الموضوع: اوتو ايجيبت ابورواش (المعانـــــاة)تم حل مشكلة العضو

هحكى ليكم القصة من اولها
الحمد لله عملت حادثة عربية بيجو 7 راكب الفرامل سابت منها ولبست ف عربيتى الصنى من ورا روحت وددتها اوتو ايجيبت يوم 5/12/2012 قابلت م/ احمد عبدالعزيز وقالى هنعمل معاينة وهتاخد ساعتين وبعدها رصلى لستة مصنعيات ولستة قطع غيار ماعلينا المهم قلى هتخلص فى خلال اسبوعين
بعدها يعتبر كل يوم باتصل ب م/ احمد عبدالعزيز ومبيردش اتصل بخدمة العملاء ولا حد بيرد عليا قولت هروحلهم الكلام دة بعد اسبوع روحت ملقتش م/ احمد كلمتة قلى انا جاى ف الطريق فضلت مستنية اكتر من ساعتين وبعدها قابلتة وبسأله وصلتوا لاى المفاجئة ان العربية لسة برة الورشة ولا اتلمست لية ياعم الحج ؟؟؟ اصل فى قطعة غيار اللى هيا حلة الاستبن مش موجودة وبعتنا نجيبها وهتيجى يوم الاحد الاسبوع اللى جاى الكلام دة كان يوم الاثنين واول ماتيجى العربية مش هتاخد اربع ايام وتستلمها قولت امرى لله استنا واتصل بيهم بعد يوم الاحد اتصلت بيهم يوم الثلاثاء وقولت هلقيهم بيقولولى خلاص بنفنش ف العربية
الصدمة !!!!!!!!!قالولى ان حلة الاستبن مجتش ومش عارفين هتيجى امتى ؟؟؟؟
يعنى توكيل محترم زى مابيقولوا يفضل 2 اسبوعين يمطوح فيا !!!!!!!!!!!!
روحت متصل بشركة نيسان وعملت شكوى ان ف قطعة غيار اللى هيا حلة الاستبن مش موجودة طبعا ثبتونى ان المشكلة هنبحثها ونحلها وهنرد عليك ف خلال 3 أيام واهو عدى اسبوعين ومحدش عبرنى من نيسان .
المهم روحت جايب تليفونات كل التوكيلات التانية والموزعين المعتمدين جبتهم من موضوع كان عاملة احمد مصطفى ربنا يجزية خير واتصلت بيهم كلهم اسألهم عن حلة الاستنبن ملقتش الا فى يونايتد جروب الدراسة حلة استبن وحدة روحت رايح بسرعة جااييها ف تاكس وموديها عند اوتو ايجيبت ويسلام بقا على الكلام انت عملت اعجاز والكلام دا كلة والعربية 3 أيام بالظبط وهتستلمها الكلام دا كاان يوم الاربعاء اللى فات
المهم وكالعادة بتصل بيهم علشان اعرف اى اللى حصل ولا حد بيرد ولا مهندس الاستقبال ولا خدمة المبيعات
امبارح اتصلت تانى ب م/ احمد عبدالعزيز واخيرا والحمد لله رد عليا وقلى ان العربية لسة ف السمكرة وان شاء الله هتخلص ع الخميس الاسبوع اللى جاى !!!!!!!!!!!!!!!!!!!!!!!!!!!!1
بجد انا تعبت وقرفت من دا توكيل

تعالوا شوفو البروووووووووووود اللى على اصله هنا فى السعودية ومن كل التوكيلات
واخبط دماغك فى الحييييييييييط وعربيات ثمنها اكتر من الصنى ب10 مرات كمان وتفضل مرمية فى الورش اسابيع وشهور
والصيانات الدورية العادية(20-40-60-80-100) اللى بتاخد ساعتين ولا ثلاثة فى اى مركز خدمة فى مصر ممكن تقعد يوم او يومين فى التوكيل هنا عادى جدااااااا وروح اجر عربية على حسابك لو عاوز وياريت حد بيعمل اى حاجة غير انه يغير زيوت وفلاتر !!!
لا تربيط عفشة ولا كشف وفحص كامل ولا حتى اصلاح لشكوى بلغتها عند تسليم العربية مع مهندس الاستقبال اللى فى الغالب بيكون هندى هههههههههههههه

يا باشا هناك عادى ممكن يسيبها ويجيب واحده تانيه أو وكيل العربيه بيوفره سياره بديله فى حال الحوادث أو الصيانات التقيله أما هنا فى مصر احنا غلابه والعربيه بتبقى راسمال الواحد وايده ورجله زى مابيقولوا والمسأله مش مستحمله عطله