الموضوع: المساعدة فى شراء سيارة من فضلكم

المشاركة الأصلية كتبت بواسطة temoo1977

ارجو المساعدة من السادة الاعضاء فى شراء سيارة لانسر
معايا فى حدود 80.000 الى 85.000 عاوز اشترى سيارة لانسر مستعملة نا بسافر مشاوير طويلة لان شغلى فى الغردقة وانا من القاهرة
محتاج عربية واسعة وتكون اتوماتيك وبردة استهلاك البنزين يكون كويس و1600cc
ولو فكرت انى ابيعها بعد سنة او اتنين مخسرش فيها كتييييييييير
ممكن ترشحولى اية .........

أولا مبروك مقدما وانشاء الله موفق فى الاختيار
ثانيا حضرتك معك من 80 الى 85 الف ودة مبلغ كويس جدا حضرتك تقدر تشترى بية عربية مستعملة استعمال خفيف وموديل حديث زى مثلا
1-لانسر بومه 1600 cc موديل 2008 كامله اسبورت (مواصفات رياضيه)
2-لانسر بومه 1600 cc موديل 2009 كامله هاف اسبورت
3-نيسان صنى موديل 2010 /2011 /2012 1600cc/سوبر صالون او ex صالون
4-هيونداى الانترا موديل 2010 /2011 1600 cc كامله
5-ممكن هوندا سيفيك موديل 2007 1600 cc
ملحوظه: انا كتبت لحضرتك العربيات اليابانى والكورى فقط لاسهوله البيع بعد فترة فى حالة التغير وكمان علشان قطع الغيار
وبالتوفيق انشاء الله

المشاركة الأصلية كتبت بواسطة temoo1977

انا ازاى اعرف العربية اذا كانت هاف اسبورت او اسبورت
انا معروض عليا كارينز 2010 مانويل عاملة 60.000 كليلو فبريكة برة وجوة بنتكلم 85 الى 88 دى تبقى كويسة ولا غالية انا فعلا محتاج مساعدتكم

بص حضرتك انا على حسب معلوماتى البسيطة حضرتك لما تشوف العربية زى مثلا الانسر من السهل تعرف تميز بين =الهاف اسبورت والعربيه الاسبورت
=الهاف اسبورت مافيش فتحه سقف \ الاسبورت فيها
=الهاف اسبورت فرش قماش (عادى) \ الاسبورت فرش جلد
=الهاف اسبورت عفشه مش رياضية \ الاسبورت عفشة رياضية كامله وبتبان من المساعدين والطنابير
=الهاف اسبورت بدون اسبويلر خلفى على الشنطة \ الاسبورت عليها اسبويلر
=فى بعض الموديلات فى الهاف اسبورت بتنزل بدون مفتاح ريموت يعنى مش شفرة \ الاسبورت مفتاح ريموت
اما بالنسبه للعربية الكارينز اعتقد وعلى حسب معلوماتى والله اعلم انها مفيش حاجه اسمها اسبورت او هاف اسبورت هى مواصفات خليجى او وكيل وبتبان جداا وحضرتك هتلاقى اختلافات منها الفرش بتاع الكراسى \الكاسيت\التابلوة\
اما بالنسبة للسعر انا مش عارف ممكن باقى الاعضاء المحترمين يفيدوا حضرتك
اتمنى ان اكون قدرت اوصل معلومه ولو بسيطة لحضرتك
بالتوفيق انشاء الله فى الاختيار ومبروك مقدماا