الموضوع: مساعده من خباراء جولف 2 ......

بسم الله الرحمن الرحيم

يا جماعه انا معايا جولف 2 موديل 89
1300 سى سى حالتها جيده جدا مافيهاش غير خدش بس من الجنب قى الدهان غير كده ما فيهاش الهوا
ازاز كهربا متجنطه سنتر سوند سيستم

كنت عايز ابيعها ومش عارف اطلب فيها كام بالظبط

مش عارف تبقى فى حدود كام عايز اطلب المعقول مبقاش مبالغ وماخسرش فيها

انا كنت شايف الاعلانات اللى على النت وشوفت سعرها بيتراوح ما بين 36 لحد 40

انا كنت مشتريها من سنه تقريبا وكنت جايبها على 37

بجد محتار اوى ومحتاج مساعدتكم

هى رخصتها هتنتهى كمان يومين وانا رايح اجدد لها سنه بكره بعون الله بنيه البيع طبعا فعشان كده هجدد سنه واحده بس

ياريات تفيدونى وتطمنونى ايه اخبار سوق الجولف 2 نفس الموديل اللى معايا ده

المشاركة الأصلية كتبت بواسطة scaryface

ربنا يطمنك يا محمد يارب هى فعلا ممتازه لانى ماستخدمتش العربيه غير سنه واحده والعربيه اخدتها من وكيل نيابه كان رافعها مش بيستخدمها اصلا

وانا كمان صرفت على العربيه وظبطها

انا تقرياب طالب زى مانت بتقول كده ربنا ييسر الحال يارب

ويا باشا انا كنت عايز اخد رآيك فى الابيزا الجديده الشكل الجديد ايه رآيك فيها

وايه الفرق بينها وبين الابيزا 2007 بصراحه انا محتار اوى بينها وبين بروتون جين 2 خصوصا الفيس ليفت

بص يا باشا الابيزا الجديدة اللي ان شاء الله هتشرف مصر خلال شهر او 2 بالكتير و سعرها هيتخطي حاجز 115 الف جنيه في منها حتي الان 1200 سي سي 70 حصان و 1400 سي سي 85 حصان و 1600 سي سي بفتيس dsg الرهيب 7 سرعات 105 حصان عزمها 153 نيوتن و العربية في فرق شكل رهيب بينهم الابيزا 2007 فيها جرأة شوية عن الابيزا 2009 انما 2009 حجم اكبر من جوا و حلوا مشكلة الكنبه اللي ورا وسعوها و الشنطة زادت 25 لتر عن موديل 2007 و تكنولوجيا رهييييييييييييييييييييييي ييييييييييييييييييييييييي يييييييييييييييبة في الابيزا 2009 تعادل تكنولوجيا موجودة في عربيات اغلي بكتير في العربية الصغيرة دي هتلاقيها 5 نجوم في اختبارات الامان موديل 2007 واخدة 4 نجوم تصميم مختلف للتابلوه و العربية من الداخل يجمع بين جودة الخامات العالية جدا و تصميم كلاسيكي شوية و في نفس الوقت نفس الروح الغريبة اللي بتنتابك لما تركب اي موديل من سيات و تمسك الدركسيون او بمجرد ما تتفرج و تشوف الدركسيون لوحده تعد تتأمل فيه و وضعية القيادة التحفه

حتي الان التوكيل لم يفصح عن ابيزا 2009 الا بمعلومات بسيطة جدا بس محدش عارف هل هتنزل 1400 ولا 1600 ولا الاتنين مع بعض زي الفابيا ميني ما نزلت 1400 و 1600 كده محدش عارف دي لسه

الحيرة بين الابيزا و الجين 2:
الشكل انا رأيي الجين 2 احلي و اهدي في الشكل انما الجرأة في التصميم للابيزا الكلام ده رأيي انا
الاداء لو الابيزا 1400 يبقي الاداء هيبقي في صالح الجين 2 تماما 1600 110 حصان 148 نيوتن و الابيزا 1400 سي سي 85 حصان 130 نيوتن و ال 1400 موديل 2009 عزمها 132 نيوتن اما لو الابيزا 2009 نزلت مصر 1600 سي سي يبقي المنافسة محسومة لصالح الابيزا هتقولي ليه ده فرق 5 حصان بس بينهم هقولك و لو في فرق 20 حصان زيادة للجين 2 الفتيس dsg العجييييييييييييييييييييي ييييييييييييييييييييييييي ييييييييب اللي ب 2 كلتش اللي بيعمل علي تحقيق اعلي تسارع و اداء ممكن هتكتسح الجين 2 بكل تأكيد الفتيس ده جاااااااااااااااااااااااا ااااااااااااااااااااااااا اااامد اخر حاجة يعني ملوش حل و ولو بروتون اتنططت مش هتعمله

التقفيل و التجميع حتي الان البروتون جين 2 موديل 2008 فيها عيوب تقفيل و تجميع و ده شفته بنفسي في الجين 2 في المصرية و كان معايا زملاء من المنتدي كمان يعني مش كلام بدوت رؤية تقفيل وتجميع الابيزا مفهوش غلطة و تقدر تتحقق من ده بنفسك

التحمل و العمر الافتراضي اظن الالماني هو ال top الجين 2 كويسة انما مش عربية للاستخدام الرياضي و من كل النواحي كفاية انك راكب الماني اظن الكلمة لوحدها بتعبر عن العنف و القوة و المتانة