامى مش ليه رجلاش

مع احترامى لجميع الأراء
انت المشكلة عندك فى الغالب هتكون فى بلى العجل
أكيد بلى العجل قافش ومحتاج يتغير

لو الدورة فيها هواء وعايز تطلعه هتفك المسمار اللى هو صمام اللى بنطلع منه زيت الفرامل بعد فك العجلة طبعا وتحط فيه خرطوم رفيع وتبتدى تضغط على دواسة الفرامل بالراحة متدوسش للآخر مرة واحدة .....هتلاقى الزيت طالع بفقاقيع هواء لما الزيت يطلع بعدين من غير فقاقيع أربط الصمام وروح للعجلة التانية أعمل كدا مع الأربع عجلات لو فيه هواء هيطعل طبعا هتزود زيت الفرامل ....... عشان تعوض النقص

وطريقة السحب عامة للزيت
الفردة الشمال أمامى فالفردة اليمين خلفى فالفردة اليمين أمامى فالفردة الشمال خلفى

ومعنى إن الكاوتش نفسه يسخن بطريقة ملحوظة دا خطر جدا لو فيه سخونة هتبقى خفيفة لكن الكاوتش يسخن بمعنى الكلمة دا خطر ودا معناه إن الجنط عندك بيولع من السخونة

وفيه حالة كمان لو ضغط الهواء قليل داخل الكاوتش هيسخن وهيقلل من عمره جامد

شكرا أ/ احمد ... شكرا أ/ سامح ...

ان شاء الله اخلص وابلغكم بالنتيجة...

انا عملت تست تاني للعجل اللي قدام.. رفعت العربية من قدام وخليت العربية ع ال n المرادي بلف العجل عادي يعني بلفه واسيبه الاقيه يكمل لف بس طبعا فيه سنة تقل .. يمكن عشان الجنط تقيل .. المشكلة ان لسه فيه سخونة .. يعني بلاقي المسامير بتلسع (قدام) انما اللي ورا كويسين .. :(

اقتباس:

---

المشاركة الأصلية كتبت بواسطة engmesk2

انا عملت تست تاني للعجل اللي قدام.. رفعت العربية من قدام وخليت العربية ع ال n المرادي بلف العجل عادي يعني بلفه واسيبه الاقيه يكمل لف بس طبعا فيه سنة تقل .. يمكن عشان الجنط تقيل .. المشكلة ان لسه فيه سخونة .. يعني بلاقي المسامير بتلسع (قدام) انما اللي ورا كويسين .. :(

---

يا باشا خلاص مفيش مشكله

انت و الله بتشغل بالك

ده العادى بتاع اى عربيه فى الدنيا

لان اللى قدام هما اللى عليهم الشغل كله

و اللى ورا اللى قدام بيسحبوهم لان الجر امامى يعنى الحمل كله على ال 2 اللى قدام

طب ابسطهالك

احنا بنقول ليه لما تبقى راجع من مشوار متغسلش العجل بتاع العربيه بالمياه

لانها بتبقى سخنه و المايه هتعمل لوحه او ريجا للطنابير

فهمت ؟؟

طب ابسطهالك تاااااااانى

هات عربيه حد تبعك و خليه و هو لسه جاى من مشوار و حط ايدك على العجل

شوف هتحس بأيه

ممكن تعمل 2 شاى عليها ( انا سكر زياده على فكره ) :D

احلفلك بالطلاق ان ده العادى :E_braces[1]:

^_^

اقتباس:

---

المشاركة الأصلية كتبت بواسطة ahmedeihab

يا باشا خلاص مفيش مشكله

انت و الله بتشغل بالك

ده العادى بتاع اى عربيه فى الدنيا

لان اللى قدام هما اللى عليهم الشغل كله

و اللى ورا اللى قدام بيسحبوهم لان الجر امامى يعنى الحمل كله على ال 2 اللى قدام

طب ابسطهالك

احنا بنقول ليه لما تبقى راجع من مشوار متغسلش العجل بتاع العربيه بالمياه

لانها بتبقى سخنه و المايه هتعمل لوحه او ريجا للطنابير

فهمت ؟؟

طب ابسطهالك تاااااااانى

هات عربيه حد تبعك و خليه و هو لسه جاى من مشوار و حط ايدك على العجل

شوف هتحس بأيه

ممكن تعمل 2 شاى عليها ( انا سكر زياده على فكره ) :d

احلفلك بالطلاق ان ده العادى :e_braces[1]:

^_^

---

++++++++++ انا عايز واحد شاى معاكو :213-1107231241[1]:

اقتباس:

---

المشاركة الأصلية كتبت بواسطة ahmedeihab

ممكن تعمل 2 شاى عليها ( انا سكر زياده على فكره ) :d

احلفلك بالطلاق ان ده العادى :e_braces[1]:

^_^

---

ههههههههههههههههههههههههه ههههههههههه

بقولك اية ممكن تجيبلى واحد نسكافية على العجلة اليمين معلقة ونص سكر وزود الكريمر يامعلم

اقتباس:

---

المشاركة الأصلية كتبت بواسطة semsem kane

ههههههههههههههههههههههههه ههههههههههه

بقولك اية ممكن تجيبلى واحد نسكافية على العجلة اليمين معلقة ونص سكر وزود الكريمر يامعلم

---

تؤمرنى يا موحه فى اى وقت اعملهولك على العجل بتاعى بس كده انت جيت فى جمل يعنى

^_^

عمالين تهظروا .. والعجل مولع :) ماشي يا رجالة..

المهم خدوا الحتة دي... الميكانيكي وهو بيتشك ع العجل بيشوفوا قافش ولا لا.. عمل حاجة .. فتح المسمار اللي في الكاليبر من غير مادوس علي دواسة الفرامل ولا حاجة .. ولما لقي زيت نازل .. قالي دي مافيهاش هوا يا باشا .. المهم ربط المسمار تاني.. بس بعدها لاحظت ان الدواسة نزلت شوية.. والفرامل مابقتش ع الشعرة زي الاول.. بيتهيالي كده هو ادالها هوا صح؟؟؟

اقتباس:

---

المشاركة الأصلية كتبت بواسطة engmesk2

عمالين تهظروا .. والعجل مولع :) ماشي يا رجالة..

المهم خدوا الحتة دي... الميكانيكي وهو بيتشك ع العجل بيشوفوا قافش ولا لا.. عمل حاجة .. فتح المسمار اللي في الكاليبر من غير مادوس علي دواسة الفرامل ولا حاجة .. ولما لقي زيت نازل .. قالي دي مافيهاش هوا يا باشا .. المهم ربط المسمار تاني.. بس بعدها لاحظت ان الدواسة نزلت شوية.. والفرامل مابقتش ع الشعرة زي الاول.. بيتهيالي كده هو ادالها هوا صح؟؟؟

---

كده هى خدت هوا رسمى بقا لازززززززم كنت تكارك تاااااااااااااانى و تاااااااالت لحد ما الزيت يضغط تحت فى المواسير و يفتح الهوا علشان كده العجل اخد هوا

هتلاقى دلوقتى البدال بقا واطى و لما هتييجى تدوس فرامل العربيه هتحدف

ميكانيكى بتاع شاى وربنا

حد يفتح مسمار الهوا و يقفلوا تانى من غير ما ياخدلها هوا

^_^

كدة هو ادالها هواء لازم بقى , تسحب هواء من الاربع عجلات , عن طريق فتح المسمار اللى على الكاليبر وانت تقعد تكارك فرامل من جوة لحد ماينزلة زيت بس بدون هواء ويقفل على كدة , وان شاء الله تبقى كل حاجة تمام

تسلموا يا رجالة ... انا حسيت كده برده .. معلش عكننت عليكوا قعدة الشاي الحلوة دي :)

اقتباس:

---

المشاركة الأصلية كتبت بواسطة engmesk2

تسلموا يا رجالة ... انا حسيت كده برده .. معلش عكننت عليكما قعدة الشاي الحلوة دي :)

---

ههههههههههههههههههههه تعالى اتفضل معانا

^_^

ازيكوا يا رجالة ...

انا سالت حد عنده نفس عربيتي بس مانيوال ... المهم قالي العجل الامامي في العربية برضه بيسخن ومسامير الجنط بتلسع فاطمنت وحسيت ان ده العادي زي ما احمد ايهاب ما قال بالظبط ... بس لسه ماجربتش اعمل عليهم شااااي :)

هو المفروض ميبقاش سخونة فى الجنط للدرجة دى كدا معناه إن الاحتكاك بالتيل بالديسك عالى من غير فرامل

جرب ترفع العربية بالكوريك وحرك العجل كدا وشوف سلاسة حركته

بالنسبة لهواء دايرة الفرامل

هات خرطوم رفيع من اللى بيعملوا بيه ميزان مياه هاتلك متر وقص منه هو رخيص جدا

ولبسه فى البق بتاع الصمام دا وبعدين أبدأ كارك لدواسة الفرامل هيطلع الزيت فيه فقاقيع هواء أفضل كارك لحد ما يطلع الزيت صافى مفيهوش فقاقيع هواء
بعدين أربط الصامولة كويس

بعدين زود زيت الفرامل اللى نقص

اقتباس:

---

المشاركة الأصلية كتبت بواسطة engmesk2

ازيكوا يا رجالة ...

انا سالت حد عنده نفس عربيتي بس مانيوال ... المهم قالي العجل الامامي في العربية برضه بيسخن ومسامير الجنط بتلسع فاطمنت وحسيت ان ده العادي زي ما احمد ايهاب ما قال بالظبط ... بس لسه ماجربتش اعمل عليهم شااااي :)

---

ههههههههههههههههه يا جدع انت لسه لحد دلوقتى مقتنعتش

طب احلفلك بأيه :untitled 1:

^_^

على فكره انا اول لما اشتريت العربيه كنت موسوس اوى
لحد لما ربنا هدانى
ههههههه