الموضوع: ازاز الإسكودى ادش

انا النهردة كنت راكن عند الدقي في شارع جانبي جميل نزلت وسيبت العربية من الساعة 1 ونص لحد الساعة 6 روحت بدور العربية وامشي لقيت الإزاز بتاع الباب إل ورى متكسر خالص قومت فليت العربية حتة حتة ملقتش فيها حاجة ناقصة والاسيت سليم و فيه الفلاشة والكاسيت غالي يعني مش حاجة أي كلام وحاطط برفنات في التبلوه غالية ولا قربلها فانا مش عارف هل ده سرطان او حد حب يكسر الإزاز وملحقش يسرق حاجة منها الله اعلم المهم الحمد لله على كل شئ روحت لبتاع الإزاز غيرت الإزاز جيبت واحد صيني بيقال انو موصفات امريكي بس في الأول والآخر صيني طبعا خامتو جمب الفبريكة ماشي حالها مش سيقة اوي انا جبتو بــ 280 جنيه هل ده سعر كويس ولا اضحك علية انا مغيرو من صقر قريش المعادي الراجل بتاع الإزاز إل على الأتوستوراد اول صقر قريش خالص

الحمد لله على كل شئ وبالنسبة للإزاز انا دورت على الأصلي ملقتش أساسا ومعرفش بيتباع فين اصلا وللأسف انا اكتشفت ان الإزاز اتكسر الساعة 6 تقريبا فكنت مستعجل لحسن محلات الإزاز يقفلو و كنت خايف ملحقهومش ومش هأمن اسيب العربية كدة والإزاز مخبوط الصراحة