الموضوع: check geerbox megane 2008

ألف سلامة على الميجان يا باشا

أنا عاوز أعرف حاجة الأول.........هل بتحس برجة فى العربية و بتبقى واضحة قوى على RPM أقل من 3 ؟

لو دى بتحصل معاك يبقى شيك على الكويلات الأول..........الكويلات لما بتضرب ممكن تديك check gearbox

لو مش بتحصل معاك يبقى تطلع على التوكيل طبعاً..........لأنه حتى لو سولونيد......ضمان الفتيس 100 ألف كم.

المشاركة الأصلية كتبت بواسطة hady

اولا الف الف شكر ليك يابو حميد على النصيحة الغالية دي.... كمان احب اشكر الوحش airfox على سرعة الرد و النصيحة
ثانيا أ أحمد عبالمقصود : انت تقصد ان لو فيه حاجة في الفتيس لا قدر الله المفروض التوكيل يعملهالى مع العلم بان كل الصيانات اللي فاتت الحمد لله انا عملتها كلها في التوكيل و محتفظ بالفواتير
كمان أصلا أنا عامل بالظبط 49500كم و كنت هاتصل بيهم عشان احجز لصيانة الخمسين الف فا كده كده انا رايح التوكيل...
بالمرة بقي "الحمد للهعلى كل حال" لمبة ال airbag كانت منوره من شهرين كده و قبل ماتنور بفترة كان فيه تكتكة في الدريكسون لما اجي الف يمن او شمال و عرفت ان شريط الايرباج محتاج يتغير (مع ان بعض الخوة هنا قالو ممكن يتصلح"....كنت عايز اعرف سعره كام في التوكيل و بره التوكيل

مع الشكر

العفو يا باشا

المفروض أنت بتعمل صياناتك فى التوكيل و الفتيس ضمانه 100 ألف..........يعني يعملوه من غير ما يتكلمو..........ده بفرض أنها مشكلة فتيس فعلاً.

شريط الأيرباج من فترة كان فى التوكيل فى حدود 1600 بس مش فاكر مع التركيب و الضريبة ولا لأ

برة التوكيل فى حدود 600 أو 700 بالتركيب و مش بياخد أكتر من ربع ساعة.

المشاركة الأصلية كتبت بواسطة hady

اخواني الوحوش: محتاج مساعدتكم بخصوص مشكلة الفتيس
انا وديت العربية النهارده 1-1-2013 التوكيل فرع المقطم عشان يفحصولي مشكلة الفتيس و بالمرة اعمل صيانة الخمسين الف...بعد الفحص اتضح ان الفتيس محتاج سنسور يتغير+زيت فيتيس و السعر 1200 جنيه "بخلاف 700 جنيه صيانة الخمسين"
فاقلتلهم انى ماشي 50000 كم و بعمل صياناتي كلها في التوكيل و ضمان الفتيس 100000كم او 5 سنين و العربية موديل 2008........ و كانت المفاجأه من مهندس الاستقبال انى قالي هاسأل الاول في الدارة و ارد عليك و بعدين رد عليا و قالي الكلام ده اتوقف خلاص قولتله ازاي يعني قالى يعنى طالما العربيه عدت 3 سنين او 60000 تبقى خرجت بره الضمان و الكلام ده على الفتيس كمان فقولتله لا طبعا انا مش مقتنع بالكلام ده ...و عموما اعملولي صيانة الخمسين دلوقتي و هارد عليك في موضوع الفتيس ده...... فا تنصحوني بايه؟؟ هل ابعت ميل الى رينو فرنسا ولا ابعت ميل لرينو مصر؟؟ ولا الموضوع ده مافيش منه فايده اصلا
منتظر لردودكم جميعا بالذات ايمن مومو و أ.أحمد عبالمقصود

بص يا باشا........أنت شاري العربية بمزايا معينة........منها أن ضمان الفتيس 100 ألف كيلو..........مجرد ما التوكيل طلع العربية من عنده بالميزة دي ملهوش حق يرجع فى كلامه و يغيرها إلا لو هيغيرها لحاجة أحسن.........كمثال ضمان الفتيس فى الأول كان 60 ألف و علوه ل 100 ألف........دي مفيهاش مشكلة.

عموماً أنت واضح أنك مشيت من هناك......و واضح كمان انك أخدت الكلام منه و سكتت........و ده مش صح :)

أنت تروح التوكيل تاني.......بدون حجز أو حاجة.......تطلب تقابل مدير خدمة ما بعد البيع المهندس عمرو أبو الفتوح أو مدير الورشة المهندس حسام شهاب و تقولهم على اللى حصل.

إن شاء الله المشكلة تتحل مع حد منهم...........بس بفرض أنها متحلتش

هتوضح لهم بالذوق أن العربية ساعة الشراء كان ضمانها 100 ألف كم و أن مش من حقهم يغيروه لأقل من كده.......و تلفت نظرهم أنك بتفكر تروح جهاز حماية المستهلك.

بعد المقابلة دى لو الموضوع متحلش يبقى قدامك حلين ممكن تمشي فيهم
1- جهاز حماية المستهلك
2- رينو فرنسا

بس لازم قبل أى واحد من دول تكون عارف تاريخ صيانات العربية كويس......يعني عارف أنها كلها معمولة فى التوكيل أو مراكز الخدمة المعتمدة........مفيش صيانة عدت بدون ما تعملها حتى صيانات ال 5 الآف....الخ.

و الأهم ضمان الفتيس 100 ألف كم محدد بمدة معينة ولا لأ......أنا مش فاكر بصراحة.

عموماً حتى لو الضمان لسه خلصان أنت ممكن برضه تبعت لرينو فرنسا و هما ممكن يعملوا حاجة من أتنين..........يا يتحملوا تكاليف الإصلاح بالكامل للمحافظة على العميل أو يتحملوا جزء و أنت جزء.........الأتينين تحت بند السمعة الحسنة و معروف أنهم كتير بيعلموها.


برضه مفيش مانع أنك تذكر فى المقابلة بتاعة التوكيل أو في الأيميل الموجهة لرينو فرنسا أن والدك أو أخوك أو نسيبك كان بيفكر يشتري عربية جديدة و كنت لسه بترشح له الفليونس أو الميجان أو أو.......بس بعد الموضوع ده هتعيد نظر.

و على أسوء الفروض...........الموضوع ممكن يتعمل برة التوكيل فى حدود 500 جم.

معلش بالنسبة لموضوع التليفون أنا مش فى مصر.