الموضوع: عايز أنزل احجز تيدا النهارده..بس خايف عندى سؤال لملاكها

بالنسبة للثبات أنا مشيت بالسيدان اللي هي أقل ثباتا من الهاتش باك على 180
الكلام اللي بتقول عليه في مطبات الهوا ممكن تلاقيه بعد الـ 150
وبالنسبة لعزل الصوت فالنقطة دي من أفضل مميزاتها .. أوقات كتير بنسى وبشغلها وهي دايرة أصلا
قطع الغيار .. في التوكيل أو استيراد خارج من الحرفيين
من أهم مميزاتها .. موتور وسحب وتكييف ووسع داخلي وعزل صوت .. ممتاز

لمعلومات أكتر أدخل على المكتبة دي:

http://www.nilemotors.net/Nile/163656-a.html

بصراحة مجربتش أجيب حاجة من بره التوكيل لحد دلوقتي

ربنا يوفقك فى الشراء والتيدا عربية ماتندمش انك اشتريتها ... عملية واعتمادية لأبعد الحدود ...

- بالنسبة للثبات فانا مش باحب الجرى ولا فيه مكان فى بلدنا ممكن تجرى فيه ازيد من 100 ك لمسافة طويلة الا اذا كنت مسافر او بتسافر كتير ودى انا جربت امشى 140 وكانت ثابتة طريق اسكندرية وطريق السخنة
- بالنسبة لنعومة العفشة ... فهى ناعمة ماشاء الله
- بالنسبة لعزل الصوت والموتور ... فانا احيانا كثيرة اما بادورها وهى دايرة ... او بانزل واسيبها دايرة :)
- بالنسبة لقطع الغيار ... غالية زى اى عربية جديدة كورى او يابانى ... وفيه منها التقليد ... وان شاء الله ماتحتاجش لقطع الغيار
- بالنسبة للتكييف ... تكييف يابانى ممتاز
- اهم مزاياها ... الاتساع الرهيب وراحة الركاب ... اللى بيركب فى الكنبة اللى ورا لازم ينام :)
- اهم مزاياها ... قلة الشكاوى والعيوب

وبالتوفيق واحنا تحت امرك فى اى حاجة

المشاركة الأصلية كتبت بواسطة buddha

نصيحة اخوية لو انتا من هواة الجرى والغرز على سرعات ..... فبلاش نهائى نيسان
التعليق الخلفى torsion beam


وكمان ومفيهاش anti roll bar ولا قدام ولا ورا


ودة رائيى الشخصى فقط ... ناتج عن قيادة سيارات مختلفة.... فنيسان احترم جدا مواتيرها والشاسيىة
ولكن فى الثبات الخاص بالصنى او تيدا
فهو صـــفر عن جدارة وليس امن

صدقنى فى شوارعنا الحلوة الحاجات دى ولا بتفرق بالمرة ... الكلام ده فى شوارع السعودية الطوالى اقولك ماشى بتمشى 180 لمسافة 4 او 5 ساعات كده ... لكن انا شايفك كاتب انك عايش فى usa فممكن نعديها :)

وكمان هاسامحك بس عشان ال future soldier اللى فى توقيعك :)