طب والله يا شريف !! نزلت من كام يوم ... لفيت المرايا كلها متشالة .. و محطوطة فوق السقف علي ورقة مكتوب عليها " اسف !! ارجو الاتصال للصلاح .... 07770777 " كان نفسي ارد في نفس الورقة و اسيبها يمكن يقراها تاني يوم ....
عرض للطباعة
و الله حضرتك زوق اوى يعنى بعد العملة المستفذة اللى هو عملها بتقول ربنا يهديه
و الله يا أستاذ شريف انا العربية عندى فيها كمية خدوش و خبطة فى الرفرف الأمامى و الرفرف الخلفى ده غبر العتب اللى كله عايز يترد و نفسى ادخل العربية سمكرة و تاخد وش بوية نضيف يرجعوها زى الأول .... و مش عايز أعمل كده لإنى عارف انى مش هسلم من اذى الناس
ربنا يستر طريقنا و يبعد عننا ولاد........
للاسف بلدنا ماينفعش فيها عربيه زى الليون او اى عربيه قيمه ............. يا شاهين يا لانوس ... ولو بنحب الفشخره يبقى نوبيرا.
انا كنت حموت على انى اشترى الفا 156 بس الزمن اثبت لى ان مصر ماينفعش فيها النوع ده من العربيات . وصرفت نظر نهائيا عن ال156 . لانى لو جيت فى مره نازل ولقيتها مخبوطه ممكن ضغطى يرتفع و يجيلى انفجار .
للاسف الناس بقى عندها قله ضمير .. على لا وعى .. على تخلف .. على جهل .. على حقد .. و الموضوع ده بيزيد يوم عن يوم .
مثال بسيييط ...... وانا قاعد فى العربيه و قافل الازاز و بتكلم فى الموبايل اسمع صوت غريب !! ."" خرشششششششششششششششششش ""ابص فى المرايا الاقى عيله صغيره مش باينه من الارض مش عارف ماسكه خشبه ولا بلاستك و ماسكه العربيه من اخيرها ولما شافتنى ببرقلها و بفتح الباب جريت !!!!!!!!!
يا جماعة انهاردة ال I30 اتخبطت جامد فى الأكصدام و هية واقفة و الكلبسات اتكسرت من واحد حمااااااااااااااار سايق حمااااار و الحمار اتجنن مرة واحدة و قعد يروح و يرجع و كل دة فى الأكصدام العجلة قاعدة تحك فية الحمد لله فى الأكصدام بس مش فى الفانوس او الرفرف:( :( :( :( :( :( :( :( :(
و بقى منظر العربية بشع و حروح التوكيل ارش الأكصدام و اسمكرة
حسبى الله و نعمل وكيل
والله انا حتجنن و حسيت بيك دلوقتى
أةةةةةةةةةةةةةةةةةةةةةةةة ةةةةةةةةةةةةةةةةةةةةةةةةة ةةةة
طبعا ربنا يكون فى عونك و فى عونا كلنا من اللى بيحصل لعربياتنا من ناس متخلفه يعنى انا واحد بكارو غبى طالع منها مسامير مختفيه كده جابلى الباب اللى ورا الشمال كله خرابيش و كان نازل يتخانق معايا علشان يطلع نفسه منها و يقول ان انا اللى غلطان انا كنت هسيبه لو كان قال اسف انما غلطان و تنزل تتخانق الصراحه نزلت فيه ضرب انا و اصحابى لحد ما خليته شبه الحمار الاعرج كل اللى انا عاوز اقلهولك انك ما تستعجبكش اى حاجه من الشعب المصرى موضوع ان واحد يخبطك و يستنى علشان يقولك انا اسف ده تنساه خالص مش فى مصر
و بالنسبه لموضوع الشاى ده متستغربهوش انا كل عربيه اجيبها لازم يحصلى الموقف ده رغم انى بركن فى جراج و الجديد بقى انها بقت شاى و طفى سجاير
معلش يا شريف ، فعلا الموضوع بقى منتشر ويغيظ جدا ، وانا عن نفسي حصل معايا اكتر من مره ، وبروح اعمل العربية وانا هفرقع من الغيظ ،
بس فعلا موضوع الحقد مع عدم الضمير ، مع التخلف والاستهتار ، بيزيد يوم عن يوم ،
مش عارف هل ده في طبيعة الشعب المصري ؟
ولا ده نتاج الكبت والحرمان اللي فيه طبقه كبيره من الشعب المصري ؟ ، واللي طبعا سببه النظام بتاع البلد ، ورغم انه مأثر على كل الناس ، بس اللي حاسين بوجعه اكتر همه الطبقه دي ،
ولا ده نتيجة قلة الدين عند الناس ؟
ولا عشان كتير من الناس المقتدرين مبيخرجوش الزكاه ، واللي ليها دور كبير في كسر الحدة بين الطبقات ، وكمان كسر حدة الفقر عن الفقراء،
ولا ايه .... ولا ايه ... ولا ايه ؟؟؟
معلش قدر الله و ما شاء فعل انا كنت زيك كدة اول م جبت العربية مكنش فيها خربوش دلوقتى بقت مليانة خرابيش احترافية :) وكنت ازعل جدا و دمى يتحرق لكن دلوقتى لو عدا يوم مشوفتش خربوش او خبطة احس زى ما يكون حا جة ناقصانى
عشان تسوق فى مصر او تركن لازم تركب كساحة الغام و خوازيق حولين العربية
المهم ان انت بخير
:)