مشكلة غريبة فى عربيتى الرينو كليو 2004 (مع الفيديو)

**MOHAMED HASAN** · 26-12-2012 12:31 AM

اولا بسم الله الرحمن الرحيم
و السلام عليكم
انا بالتفصيل عندى عربية رينو كليو 2004 لسه مشتريها من شهرين و الحمد الله انا مشتريها فيها حاجات عايزة تتغير و انا عندى علم بكل الحاجات دى و حسبت ثمنها من العربية المهم
1- العربية رينو كليو 2004 عداد 128 الف كيلو حالة المتور 76%
2- العربية فيها حاجات عايزة تتغير وهى كالاتى
قواعد ماتور
بلى و طنابير امامى
جوان غطاء التكيهات
اولسيه الكرنك
السيه الكامة
قواعد فتيس + شداد فتيس
جوان الكربريتير
تيل فرمل امامى
العيب انا النهارده اضريت اغير مكان ركنة العربية و نزلت اركنها فى شارع جنمبى و كالعادة علشان لسه مبتدا نسيت اكشف على الميه فى القربة قبل ما اطلع مع العلم انى عملت بيها مشوار قبليها من يومين و بسخنها كل يوم كتير
المهم مشيت و ركنت تمام و طلعت فوق و نزلت بعد ساعتين علشان ارجعها مكانها
انا و جوه العربية شميت ريحة زى البلاستيك الى بيتحرق و بحسن نية قلت اكيد مش عندى لقيت و احد قاعد فى المحل الى جنبى بيقول فى ريحة حاجة بتشيط المهم انا قلقت و نزلت من العربية و رفعت الكبوت لقيت دخنة بسيطة تكاد لا ترى طلعة من جنب المتور رحت قرفت و ركنتها و كنت بفكر ابيعها بصيت لاقيت قربة الميه فيها تقريبا بق ميه قلت يبقى انا السبب المهم سبت العربية تبرد خالص بتاع ساعة و زودتها ميه و هى مش دايرة (ملحوظة عرفت بعد كدا ان دا غلط و بيبوظ العربية لازم تكون دايرة او اعمل كده و هى مبطلة بقالها نص يوم على الاقل) المهم قدر الله ما شاء فعل
و شوفو الفيديو معلش طولت قوى لانى فعلا مش بفهم اى حاجة فى العربيات و حتسوح لو رحت لصناعيى و انا مش عارف اى حاجة
اها كنت هنسى بالمرة بقى :)
عندى الفرامل لم ادوس عليها و العربية مبطلة بتنفس زى صوت الهوا و هى عايزة تيل اساسا و كمان عندى عداد السرعة و انا ماشى الاقيه فصل و لم اغير سرعة يرجع تانى يشتغل و ممكن يفصل تانى
و الدبرياج عندى بيزيق و العربية مبطلة و الصوت من جوا العربية بس و دى حلها الاسبراى wd40
بس كده ارجو الافادة من اصحاب الخبرة و مراعاة انى ابيض فى موضوع العربيات
MOV 0002 - YouTube

**aldesha989** · 26-12-2012 04:25 PM

السلام عليكم ورحمة الله وبركاتة

اولآ الف مبروك وربنا يديلك خيرها ويكفيك شرها

ما تروحش ابدآ لاى مكيانيكى الا لما تكون واثق انه ابن حلال او تحاول تشوف واحد ثقه عن طريق قرايبك اللى مجربين او صحابك علشان انا الحمد لله بعت اللى ورايا واللى قدامى بسبب المكانيكيه

المهم
التزيق اللى فى الدبرياج ده ممكن يكون الديسك عايز يتغير لازم يتبص على الديسك والاسطوانه
وخلى بالك من موضوع المايه ده لانك ممكن تضرب جوان وش السلندر وهتبقى حوسه لا قدر الله

الفرامل بتنفس دى انا مش عارف بصراحه مش غير فتى بس انتا كده كده مدام عارف انك لازم تغير طنابير وغير معاها التيل بالمره لو لقيته متأكل بدل ما تفك تانى بالمره اكشف عليهم

جوان الكربريتير اللى اعرفه ان العربيه دى انجكشين مش كربراتير

وربنا يوفقك ولو فى اى حاجه تانيه ان شاء الله باقى الزملاء يساعدوك

**MOHAMED HASAN** · 26-12-2012 05:46 PM

مشكزر جدا على ردك انا حشوف فى الربورت جوان ايه و اكتب اسمه
التزييق اتحل بوضع اسبراى wd40 على ميكانيكة الدبرياج و راح خلاص كان بس محتاج شوية تزييت
صوت الهوا من الفرامل مفهوش مشكلة دى حاجة اسمها كده غريب مسئولة عن كتم الصوت دا باظت وى عادى بى 15 جنيه

**HOSSAM99** · 26-12-2012 06:00 PM

و عليكم السلام و رحمة الله و بركاته
يا ريت حضرتك تطمن و متقلقش تقريبا كل اللي عند حضرتك إن فيه زيت بينقط علي فرن الشكمان و ده طبعا بيحرق الزيت و يصدر ريحة شياط
و بخصوص مياه القربه حضرتك بتقول ناقصه شويه قليلين يعني مفيش تأثير علي حرارة الموتور و حتي لو زودت الشويه دول عمرهم ما يأثرو علي حاجه و العربيه مطفيه
و الفيديو طبعا مش موضح المشكله بالشكل الكافي
أعمل صيانتك و غير الحاجات اللي محتاجاها العربيه
سؤال : هل كان فيه تسقيف في العربيه و هي بتدخن ؟ و عقرب الحراره علي كام ؟ ... فيه زيت بيقع تحت العربيه ؟تابع؟؟
و أنا شايف إن حضرتك من سكان الجيزه .. لو إحتجت أي مساعده أبعتلي

**MOHAMED HASAN** · 26-12-2012 06:53 PM

المشاركة الأصلية كتبت بواسطة hossam99

و عليكم السلام و رحمة الله و بركاته
يا ريت حضرتك تطمن و متقلقش تقريبا كل اللي عند حضرتك إن فيه زيت بينقط علي فرن الشكمان و ده طبعا بيحرق الزيت و يصدر ريحة شياط
و بخصوص مياه القربه حضرتك بتقول ناقصه شويه قليلين يعني مفيش تأثير علي حرارة الموتور و حتي لو زودت الشويه دول عمرهم ما يأثرو علي حاجه و العربيه مطفيه
و الفيديو طبعا مش موضح المشكله بالشكل الكافي
أعمل صيانتك و غير الحاجات اللي محتاجاها العربيه
سؤال : هل كان فيه تسقيف في العربيه و هي بتدخن ؟ و عقرب الحراره علي كام ؟ ... فيه زيت بيقع تحت العربيه ؟تابع؟؟
و أنا شايف إن حضرتك من سكان الجيزه .. لو إحتجت أي مساعده أبعتلي

مشكور على تعبك معايا
معلش يعنى ايه تسقيف؟
عقرب الحرارة عندى طبيعى خالص بس بقيت احس ان العربية بتسخن بسرعة شوية من ساعة الموضوع دا بس واحد قالى الرينو اساسا بتسخن بسرعة المهم مؤشر الحرارة ميعديش النص ودى مبتحصلش عندى خالص
لامفيش زيت بيقع تحت العربية اخره بيرشح تحت عند قاعدة الفتيس
مشكور جدا حضرتك انا كمان اساسا لسه سنة اولى سواقة و الدبرياج عندى واطى جدا و بيفصل حركة على مرتين يعنى عايزة سواق محترف مش واحد لسه بيتعلم
حاخد العربية بأذن الله و اشدها الشدة التمام و انضفها و اصلحها كمان يوم او اتنين
انا ساكن فى الهرم طلبية و ناوى اروح عثمان موتورز علشان اصلحها بعد ما سمعت انه كويس و ليه سمعة