السلام عليكم يا وحوش
من حوالي اسبوع كده بعد ما طلعت بالعربية حسيت ان سحبها ضعيف جدا (زي ماتكون مخنوقه) و الار بي ام بيعلي و السرعة مش بتزيد عن 50 أو 60 كم مش فاكر قوي ببص في العداد لقيت رسالة check geerbox
المهم ركنت كده و وقفت شويه و دورت تاني الرسالة اختفت و العربية مشيت عادى جدا فقلت الحمد لله يمكن حاجة كانت معلقة
بعدين الموضوع ده اتكرر معايا 3 او 4 مرات فقلت مابدهاش ..روحت عند مركز خدمه في صقر قريش عنده جهاز كشف الاعطال اللي في التوكيل... وصل الجهاز بس الجهاز ما قرأشي اي error
فالمهندس اللي كان بيعمل ال check ده قالي ان لو السلونويد فالف هو اللي بايظ كان لازم يظهر على الجهاز عنده ( اي error بيحصل بيتعمله storageي الميموري بتاع كنترول العربية) و بما ان مش ظاهر اي errors و كمان باقي ال Parameters التانية كلها تمام زي الضغوط مثلا فاده ملوش غير تفسير واحد : (هو ان زيت الفتيس كفاءته قلت قوي و محتاج يتغير) فا بالله عليكم افيدوني: أغير زيت الفتيس و لا اطلع على التوكيل؟؟
ملحوظة العربية موديل 2008 اوتوماتك ماشية 50,000 كم

منتظر ردودكم بسرعة عشان مقلق جامد بالذات الاخوة الوحوش أ.أحمد عبدالمقصود و أيمن مومو و العقيد خالد ...جزاكم الله خير