الموضوع: اريد الافاده من خبراء الاوبل _(ايهما افضل)_

المشاركة الأصلية كتبت بواسطة احمد فهمى

العربيه هى الاسترا موديل 2000 بس مصنع جى ام فى البرازيل عمل تعديل على الرفارف الاماميه والكبوت والاكصدامات وفى الخلف الفوانيس لكن هى شاسيه استرا القديمه بالابواب بكل حاجه وطبعاً الفيكترا تكسب عدا فى المتور لأن الاسترا فيها المتور الايكوتك اللى هو كان بينزل فى الفيكترا بى ايكوتك 1600 لك بجميع المقاييس الفيكترا تكسب بس الحاله اهم عنصر

بص يا استاذى الفاضل
انا كان معروض عليا فيكترا 99
واسترا 2005

والاثنين سعرهم متقارب بس من الواضح ان الاسترا اتباعت وكل ما ادور عليها بلاقى الاسعار بتاعتها فوق قوى عن ال كانت معروضه عليا
فبالتالى هرجع تانى للفيكترا بس المشكله ان فى ناس بتقولى السعر المطلوب فيها قليل ومقلقنى منها وهى مطلوب فيها 40000 هى 1600سى سى مانيوال ومش عارف هروح ابص عليها بكره
هو المفروض انى ارفعها فى بنزينه ولا لا ؟ واى بنزينه ممكن ارفع فيها العربيه ؟؟

المشاركة الأصلية كتبت بواسطة maam

بالظبط
عربية بقالها 12 سنة على الأقل بالاضافة لفتي وقرف الصنايعية فيها يخليك تكره حياتك
لكن عربية بقالها 7 سنين وأغلب وليس الكل من مالكيها بيعملوا صيانتها في التوكيل ، ممكن يخليك تتنازل عن فرق (وليس مبدأ) القوة والثبات

على فكرة انا كنت زيك بالظبط في الأول ولما لاقيت الفرق الطفيف جدا بين الاتنين ، فاتجهت للأسترا واللي هي الشيفروليه(وده الخذوق اللي عرفته بعدين) لأنها شياكة وبالذات الطابلوه شكله شيك جدا
وفرق الموديل اللي انا اولى بيه وفرق الكيلوهات اللي عاملاها معظم الفيكترا اللي شوفتها (دايما معدية الـ 200 الف كيلوا)
بعد اما سوقت العربية ويوم عن يوم وعرفت انها شيفروليه مش اوبل ، ولا فرق معايا !
ليه ؟
لأن العربية ثابتة على الطريق
عفشة ناعمة
موتور قوي
دا غير عامل الأمان المهم جدا 2 ايرباج ، abs
اما الدلع : وحدة رفع ، ازاز كهرباء ، 2 ولاعة ، فوج لايت ، مفتاح بريموت ، الخ
طبعا الفيكترا مشتركة في بعض الحاجات المذكورة لكن مش كلها
وعشان كدا اعجبت جدا بالعربية خصوصا لما تركب عربيات في فـئتها وتقارن

وبعد كل ده باردوا الفيكترا تكسب :)

انا معاكم فى كل ال انتوا بتقوله بس لسعر عالى عليا قوى انا بصراحه مش هقدر اعلى بالفلوس اكتر من كدا