تغيير تيل الفرامل والطنابير الأمامية لنيسان صني بتوكيل السبع

السلام عليكم ورحمة الله وبركاته أعضاء منتدى نايل موتورز الكرام .. وتحية عطرة وطيبة خاصة لصقور نيسان.

كنت قد نشرت موضوع سابق عن مشكلة واجهتني فى الفرامل بعد شراء سيارة نيسان صني أتوماتيك موديل 2008 ، يمكنكم مراجعتها على الرابط التالي :

http://www.nilemotors.net/Nile/325501-a.html

والتي تمثلت فى عدة مشاكل خاصة بمجموعة الفرامل والمساعدين وبعد التوكل على الله والأخذ بالأسباب (استشارة أهل المشورة وأخص بالشكر السيد/ يوسف المنسق المساعد لقسم نيسان) فقررت الذهاب اليوم الأربعاء لتوكيل صيانة نيسان (السبع موتورز بزهراء المعادي)

:_Alshmokh22[1]: :_Alshmokh22[1]: :_Alshmokh22[1]: :_Alshmokh22[1]::_Alshmokh22[1]:

وصلت المركز الساعة التاسعة إلا عشرة دقائق وللأسف لم أتذكر حجز موعد قبلها بيوم ولكن الحمد لله عندما حضرت م. رؤى (المهندسة التى كانت حددت لي المشاكل من قبل أسبوع مضى) واستقبلتني مباشرة دون الانتظار لدور أو رقم وحددت لها لأني سوف أقوم بتغيير تيل فرامل أمامي وطنابير أمامي والبوجيهات وفلتر الهواء على أن أقوم بباقي التغييرات لاحقا وعندما تتوفر السيولة.

تم استلام السيارة عن طريق مهندسة الاستقبال الساعة التاسعة وعشرون دقيقة وأعطتني كوبون المشروبات فى صالة الاستراحة

حاولت أستغل الوقت فى انهاء بعض الشغل الخاص بي وارسال ايميلاتي ولكن للأسف ان الانترنت كان ضعيف جدا نظرا للعطل الحادث فى سنترال المعادي خلال الفترة الماضية .. بدأت أتابع الشغل فى السيارة من خلال النوافذ الزجاجية حيث بدأوا بتغيير البوجيهات وفلتر الهواء وتنظيف المنطقة كلها ثم تم رفع السيارة والبدأ فى فك العجل وتغيير الطنابير ثم التيل وبعد ذلك أخذوا السيارة للغسيل وبعد انتهاء الغسيل قاموا بتظبيط ضغط الهواء بالاطارات
http://nileup.com/up/uploads/nilemotors_13565461291.jpg


وتقريبا فى الساعة العاشرة وخمسة عشر دقيقة اتصلت بيا المهندسة بأن العربية جاهزة للاستلام .. ذهبت إلى صالة الاستقبال واستلمت الأوراق والفواتير وقمت بالدفع فى الخزنة اجمالي ألف وستمائة وخمسون جنيها وأخذت ايصال الخروج وذهبت لبوابة الأمن واستلمت السيارة وبها قطع الغيار التالفة ..

http://nileup.com/up/uploads/nilemotors_13565461302.jpg


http://nileup.com/up/uploads/nilemotors_13565461303.jpg

ما رأيكم هل كانت تستحق التغيير فعلا أم لا ؟

تعليق

هذه أول مرة اقوم فيها بالتعامل مع توكيل سيارات ولا أعلم هل هذا النظام والمتابعة فى الخطوات والمراحل فى كل التوكيلات أم فى السبع فقط.

كان لي ملاحظة أن الفني قد ترك بعض البصمات على الباب من الداخل ولكن غير مؤثرة ازلتها بسهولة .. عدا ذلك فلا تعليق

شكرا لكم وأتمنى أن يكون هذا الموضوع قد أفادكم

وإلى اللقاء فى الموضوع القادم ... قريبا جدا إن شاء الله وكان فى العمر بقية

حصري لصقور نايل موتورز وجميع ملاك سيارات نيسان

(صني و تيدا و نيو صني و ليفينا وسيلفي و قاشقاي و جوك و اكس تريل)

التحديث الأخير لجدول الصيانات الدورية والذي يحتوي على

1. بنود الصيانة (ما يتم فحصه أو تغييره أو تربيطه)..

2. أسعار المصنعيات حسب موديل كل سيارة

3. أسعار بعض قطع الغيار التي قد تستخدم في الصيانة

:verygood: :verygood: :verygood: :verygood: :verygood:

والسلام عليكم ورحمة الله وبركاته

مبروك يا باشا وربنا يباركلك والسبع من المراكز المحترمة

1000 مبروووووك يا هندسة وعقبال ما ترجع احسن من الاول كمان ان شاء الله لما تكمل اللازم تغييره واصلاحه
وهاتبقى زى الفل لأنه واضح ان حالة البودى كويسة الحمد لله وكفاية ان صاحبها اللى اشتريتها منه كان مهمل فى الصيانات بس

اقتباس:

---

المشاركة الأصلية كتبت بواسطة saint2011

مبروك يا باشا وربنا يباركلك والسبع من المراكز المحترمة

---

شكرا لحضرتك

اقتباس:

---

المشاركة الأصلية كتبت بواسطة youssef.awad

1000 مبروووووك يا هندسة وعقبال ما ترجع احسن من الاول كمان ان شاء الله لما تكمل اللازم تغييره واصلاحه
وهاتبقى زى الفل لأنه واضح ان حالة البودى كويسة الحمد لله وكفاية ان صاحبها اللى اشتريتها منه كان مهمل فى الصيانات بس

---

الله يبارك فيك وكله بفضل الله ومساعدتك .. وربنا يعيننا على الباقي ان شاء الله

الف مبروك الصيانة يا باشا
والطنابير انا مغير عندي وكانت نفس الحالة تقريبا ..

الف مبروك وربنا يبارك لك فى عربيتك ويحفظها لك من كل سوء
قلنا النتيجة وحسيت بفرق بعد الطنابير والتيل ولا ايه؟

اقتباس:

---

المشاركة الأصلية كتبت بواسطة ali_abo_amr

الف مبروك وربنا يبارك لك فى عربيتك ويحفظها لك من كل سوء
قلنا النتيجة وحسيت بفرق بعد الطنابير والتيل ولا ايه؟

---

الله يبارك في حضرتك

امبارح الخميس كان فعلا في فرق واضح .. الصوت اختفى نهائيا وكذلك أيضا السيطرة على العربية أصبحت افضل

ممكن مرة أو اتنين أكون سمعت صوت خفيف وليس تصفير.

يا ريت لو نصيحتكم ليا ازاي احافظ على تيل الفرامل وخصوصا ان اول مرة ليا فى الاتوماتيك

شكرا لكم لاهتمامكم ومساعدتكم

اقتباس:

---

المشاركة الأصلية كتبت بواسطة s o p h o s

الف مبروك الصيانة يا باشا
والطنابير انا مغير عندي وكانت نفس الحالة تقريبا ..

---

الله يبارك في حضرتك

الف مبروك وواضح من الصوره ان الطنابير كانت محتاجه تغيير فعلا لان سًُمكها قل جامد عن الجديده و دة بيحصل نتيجه تآكل التيل فى البدايه جامد فبعد كده اللى بيحصل ان طبقه الحديد اللى تحت التيل بتبدأ تبرى فى الطنبوره نفسها مع الفرمله لانه بيبقى احتكاك حديد فى حديد و ده اللى بيعمل الصوت المزعج مع الفرمله و بالتالى الطنبوره بترفع زى ما هو واضح فى الصوره و ما بيبقلهاش حل غير التغيير لان التيل له سُمك معين و كمان الطنبوره لازم تبقى مستويه علشان التيل يمسك فيها و مع الاسف لما التيل بيتاكل هتلاقى ان الطنبوره مع الاحتكاك بقى فيها عالى وواطى و نظرا لانها بقت رفيعه قوى عن. الطبيعى ما بينفعش فيها الصنفره. الحل اللى حضرتك لازم تعمله جزء منه عن طريق أسلوب القياده و هو عدم الضغط على الفرامل جامد كل شويه للآخر و ممكن يبقى الضغط متقطع لتقليل السرعه بس طبعا ده عمليا ممكن يكون صعب فممكن تعتمد اكتر على فحص الفرامل مع الصيانه و بالذات التيل و إذا كان محتاج تغيير لابد من تغييره فورا علشان ما يأثرش على الطنابير و هو بتبقى ليه علامات زى نزول دواسه الفرامل لتحت شويه فهتلاقى نفسك و انت بتفرمل محتاج تدوس على الفرامل لتحت قوى و ممكن كمان تسمع صوت صفاره مع الفرمله و احيانا ممكن تحس ان الفرمله ما بتوقفش العربيه (وان كان الأخير ده ممكن يبقى ليه أسباب تانيه زى ضغط الهوا فى الإطار او ان نقشه الكاوتش ممسوحه) و بالنسبة للعمر الافتراضى للتيل طبعا ده بيتوقف على أسلوب السواقه و كميه و طريقه الضغط على الفرامل لكن بصفه عامه لو التيل اصلى هيبقى مضمون على اسوأ الأحوال الى ٢٠ الف كيلومتر على الاقل. طبعا فى ناس ممكن يقعد معاها مرتين تلاته اكتر من كده لكن احنا بنتكلم على اسوأ الظروف اللى يستحسن من بعدها اننا نبدأ نركز معاه

الله يبارك في حضرتك ... وشكرا جزيلا على هذه المعلومات القيمة

معلش سؤال تاني بالنسبة لاستخدام الفتيس الأتوماتيك ، كنت بلاحظ ان في ناس قبل المطبات بينقل على n وبعد كده يكمل بال d فما هو الاساتخدام الافضل بحيث يحافظ على الفتيس

شكرا

اقتباس:

---

المشاركة الأصلية كتبت بواسطة eng_amrnabil

الله يبارك في حضرتك ... وشكرا جزيلا على هذه المعلومات القيمة

معلش سؤال تاني بالنسبة لاستخدام الفتيس الأتوماتيك ، كنت بلاحظ ان في ناس قبل المطبات بينقل على n وبعد كده يكمل بال d فما هو الاساتخدام الافضل بحيث يحافظ على الفتيس

شكرا

---

انا مش شايف ان التصرف ده له اى تفسير علمى او مردود على الحفاظ على الفتيس الاتوماتيك بالذات لأنه بيفصل لوحده لما تدوس فرامل وتهدى قبل المطب وياخد نقلة لما تدوس بنزين تانى

بالظبط زى واحد صاحبى من اول ما اتعلم سواقة واللى علمه قاله اى عربية كبالن (جر امامى) عشان تحافظ عليها وتطول عمر الكبالن لازم تمور الفتيس وانت بتلف يوترنات !!!
ولحد دلوقت بيعمل كده حتى لما ركب اتوماتيك وكل اما اركب جنبى ينرفزنى بكده :alien01:

اقتباس:

---

المشاركة الأصلية كتبت بواسطة eng_amrnabil

الله يبارك في حضرتك ... وشكرا جزيلا على هذه المعلومات القيمة

معلش سؤال تاني بالنسبة لاستخدام الفتيس الأتوماتيك ، كنت بلاحظ ان في ناس قبل المطبات بينقل على n وبعد كده يكمل بال d فما هو الاساتخدام الافضل بحيث يحافظ على الفتيس

شكرا

---

طبعا زى ما يوسف باشا قال لحضرتك مالوش اى ميزه للفتيس الحركه دى . حضرتك بتهدى السرعه باستخدام الفرامل و تخف رجلك من على دواسه البنزين و العربيه على ال d عادى خالص علشان تطلع المطب بالراحه و بعد كده تدوس بنزين تانى فالعربيه تاخد سرعتها . حضرتك بتحتاج تجيب ال n لو كنت هتقف فى اشاره شويه و ده علشان ما تفضلش دايس على الفرامل فتره طويله فالتيل يبوظ لكن لو طالع مطب او الاشاره خلاص هتفتح يبقى ممكن تخليها على d و تخف رجلك من على البنزين طبعا. طبعا الكلام ده كله على عربيات اتوماتيك جديده لكن احيانا فى بعض العربيات الاتوماتيك القديمه و اللى فيها مشكله فى الكهرباء بيضطر يجيبها على n لما يجي طالع مطب و ده بيكون بسبب انه لو ما عملش كده العربيه بتترج جامد و ممكن تبطل منه وهى اتوماتيك و لذلك بيريح دماغه و يمور لكن زى ما قلت لحضرتك دة بيبقى لسبب مشكله فى فى الكهربا او محتاج يعلى الموتور لكن فى الطبيعى لو العربيه جديده و الكهربا مضبوطه عمره ما هيحتاج يمور. معلومه برضه سريعه للحفاظ على الفتيس و هو ان حضرتك لما تيجى تركن يستحسن قبل ما تجيب الفتيس على p انك تدوس على الفرامل الاول علشان توقف العربيه تماما و بعد لما العربيه تقف تبقى تنقل الفتيس الى الوضع p

http://www.nilemotors.net/Nile/304554-n.html

ألف مبروك.. وعقبال ما تركب باقي القطع اللي عاوزة تتغير على خير

اقتباس:

---

المشاركة الأصلية كتبت بواسطة youssef.awad

:alien01:

---

شكرا لحضرتك على هذه المعلومة والنصيحة الهامة

اقتباس:

---

المشاركة الأصلية كتبت بواسطة land_cruiser

p

---

شكرا لحضرتك على هذه الافادة وان شاء الله أعمل بيها وكتر خيرك

اقتباس:

---

المشاركة الأصلية كتبت بواسطة sehsss

ألف مبروك.. وعقبال ما تركب باقي القطع اللي عاوزة تتغير على خير

---

الله يبارك فيك وشكرا على اهتمامك

اقتباس:

---

المشاركة الأصلية كتبت بواسطة د. علاء ابراهيم

http://www.nilemotors.net/nile/304554-n.html

---

شكرا لحضرتك .. موضوع رائع واستفدت منه كتير

اقتباس:

---

المشاركة الأصلية كتبت بواسطة د. علاء ابراهيم

http://www.nilemotors.net/Nile/304554-n.html

---

معلش من فضلك انا عندي اسفسار مش عارفه اقوله هنا و لا في الموضوع الأصلي
انا اول مره هتعامل مع الأوتوماتيك
و سؤالي تحديدا انا طريقي زحمة شوية هو مش واقف بس بيمشي بالراحه هو في مصر الجديده يعني شارع النزهه و ابوبكر الصديق و ابن الحكم ، فلازم اجيب n كل شوية و لا امشي علي D عادي ؟
و الإشارة بتقعد دقيقتين و بعدي علي 4 او 5 اشارات ينفع افضل علي D عادي ؟؟
و لما ابقي طالعه و نازله من الجراج اجيب ال D و لا 1 ؟
شكرا جزيلا

اقتباس:

---

المشاركة الأصلية كتبت بواسطة gomana85

معلش من فضلك انا عندي اسفسار مش عارفه اقوله هنا و لا في الموضوع الأصلي
انا اول مره هتعامل مع الأوتوماتيك
و سؤالي تحديدا انا طريقي زحمة شوية هو مش واقف بس بيمشي بالراحه هو في مصر الجديده يعني شارع النزهه و ابوبكر الصديق و ابن الحكم ، فلازم اجيب n كل شوية و لا امشي علي d عادي ؟
و الإشارة بتقعد دقيقتين و بعدي علي 4 او 5 اشارات ينفع افضل علي d عادي ؟؟
و لما ابقي طالعه و نازله من الجراج اجيب ال d و لا 1 ؟
شكرا جزيلا

---

اذا الطريق ماشى واحدة واحدة بس مش واقف تماما خليكى على الd
اذا وقفتى اكتر من 30 ثانية فى اشارة او طريق عادى لكن واقف تماما هاتى الn
وانتى نازلة الجراج عادى d وفرامل بالراحة
وانتى طالعة لو زاوية الميل اكتر من 30 درجة يفضل الl ولما تطلعى انقلى على d

الف مبروك على الصيانة و الف شكر على اسلوب الكتابة و تنسيق الموضوع

بصراحة كنت مستمتع و انا بقراه

تحياتى

اقتباس:

---

المشاركة الأصلية كتبت بواسطة canner

الف مبروك على الصيانة و الف شكر على اسلوب الكتابة و تنسيق الموضوع

بصراحة كنت مستمتع و انا بقراه

تحياتى

---

الله يبارك في حضرتك وبالنسبة للموضوع ده يعتبر أقل شيء مقارنة بمواضيع الصقور الرائعة وأتمنى أن يكون أفاد الأعضاء.

شكرا وتحياتي للجميع